# 66-берене. Убактылуу администрацияны киргизүүнүн кесепеттери

- Документ: [Камсыздандыруу жана камсыздандыруу иши жөнүндө](https://aqlex.ai/kg/doc/230026520)
- Документтеги орду: 8-глава
- Толук аталышы: Кыргыз Республикасынын 2025-жылдын 29-апрелиндеги № 89 "Камсыздандыруу жана камсыздандыруу иши жөнүндө" Мыйзамы
- Актынын түрү: Закон
- Номери: 89
- Кабыл алынган күнү: 29.04.2025
- Статусу: Күчүндө
- Редакциянын күнү: 29.04.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/230026520/st-66>
- Расмий булак: <https://cbd.minjust.gov.kg/230026520/edition/31541/ru>
- Башка тилдеги тексти (Markdown): <https://aqlex.ai/doc/230026520/st-66.md>

> Текст расмий булактын маалыматы боюнча 29.04.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Камсыздандыруу жана камсыздандыруу иши жөнүндө, 66-берене (29.04.2025 редакциясы) - https://aqlex.ai/kg/doc/230026520/st-66

---

1. Камсыздандыруу (кайра камсыздандыруу) уюмуна убактылуу администрация киргизилген учурдан тартып төмөнкүдөй кесепеттер келип чыгат:

1) камсыздандыруу (кайра камсыздандыруу) уюмунун башкаруу органдарынын жана кызмат адамдарынын ыйгарым укуктары токтотула турат жана убактылуу администрацияга өтөт. Камсыздандыруу (кайра камсыздандыруу) уюмунун атынан юридикалык жак катары убактылуу администрация гана чыгууга укуктуу. Кимдир бирөөнүн камсыздандыруу (кайра камсыздандыруу) уюмунун атынан жасаган кандай болбосун иш-аракеттери көз көрүнөө жараксыз деп эсептелет;

2) эгерде ыйгарым укуктуу орган тарабынан башка белгиленбесе, бардык операциялар, бүтүмдөр жана башка иштер токтотулуп турат;

3) камсыздандыруу (кайра камсыздандыруу) уюмунун кызмат адамдарына жана кызматкерлерине белгиленген эмгек акыны кошпогондо, пайданы бөлүштүрүү, дивиденддерди төлөө, акционерлердин алдында кандай болбосун финансылык милдеттенмелерди аткаруу, ошондой эле ар кандай сый акыларды (сыйлыктарды, бонустарды жана башка дем берүүчү төлөмдөрдү) төлөө токтотулат.

2. Убактылуу администрация мезгилинде эмгек акы төлөө жана кызматкерлердин өмүрүнө жана ден соолугуна келтирилген зыяндын ордун толтуруу токтотулбайт.

---

Мурунку берене: [65-берене](https://aqlex.ai/kg/doc/230026520/st-65)  
Кийинки берене: [67-берене](https://aqlex.ai/kg/doc/230026520/st-67)