# Кыргыз Республикасынын Министрлер Кабинетинин 2025-жылдын 19-мартындагы № 137 "Балдарды үйүндө, саламаттык сактоо жана социалдык коргоо системасынын стационардык мекемелеринде жеке окутууну уюштуруу жөнүндө жобону бекитүү тууралуу" токтому

- Толук аталышы: Кыргыз Республикасынын Министрлер Кабинетинин 2025-жылдын 19-мартындагы № 137 "Балдарды үйүндө, саламаттык сактоо жана социалдык коргоо системасынын стационардык мекемелеринде жеке окутууну уюштуруу жөнүндө жобону бекитүү тууралуу" токтому
- Актынын түрү: Постановление
- Номери: 137
- Кабыл алынган күнү: 19.03.2025
- Статусу: Күчүндө
- Редакциянын күнү: 19.03.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/230024460>
- Расмий булак: <https://cbd.minjust.gov.kg/7-39776/edition/29353/ru>
- Башка тилдеги тексти (Markdown): <https://aqlex.ai/doc/230024460.md>

> Текст расмий булактын маалыматы боюнча 19.03.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Министрлер Кабинетинин 2025-жылдын 19-мартындагы № 137 "Балдарды үйүндө, саламаттык сактоо жана социалдык коргоо системасынын стационардык мекемелеринде жеке окутууну уюштуруу жөнүндө жобону бекитүү тууралуу" токтому (19.03.2025 редакциясы) - https://aqlex.ai/kg/doc/230024460

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 19-марты № 137

Балдарды үйүндө, саламаттык сактоо жана социалдык коргоо системасынын стационардык мекемелеринде жеке окутууну уюштуруу жөнүндө жобону бекитүү тууралуу

Акыл-эсинин жана дене-боюнун өнүгүүсү бузулган балдарды, ошондой эле ар кандай оор дарттар менен ооруган балдарды мектептик билим берүү менен камтууну көбөйтүү, аларды окутуу үчүн шарттарды түзүү максатында, "Билим берүү жөнүндө" Кыргыз Республикасынын Мыйзамынын 37-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Балдарды үйүндө, саламаттык сактоо жана социалдык коргоо системасынын стационардык мекемелеринде жеке окутууну уюштуруу жөнүндө жобо тиркемеге ылайык бекитилсин.

2. Кыргыз Республикасынын Билим берүү жана илим министрлиги, Кыргыз Республикасынын Саламаттык сактоо министрлиги жана Кыргыз Республикасынын Эмгек, социалдык камсыздоо жана миграция министрлиги ушул токтомдон келип чыгуучу тиешелүү чараларды көрсүн.

3. Кыргыз Республикасынын Өкмөтүнүн 2018-жылдын 15-октябрындагы № 477 "Балдарды үйүндө жеке окутууну уюштуруу жөнүндө жобону бекитүү тууралуу" токтому күчүн жоготту деп таанылсын.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.Касымалиев