# 10-берене - Документ: [Кыргыз Республикасынын салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндө](https://aqlex.ai/kg/doc/230022035) - Толук аталышы: Кыргыз Республикасынын 2025-жылдын 12-февралындагы № 37 "Кыргыз Республикасынын салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндө" Мыйзамы - Актынын түрү: Закон - Номери: 37 - Кабыл алынган күнү: 12.02.2025 - Статусу: Күчүндө - Редакциянын күнү: 12.02.2025 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 12.02.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндө, 10-берене (12.02.2025 редакциясы) - https://aqlex.ai/kg/doc/230022035/st-10 --- «Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2004-ж, № 5, 229-ст.) төмөнкүдөй өзгөртүүлɵр киргизилсин: 1) 22-статьянын 3-пунктунун үчүнчү абзацы төмөнкүдөй редакцияда баяндалсын: «– жалпы мамлекеттик маанидеги жер казынасынын участокторун иштеткен жана/же пайдалуу кендерди иштетүү максатында жалпы мамлекеттик маанидеги жер казынасын пайдалануу укугуна ээ болгон тоо-кен казып алуучу ишканаларга;»; 2) 7-статья төмөнкүдөй мазмундагы 5-пункт менен толукталсын: «5. Субъекттерди жүргүнчүлөрдү жана жүктөрдү ташууга, такси кызматына жана курьердик кызматка тапшырык берүү үчүн колдонулуучу маалыматтык тутумуна кошуу кызматтарын көрсөткөн, уюштуруу-укуктук түрүнө жана менчик түрүнө карабастан юридикалык жактар, анын ичинде чет өлкөлүк жактар, алардын обочолонгон бөлүмдөрү (филиалдары жана өкүлчүлүктөрү), жеке ишкерлер жеке жактын жүргүнчүлөрдү жана жүктөрдү ташууга, такси кызматына жана курьердик кызматка заказ берүү үчүн колдонулуучу маалымат тутумун пайдалануу менен иш жүргүзүүдөн алган кирешесинен камсыздандыруу төгүмдөрүн ошол жеке жактын пайдасына төмөнкүдөй кармап калышат жана төлөшөт: 2025-жылдын сентябрынан 2028-жылга чейин – 1 пайыздан кем эмес өлчөмдө; 2028-жылдан тартып 2030-жылга чейин – 2 пайыздан кем эмес өлчөмдө; 2030-жылдан тартып – 5 пайыздан кем эмес өлчөмдө. Камсыздандыруу төгүмдөрүнүн суммаларын фонддор боюнча бөлүштүрүү төмөнкүдөй өлчөмдөрдө жүргүзүлөт: Пенсиялык фондго – 90 пайыз; Милдеттүү медициналык камсыздандыруу фондуна – 10 пайыз. Камсыздандыруу төгүмдөрүн төлөө Кыргыз Республикасынын Министрлер Кабинети тарабынан белгиленген тартипте жүзөгө ашырылат.»; 3) 9-статьянын 6-пунктунун «в» пунктчасынын биринчи абзацында «7-статьянын 4-пунктуна» деген сөздөр «7-статьянын 4, 5-пункттарына» деген сөздөргө алмаштырылсын; 4) 10-статьянын 11-пункту төмөнкүдөй мазмундагы «в» пунктчасы менен толукталсын: «в) жүргүнчүлөрдү жана жүктөрдү ташууга, такси кызматына жана курьердик кызматка заказ берүү үчүн колдонулуучу маалымат тутумун пайдалануу менен иш жүргүзгөн жана киреше алган жеке жактар.»; 5) 13-статьянын 3-пункту төмөнкүдөй мазмундагы абзац менен толукталсын: «– турак жай менчик ээлеринин шериктиктери.». --- Мурунку берене: [9-берене](https://aqlex.ai/kg/doc/230022035/st-9) Кийинки берене: [11-берене](https://aqlex.ai/kg/doc/230022035/st-11)