# 16-берене. "Тамчы" АФИАдагы иштин уруксат берилген түрлөрү

- Документ: [Өзгөчө укуктук режимдеги жана статустагы “Тамчы” атайын финансылык инвестициялык аймагы жөнүндө](https://aqlex.ai/kg/doc/230029329)
- Документтеги орду: 4-глава
- Толук аталышы: Кыргыз Республикасынын 2025-жылдын 10-июлундагы № 136 "Өзгөчө укуктук режимдеги жана статустагы “Тамчы” атайын финансылык инвестициялык аймагы жөнүндө" Мыйзамы
- Актынын түрү: Закон
- Номери: 136
- Кабыл алынган күнү: 10.07.2025
- Статусу: Күчүндө
- Редакциянын күнү: 22.07.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/230029329/st-16>
- Расмий булак: <https://cbd.minjust.gov.kg/230029329/edition/34554/ru>
- Башка тилдеги тексти (Markdown): <https://aqlex.ai/doc/230029329/st-16.md>

> Текст расмий булактын маалыматы боюнча 22.07.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Өзгөчө укуктук режимдеги жана статустагы “Тамчы” атайын финансылык инвестициялык аймагы жөнүндө, 16-берене (22.07.2026 редакциясы) - https://aqlex.ai/kg/doc/230029329/st-16

---

1. Ушул Мыйзамдын жоболорун жана "Тамчы" АФИАнын актыларын эске алуу менен "Тамчы" АФИАда иштин төмөнкүдөй түрлөрү жүргүзүлүшү мүмкүн:

1) финансылык, банктык жана инвестициялык иш;

2) бардык категориялардагы камсыздандыруу жана кайра камсыздандыруу иши;

3) баалуу металлдар, акциялар, облигациялар, баалуу кагаздар жана алардан алынган же ага байланыштуу башка финансылык жана виртуалдык активдер менен жүргүзүлгөн соода жана операцияларды кошуп алганда, бардык категориялардагы финансылык, фонддук жана товардык рыноктордогу, виртуалдык активдер рынокторундагы иш;

4) акча каражаттарын жана активдерди башкаруу, инвестициялык фонддордун иши, бизнестин бардык жаатында долбоордук каржылоону жана корпоративдик каржылоону берүү, ошондой эле ислам банк иши жана каржылоо;

5) фонддорду башкаруу, фонддор боюнча консультация берүү жана активдерди башкаруу боюнча иш;

6) пенсиялык фонддордун жана кредиттик уюмдардын иши;

7) камсыздандыруу, акцияларды соодалоо жана башка финансы рыноктору жаатындагы брокердик иши;

8) финансылык агенттөө жана корпоративдик каржылоону берүүнү уюштуруу, башка финансылык консультацияларды, инвестициялык кеңештерди берүү жана инвестициялык кызматтардын бардык түрүн көрсөтүү;

9) казино иши же кумар оюндарын өткөрүү менен байланышкан башка иш;

10) классификациялык жана башка баалоо кызматтарын көрсөтүү;

11) кесиптик кызматтарды көрсөтүү, анын ичинде (бирок чектелбестен) аудит, бухгалтердик эсеп, салык салуу, консалтинг жана юридикалык кызмат көрсөтүүлөр;

12) холдинг компанияларынын иши; трасттарды жана бардык түрдөгү ушул сыяктуу түзүмдөрдү түзүү, башкаруу жана администрациялоо;

13) туристтик агенттиктердин, иш-чараларды өткөрүү жана эс алууну уюштуруунун башка түрлөрү боюнча агенттиктердин иши;

14) саламаттык сактоо чөйрөсүндө кызматтарды көрсөтүү боюнча иш;

15) Кыргыз Республикасынын мыйзамдарында тыюу салынбаган коммерциялык иш.

2. "Тамчы" АФИАда Кыргыз Республикасынын мыйзамдарында тыюу салынган иштерге жол берилбейт.

Эгерде Кыргыз Республикасынын мыйзамдарында башкача каралбаса, "Тамчы" АФИАнын субъекттерине "Тамчы" АФИАда да, анын аймагынан тышкары да иштин төмөнкүдөй түрлөрүнө тыюу салынат:

- пайдалуу кен чыккан жерлерди иштетүү, аларды казып алуу;

- курал-жаракты жана ок-дарыларды өндүрүү, оңдоо жана сатуу, курал-жаракты даярдоодо пайдаланылуучу жардыргыч заттарды өндүрүү жана сатуу;

- радиоактивдүү, ядролук жана башка кооптуу материалдарды өндүрүү, кайра иштетүү, сактоо, зыянсыздандыруу, сатуу;

- Кыргыз Республикасынын мыйзамдарына ылайык ташып келүү жүзөгө ашырылып жаткан өндүрүштүк максаттарда пайдаланылуучу алардын прекурсорлорун кошпогондо, баңгизат каражаттарын, психотроптук заттарды ташып келүү, сактоо, өндүрүү жана сатуу;

- алкоголдук, тамеки буюмдарын жана күйүүчү-майлоочу материалдарды өндүрүү.

Министрлер Кабинети тарабынан социалдык маанилүү товарларды жана өнүмдөрдү ташып кирүүгө чектөөлөр белгилениши мүмкүн.

---

Мурунку берене: [15-берене](https://aqlex.ai/kg/doc/230029329/st-15)  
Кийинки берене: [17-берене](https://aqlex.ai/kg/doc/230029329/st-17)