МАДЫ АЙЫЛДЫК КЕҢЕШИНИН “Мады айыл өкмөтүнүн уюштуруу жана башкаруучулук ишинин натыйжалуулугун жогорулатуу максатында кызмат көрсөтүүгө конкурс өткөрүүнүн тартиби жөнүндөгү жобосу, кызмат көрсөтүүлөрдүн наркын эсептөө методологиясы жөнүндөгү жобосун жана жумушчу комиссиянын курамынын жобосун бекитүү жөнүндө” токтому

МАДЫ АЙЫЛДЫК КЕҢЕШИ

ТОКТОМ

МАДЫ АЙЫЛДЫК КЕҢЕШИНИН (VII- ШАЙЛАНГАН) КЕЗЕКСИЗ XXVIII СЕССИЯСЫ

2024-жылдын 19-апрели № 178

“Мады айыл өкмөтүнүн уюштуруу жана башкаруучулук ишинин натыйжалуулугун жогорулатуу максатында кызмат көрсөтүүгө конкурс өткөрүүнүн тартиби жөнүндөгү жобосу, кызмат көрсөтүүлөрдүн наркын эсептөө методологиясы жөнүндөгү жобосун жана жумушчу комиссиянын курамынын жобосун бекитүү жөнүндө”

Мады айыл өкмөтүнүн уюштуруу жана башкаруучулук ишинин натыйжалуулугун жогорулатуу максатында кызмат көрсөтүүгө конкурс өткөрүүнүн тартиби жөнүндөгү жобосу, кызмат көрсөтүүлөрдүн наркын эсептөө методологиясы жөнүндөгү жобосун жана жумушчу комиссиянын курамынын жобосун бекитүү жөнүндөгү айыл өкмөтүнүн жооптуу катчысы С.Бороновдун маалыматын угуп жана талкуулап Мады айылдык кеңеши

ТОКТОМ КЫЛАТ:

1. Мады айыл өкмөтүнүн кызмат көрсөтүүлөрдү уюштуруу жана айыл өкмөттүн башкаруучулук ишинин натыйжалуулугун жогорулатуу максатында кызмат көрсөтүүгө конкурс өткөрүүнүн тартиби жөнүндөгү жобосу №1 тиркеме менен, кызмат көрсөтүүлөрдүн наркын эсептөө методологиясы жөнүндөгү жобосу № 2 тиркеме менен, жумушчу комиссиянын курамынын жобосу№ 3 тиркемеге ылайык бикитилсин.

2. Бул токтомду аткарууга алуу жагы айыл өкмөт башчысы Н.К.Алимбековго милдеттендирилсин.

3. Бул токтомду көзөмөлдөө айылдык кеңештин финансы, бюджет, экономика

жана мыйзамдуулук, укук, мандат, тартип чыңдоо, кеңештин иштери, депутаттык этика боюнча туруктуу комиссияларына жүктөлсүн.

Мады айылдык кеңешинин төрагасы

Б.Мадазимов

Мады айылдык кеңешинин 2024-жылдын 19-апрелиндеги №178 токтомуна № 1 тиркеме Кызмат көрсөтүүгө конкурс өткөрүүнүн тартиби жөнүндө ЖОБО

I. Жалпы жоболор

1. Конкурс өткөрүү жөнүндө жобо «Жергиликтүү өз алдынча башкаруу жөнүндө» Кыргыз Республикасынын Мыйзамына жана Кыргыз Республикасынын башка ченемдик укуктук актыларына ылайык иштелип чыккан.

Ушул жобо Мады айыл аймагынын территориясында конкурс өткөрүүнүн тартибин жана шарттарын белгилейт.

2. Конкурс кызмат көрсөтүүлөрдү жеткирип берүүчүлөрдүн профессионалдык даярдыгынын, квалификациясынын, билиминин деңгээлин объективдүү жана ачык баалоо максатында өткөрүлөт.

II. Ушул жободо колдонулуучу түшүнүктөр

3. Ушул жободо колдонулуучу түшүнүктөр:

Кепилдик салымы – кызмат көрсөтүү максатында конкурска катышууга каалоосун билдирген талапкер тарабынан киргизилген акчалай сумма; Конкурс – тандоо жана конкурстун жеңүүчүсүнө кызмат көрсөтүү укуктарын ыйгаруу; Ак ниет эмес атаандаштык – Кыргыз Республикасынын мыйзамдарынын жоболоруна, ишкердик жүгүртүмдүн салттарына, ак ниеттүүлүк, эстүүлүк жана адилеттүүлүктүн талаптарына карама-каршы келбеген артыкчылыктарын сатып алууга багытталган конкурстун субъекттеринин аракеттери, эгерде мындай аракеттер натыйжада төмөнкүгө ээ болсо:

