Кыргыз Республикасынын Министрлер Кабинетинин «Кыргыз Республикасынын Жалал-Абад облусунун Жалал-Абад шаарында жана Сузак районунун Багыш айыл аймагында жайгашкан жер участокторун „Айыл чарба багытындагы жерлер“ категориясынан „Өнөр жайынын, транспорттун, байланыштын, энергетиканын, коргонуунун жерлери жана башка багыттагы жерлер“ категориясына которуу (трансформациялоо) жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 2-апрели № 172

Кыргыз Республикасынын Жалал-Абад облусунун Жалал-Абад шаарында жана Сузак районунун Багыш айыл аймагында жайгашкан жер участокторун "Айыл чарба багытындагы жерлер" категориясынан "Өнөр жайынын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которуу (трансформациялоо) жөнүндө

Кыргыз Республикасынын Жалал-Абад облусунун Жалал-Абад шаарынын аймагында жана Сузак районунун Багыш айыл аймагында эл аралык аэропортту куруу максатында, Кыргыз Республикасынын Жер кодексинин 20-статьясына, "Жер участокторун которуу (трансформациялоо) жөнүндө" Кыргыз Республикасынын Мыйзамына, "Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө" Кыргыз Республикасынын Мыйзамынын 1-беренесинин 9-пунктуна, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык, Кыргыз Республикасынын Президентинин Кыргыз Республикасынын Жалал-Абад облусундагы ыйгарым укуктуу өкүлүнүн 2025-жылдын 17-февралындагы № 25-б буйругун жана 2025-жылдын 17-февралындагы № 04-01/1080 корутундусун, Кыргыз Республикасынын Жалал-Абад облусунун Жалал-Абад шаарынын мэриясынын 2025-жылдын 14-февралындагы № 24-Т токтомун, Сузак районунун мамлекеттик администрациясынын 2024-жылдын 31-декабрындагы № 64 токтомун көңүлгө алып, Кыргыз Республикасынын Министрлер Кабинети токтом кылат:

1. Кыргыз Республикасынын Жалал-Абад облусунун Жалал-Абад шаарынын аймагында жана Сузак районунун Багыш айыл аймагында эл аралык аэропортту куруу үчүн Айыл чарбасына жарактуу жерлердин мамлекеттик фондусунун жалпы аянты 371,18 га жер участогу "Айыл чарба багытындагы жерлер" категориясынан "Өнөр жайынын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которулсун (трансформациялансын), анын ичинде:

- Кыргыз Республикасынын Жалал-Абад облусунун Жалал-Абад шаары боюнча - № 34 (3,65 га), № 72 (5,15 га) жана № 71 (4,58 га) контурларындагы 13,38 га сугат айдоо;

- Кыргыз Республикасынын Жалал-Абад облусунун Сузак районунун Багыш айыл аймагы боюнча - жалпы аянты 357,80 га, анын ичинде № 631 (2,20 га), № 634 (2,0 га), № 638 (3,50 га), № 641 (0,80 га), № 642 (1,0 га), № 645 (1,10 га), № 650 (0,20 га), № 608 (2,10 га), № 263 (6,50 га), № 78 (15,0 га), № 77 (4,75 га), № 75 (28,20 га), № 72 (21,30 га), № 61 (15,0 га), № 57 (18,0 га) контурларындагы 121,65 га сугат айдоо;

- № 521 (0,40 га), № 621 (0,30 га), № 618 (0,30 га), № 630 (2,10 га), № 646 (0,30 га), № 647 (1,0 га), № 362 (0,90 га), № 355 (0,40 га) контурларындагы 5,70 га токой аянты;

- № 516 (6,84 га), № 524 (1,55 га), № 512 (0,10 га), № 518 (10,0 га), № 522 (10,0 га), № 508 (19,30 га), № 507 (16,0 га), № 617 (5,50 га), № 503 (8,35 га), № 500 (7,60 га), № 499 (6,15 га), № 400 (2,80 га), № 622 (0,90 га), № 624 (0,70 га), № 625 (2,50 га), № 626 (2,20 га), № 627 (1,60 га), № 628 (1,90 га), № 632 (2,40 га), № 633 (1,40 га), № 636 (0,80 га), № 589 (1,0 га), № 613 (0,06 га), № 614 (0,30 га), № 643 (1,0 га), № 648 (21,80 га), № 649 (0,40 га), № 653 (8,20 га), № 654 (12,0 га), № 498 (0,90 га), № 403 (0,75 га), № 609 (10,70 га), № 655 (2,10 га), № 360 (14,10 га), № 356 (20,80 га), № 353 (0,20 га), № 358 (8,90 га), № 405 (0,70 га), № 406 (0,60 га), № 318 (10,10 га), № 320 (3,30 га), № 316 (1,90 га), № 315 (0,40 га), № 82 (0,15 га) контурларындагы 228,95 га жемиш багы;

- № 79 (0,40 га), № 81 (1,10 га) контурларындагы 1,50 га тыт багы.

2. Кыргыз Республикасынын Жалал-Абад облусунун Жалал-Абад шаарынын мэриясы жана Сузак районунун мамлекеттик администрациясы төмөнкүлөрдү камсыз кылсын:

1) жерди эсепке алуу документтерине тиешелүү өзгөртүүлөрдү киргизүүнү;

2) Кыргыз Республикасынын шаар куруу жана архитектура чөйрөсүндөгү мыйзамдарына ылайык ушул токтомдун 1-пунктунда көрсөтүлгөн жерлердин шаар куруу документтерин иштеп чыгууну жана бекитүүнү;

3) бул токтомдун 1-пунктунда көрсөтүлгөн жерлердин аянтын калыбына келтирүүнү, асылдуулугу төмөн жерлерге талдоо жүргүзүүнү жана аларды айыл чарба жүгүртүүсүнө киргизүүнү;

4) бул токтомдун 1-пунктунда көрсөтүлгөн жерлерди максаттуу багыты боюнча пайдаланууну;

5) тиешелүү аймакта жамгырдын жана эриген кардын сууларын коопсуз буруу системасынын иштөөсүн, башкы пландагы жер титирөөгө каршы иш-чараларды жана кооптуу процесстерге жана кубулуштарга мониторинг жүргүзүү, божомолдоо боюнча колдонмону сактоону;

6) жер участоктору пайдаланылбаган же максаттуу багыты боюнча пайдаланылбаган учурда жер участокторунун менчик ээлерине карата көрсөтүлгөн жерлерди баштапкы абалга келтирүү менен Кыргыз Республикасынын мыйзамдарына ылайык аларды алып коюуну караган чараларды көрүүнү;

7) бул токтомдун 1-пунктунда көрсөтүлгөн жерлерде тарыхый-маданий мурас объекттери аныкталганда аларды Кыргыз Республикасынын тарыхый-маданий мурастарды коргоо жана пайдалануу жөнүндө мыйзамдарына ылайык сактоону;

8) бул токтомдун 1-пунктунда көрсөтүлгөн жер участокторуна үчүнчү жактардын укуктарын токтотууну жана бирдей баадагы жер участокторун берүүнү.

3. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

4. Бул токтом расмий жарыяланган күндөн тартып он күн өткөндөн кийин күчүнө кирет.

"Эркин-Тоо" мамлекеттик расмий гезитинин 2025-жылдын 4-апрелиндеги № 25 (3682) жарыяланды

Кыргыз Республикасынын Министрлер Кабинетинин Төрагасы

А.А. Касымалиев