Кыргыз Республикасынын Өкмөтүнүн «Кыргыз Республикасынын Өкмөтүнүн 2004-жылдын 4-декабрындагы № 886 „Кыргыз Республикасынын жарандарын жашаган жана барган жеринде каттоонун жана каттоодогу эсептен чыгаруунун эрежеси жөнүндө жобону бекитүү тууралуу“ токтомуна өзгөртүүлөрдү киргизүү жөнүндө» токтому

Кыргыз Республикасынын Министрлер Кабинетинин 2024-жылдын 31-июлундагы № 435 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2021-жылдын 4-майы № 207 Кыргыз Республикасынын Өкмөтүнүн 2004-жылдын 4-декабрындагы № 886 "Кыргыз Республикасынын жарандарын жашаган жана барган жеринде каттоонун жана каттоодогу эсептен чыгаруунун эрежеси жөнүндө жобону бекитүү тууралуу" токтомуна өзгөртүүлөрдү киргизүү жөнүндө

Жарандарга өздөрүнүн укуктарын жана эркиндиктерин ишке ашыруусу, алардын башка жарандардын алдындагы милдеттерин аткаруусу үчүн зарыл болгон шарттарды камсыздоо, ошондой эле ички миграция процесстерин укуктук жөнгө салуу максатында, Кыргыз Республикасынын Турак жай кодексинин 19-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2004-жылдын 4-декабрындагы № 886 "Кыргыз Республикасынын жарандарын жашаган жана барган жеринде каттоонун жана каттоодогу эсептен чыгаруунун эрежеси жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

- 2-пункту күчүн жоготту деп таанылсын;

- 3-пункту төмөнкүдөй редакцияда баяндалсын:

"3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын транспорт, курулуш жана коммуникациялар бөлүмүнө жүктөлсүн."; жогоруда аталган токтом менен бекитилген Кыргыз Республикасынын жарандарын жашаган жана барган жеринде каттоонун жана каттоодогу эсептен чыгаруунун эрежеси жөнүндө жободо:

- преамбуласы "Ички миграция жөнүндө" Кыргыз Республикасынын Мыйзамын" деген сөздөрдөн кийин "жана Кыргыз Республикасынын турак жай мыйзамдарын" деген сөздөр менен толукталсын;

- 4-пунктунун үчүнчү абзацы күчүн жоготту деп таанылсын;

- 5-7-пункттарындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын;

- 9-пунктунда:

жетинчи абзацындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын; сегизинчи абзацы күчүн жоготту деп таанылсын;

- 10-пунктунун экичи абзацындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын;

- 12-пунктунда:

экинчи абзацы күчүн жоготту деп таанылсын; үчүнчү абзацындагы "Кыргыз Республикасынын мамлекеттик алымдары жөнүндө" Кыргыз Республикасынын Мыйзамына" деген сөздөр "Салыктык эмес кирешелер жөнүндө Кыргыз Республикасынын кодексине" деген сөздөр менен алмаштырылсын;

- 14-пунктунун экинчи жана үчүнчү абзацтарындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын;

- 2-главасы төмөнкүдөй мазмундагы 151 жана 152-пункттар менен толукталсын:

"151. Турак жайга болгон менчик укугунун башка адамга өтүшү эгер макулдашууда башкача каралбаса, мурдагы менчик ээси менен чогуу жашаган үй-бүлө мүчөлөрүнүн жана башка адамдардын турак жайды пайдалануу укугун токтотуу үчүн негиз болуп саналат.

152. Ушул Жобонун 151-пунктунда аталган, турак жайдын мурдагы менчик ээси менен чогуу жашаган адамдарды каттоодогу эсептен чыгаруу турак жайга менчик укугун ырастаган документтерди берүү менен турак жайдын менчик ээсинин арызынын негизинде жүргүзүлөт.";

- 16-пунктунун биринчи абзацындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын;

- 24-пункту төмөнкүдөй редакцияда баяндалсын:

"24. 16 жашка толо элек балдар ата-энесинин биринин, камкорчунун, көзөмөлчүнүн же ишенимдүү адамдын арызы боюнча, ушул Жободо каралган тартипте жашаган жери жана барган жери боюнча катталат жана каттоодогу эсептен чыгарылат. Эгерде ата-энеси турак жайдын ээси болуп саналбаса, балдарды каттоо үчүн турак жайдын ээсинин нотариалдык күбөлөндүрүлгөн макулдугу же болбосо алардын жеке өздөрү берген арызы талап кылынат. Менчигинин түрүнө карабастан, балдар мекемелеринде (ымыркай балдардын үйү, балдар үйлөрү, мектеп-интернаттар, атайын мектептер жана башка ушул сыяктуу мекемелер) турган балдар, эгерде алар ата-энесинде же башка жарандарда катталбаса, администрациялардын өтүнүчүнө ылайык бул мекемелердин юридикалык дареги боюнча ушул мекемелерде турган мөөнөткө катталышат.";

- 25-пунктунун биринчи абзацындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын;

- 26-пунктунун үчүнчү жана төртүнчү абзацтарындагы "Өкмөтүнө караштуу" деген сөздөр "Юстиция министрлигине караштуу" деген сөздөр менен алмаштырылсын.

2. Кыргыз Республикасынын Юстиция министрлиги өзүнүн чечимдерин ушул токтомго ылайык келтирсин.

3. Ушул токтом расмий жарыяланган күндөн тартып он беш күн өткөндөн кийин күчүнө кирет.

“Эркин-Тоо” мамлекеттик расмий гезитинин 2021-жылдын 8-июнундагы № 68 (3247) саны менен жарыяланды

Премьер-министр

У.А.Марипов