конкурстун катышуучуларынын ортосунда жашыруун сүйлөшүп алуу, коррупция, бааларды жасалма жогорулатуу, төмөндөтүү же кармоо, конкурска жетүүсүн чектөө же потенциалдуу атаандаштарды жок кылуу жана башка ак ниет эмес аракеттер;

конкурстун катышуучусу – ушул Жобо менен белгиленген конкурска катышууга арыз берген жана уруксат алган жак. III. Конкурс жана конкурсттук комиссия

4. Кызмат көрсөтүүлөрдү жеткирип берүүчүлөрүн тандоо конкурсттук негизде жүзөгө ашырылат. Конкурс Кыргыз Республикасынын жарандарынын укуктарын алардын мүмкүнчүлүктөрүнө жана профессионалдык даярдыгына ылайык бирдей жетүүсүн камсыз кылат.

5. Конкурсту өткөрүүнүн максаты кызмат көрсөтүүгө коюлган квалификациялык талаптарга, анын ичинде билимине, иш тажрыйбасына, профессионалдык жана жалпы билимдерине, ишкердик сапаттарына, ошондой эле талапкерлердин мотивациясына ылайык кыйла дайындалган талапкерлерди аныктоо болуп саналат.

6. Кызмат көрсөтүүгө конкурс өткөрүү үчүн айыл өкмөтүнүн башчысынын буйругу менен кызмат көрсөтүүгө талапкерлердин тандоосун жүзөгө ашырууга ыйгарым укуктуу конкурсттук комиссия (мындан ары - Комиссия) түзүлөт.

7. Конкурсттук комиссиянын түзүмү жана курамы:

- конкурсттук комиссиянын төрагасы;

- конкурсттук комиссиянын мүчөлөрү;

- конкурсттук комиссиянын катчысы.

8. Ишмердиктин адистештирилген түрлөрүндө атайын профессионалдык билимдерин текшерүү үчүн конкурсттук комиссия серепчилерди чакырта алат. Серепчилердин корутундулары сунуштоо мүнөзүнө ээ жана протокол менен таризделет.

9. Конкурсту өткөрүүдө комиссия:

- конкурсту өткөрүүнүн мөөнөттөрүн жана иш регламентин аныктайт;

-конкурстун катышуучуларына карата квалификациялык талаптарды белгилейт;

- маектешүүнүн баалоо критериин белгилейт;

- конкурстун катышуучулары тарабынан берилген документтерди карайт жана конкурска катышуу жөнүндө чечимди кабыл алат;

- конкурстун катышуучулары менен маектешүү өткөрөт;

- конкурстун жеңүүчүсүн аныктайт;

- конкурстун жыйынтыктарын бекитет;

10. Жоопту катчы:

- кызмат көрсөтүүгө талаптанган жарандардан документтерди кабыл алууну жүзөгө ашырат;

- кызмат көрсөтүүгө талаптанган жарандарга конкурсту өткөрүүнүн шарттары тууралуу маалымат берет;

- конкурсттук комиссиянын мүчөлөрү үчүн иш кагаздарды иштетет жана даярдайт;

- конкурска катышкандардын тизмесин түзөт;

- маектешүүнүн суроолорунун тизмесин иштеп чыгат;

- конкурстун катышуучуларына конкурстун бардык баскычтарын өткөрүүнүн жери, күнү, айы, жылы жана убактысы тууралуу маалымат берет.

IV. Ачык конкурсту өткөрүү

11. Ачык конкурс төмөнкү тартипте өткөрүлөт:

- Жалпыга малымдоо каражаттарында жана айыл аймактагы жалпыга жеткиликтүү жерлерге ачык конкурс өткөрүү жөнүндө жарнама берүү;

- конкурстун катышуучуларынан документтерди кабыл алуу;

- конкурсту түздөн түз өткөрүү.

12. Конкурсту өткөрүү төмөнкү этаптарды камтыйт:

- кызмат көрсөтүүлөрдү берүүчүлөргө карата коюлган талаптарга конкурстун катышуучуларынын документтеринин ылайык келүүсүн кароо;

- маектешүү;

- комиссия тарабынан кароо;

- конкурстун жеңүүчүсүн аныктоо тууралуу чечимди кабыл алуу.

V. Конкурстун катышуучулары

13. Катышуучулар төмөнкү учурларда конкурска катыша алышпайт:

- кызмат көрсөтүү үчүн зарыл болгон белгиленген квалификациялык талаптарга ылайык келбесе;

- керектүү документтерди бербесе;

-кепилдик салымды төлөбөсө (эгерде каралса).

14. Кызмат көрсөтүүлөрдү берүүчүгө ачык конкурсту өткөрүүнүн узактыгы документтерди кабыл алуу аяктаган күндөн тартып 30 күндөн ашпоого тийиш.

VI. Маалыматтык пакетти түзүүнүн тартиби

15. Айыл өкмөтү төмөнкү маалыматты камтыган маалыматтык пакетти түзөт:

а) конкурстун шарттарын;

г) кепилдик салымдын өлчөмүн, конкурстун катышуучулары тарабынан аны төлөөнүн мөөнөттөрү жана тартиби.

16. Айыл өкмөтү конкурска катышууну каалаган жактарга маалыматтык пакетти берүүгө милдеттүү.

17. Жарыя конкурстун мөөнөтү, жери, анын ичинде конкурска катышууга арыздарды кабыл алууну токтотуунун мөөнөттөрү, кепилдик салымдын суммасы которула турган банкттын реквизиттери (эгерде каралса), толук маалымат алуу үчүн айыл өкмөтүнүн байланыш телефондору жөнүндө маалыматты камтууга тийиш. Жарыя конкурсту өткөрүүгө чейин 14 күндөн кечиктирбей жарыяланат.

VII. Конкурсту өткөрүүнүн тартиби

18. Конкурска катышууга укугун алуу үчүн талапкер төмөнкүлөрдү берет:

а) конкурска катышуу ниети жөнүндө жазуу жүзүндөгү арыз;

б) жеке жак-талапкердин өздүгүн тастыктаган документ;

в) юридикалык жак-талапкердин укук жөндөмдүүлүгүн тастыктоочу документ;

г) юридикалык жак-талапкердин жетекчиси экенин тастыктаган документ, болбосо жеке же юридикалык жак-талапкердин атынан чыгуу укугуна ишеним кат;

д) кепилдик салымын (эгерде каралса) төккөнүн тастыктоочу төлөм документтери.

19. Конкурска катышуу ниети жөнүндө арыз конкурсту өткөрүүгө чейин акыркы жумушчу күндөн кечиктирбей берилиши керек.

Конкурска катышуу ниетин билдирген юридикалык жак кошумча мамлекеттик каттоо жөнүндө күбөлүктүн, уставынын, түзүү жөнүндө чечиминин көчүрмөлөрүн берет.

20. Кепилдик салым катышуучулар тарабынан айыл өкмөтүнүн белгилүү эсебине накталай эмес которуу жолу менен төгүлөт.

21. Конкурстун жеңүүчүсү менен келишим түзгөн учурда кепилдик салымынын суммасы кайтарылууга тийиш.

Кепилдик салым 5 жумушчу күндүн ичинде кайтарылууга тийиш:

а) конкурста жеңе албаган катышуучуларга;

б) эгерде конкурс өткөрүлбөй калса;

в) конкурсту өткөрүүгө чейин 3 күн калганда катышуудан баш тартса.

Калган учурларда кепилдик салымы конкурсту өткөрүү боюнча чыгымдардын ордун толтуруу максатында айыл өкмөтүнүн башкаруусунда калат.

22. Арыз берүүчүгө төмөнкү учурларда документтерди кабыл алуудан баш тартылат:

а) арыз конкурсту өткөрүү жөнүндө жарыяда белгиленген арызды кабыл алуу мөөнөтү аяктагандан кийин берилсе;

б) арыз берүүчүнүн атынан аракеттенүүгө ыйгарым укуктары жок адам тарабынан берилсе;

в) маалыматтык пакет жана ушул Жобо менен каралган керектүү документтер берилбесе же берилген документтер тиешелүү түрдө таризделбесе.

23. Катышуучу укуктуу:

а) жеке өзү же өзүнүн өкүлдөрү аркылуу конкурска катышууга;

б) конкурстун предмети жөнүндө толук маалымат алууга;

в) конкурска катышуудан баш тартууга, бирок конкурсту өткөрүүгө чейин үч күндөн кечиктирбей чечими тууралуу конкурстун уюштуруучусуна кабарлоо, ушуну менен бирге белгиленген мөөнөттүн ичинде кепилдик салымын алуу, көрсөтүлгөн мөөнөттү бузган учурда кепилдик салымы кайтарылбайт;

г) комиссиянын протоколдору менен таанышууга жана протоколдон көчүрмө бөлүк алууга;

д) конкурстун катышуучусу катары укуктары бузулган учурда сотко кайрылууга.

24. Бир гана катышуучу катышкан конкурс ишке ашпай калды деп таанылат жана айыл өкмөтү конкурс өткөрүү жөнүндө жарыяны экинчи ирет жарыялайт.

25. Айыл өкмөтү конкурсту өткөрүүгө чейин он күндөн кечиктирбей конкурстан баш тартууга укуктуу, конкурстан баш тартуунун себептери көрсөтүлгөн протокол түзүлөт. Конкурстан баш тарткан учурда айыл өкмөтү конкурсту өткөрүүдөн баш тартуунун себептерин көрсөтүү менен чечими тууралуу жазуу формасында катышуучуларга кабарлайт.

26. Катышуучу тарабынан ак ниет эмес атаандаштык аныкталган учурда акыркысы мындан ары конкурска катышуу укугунан ажыратылат, муну менен бирге кепилдик салымы ага кайтарылбайт.

VIII. Конкурсту өткөрүүнүн тартиби.

27. Конкурсту жарыялоого чейин конкурстун шарттары белгиленет.

28. Жарыяда жана маалыматтык пакетте көрсөтүлгөн конкурстун шарттарына ылайык келген конкурстук сунуш конкурстун катышуучуларына бекитилген конверттин ичинде арыз менен бирге тапшырылат.

29. Бир катышуучудан бир гана конкурстук сунуш сунушталышы мүмкүн.

Конкурстук сунуштар менен конверттер инвестициялык жана комиссия тарабынан белгиленген (технико-экономикалык көрсөткүчтөр, түшүндүрмө каты) конкурстун шарттарына ылайык келген башка сунуштарды камтышы керек.

30. Конкурстук сунуштарды ачуу конкурсту түздөн түз өткөргөн учурда жана конкурстун катышуучуларынын же алардын ыйгарым укуктуу өкүлдөрүнүн катышуусу менен конкурстук комиссиясы тарабынан жүзөгө ашырылат.

Комиссия келип түшкөн сунуштарды ирээти менен ачат, конкурстун катышуучусунун номерин, анын фамилиясын, атын жана атасынын атын же аталышын, конкурстун катышуучусу тарабынан сунушталган конкурсттук шарттарды окуйт, конкурстук сунуштарды ачуунун натыйжаларын протоколго жазат жана келип түшкөн конкурстук сунуштарды баалоого киришет.

31. Конкурстук сунуштарды баалоо конкурстук сунуштарды ачкан күнү конкурстук документацияда белгиленген критерийлер боюнча жүзөгө ашырылат. Айыл аймагынын кызыкчылыктарынын негизинде, конкурстун шарттары менен каралган учурларда, конкурстун приоритеттүү шарттары болуп сунушталган эң жакшы шарттар жана/же инвестициялык сунуштар саналат;

Эрежеден тышкары учурларда, конкурстук сунуштарды баалоо үчүн кошумча убакыт керек болгондо, конкурсту өткөрүүнүн мөөнөттөрү комиссия тарабынан кийинки комиссиянын отурумуна чейин узартылышы мүмкүн, бул тууралуу комиссиянын отурумуна катышкан комиссиянын мүчөлөрү жана конкурстун катышуучулары тарабынан кол коюулуучу конкурстук сунуштарды ачуу жыйынтыктары жөнүндө протоколго тиешелүү жазуу жүргүзүлөт. Берилген билдирүүлөрдү баалоонун жүрүшүндө комиссия конкурстун катышуучуларына өздөрүнүн конкурстук сунуштарын түшүндүрүү үчүн кайрылууга укуктуу. Конкурстук шарттардын маңызын өзгөртүүгө жол берилбейт. Конкурстук документацияда белгиленген талаптарга ылайык келбеген конкурстук сунушту комиссия четке кагат.

32. Конкурстук сунуштарды баалоонун жыйынтыгы боюнча эң мыкты шарттарды сунуштаган конкурстун жеңүүчүсү аныкталат, комиссиянын катчысы тарабынан конкурсту өткөрүүнүн жыйынтыктары жөнүндө протокол түзүлөт, протоколго катчы, комиссиянын отурумуна катышкан комиссиянын мүчөлөрү жана конкурстун жеңүүчүсү кол коюшат.

33. Комиссиянын мүчөлөрүнүн ортосунда конкурсту өткөрүүгө байланыштуу пайда болгон талаш-тартыштар ачык добуш берүү менен чечилет, ал эми бирдей сандагы добуш чогулса, төрагалык кылуучунун добушу чечүүчү болуп саналат.

34. Конкурсту өткөрүүдө:

а) Комиссиянын чечими боюнча эн мыкты шарттарды сунуш кылган жак жеңүүчү деп таанылат;

б) конверттерди ачып, сунуштарды окуган учурда конкурстун бардык катышуучулары же тиешелүү түрдө таризделген ишеним каттары бар өкүлдөрү катышууга уруксат берилет.

IX. Конкурстун документтерин тариздөөнүн тартиби

35. Эң мыкты шарттарды сунуштаган конкурстун катышуучусу жеңүүчү болуп жарыяланат.

Эң мыкты шарттарды комиссия маалыматтык пакетте көрсөтүлгөн квалификациялык талаптарга ылайык аныктайт. Жеңүүчүлөрдү аныктоо эки этапта өткөрүлөт. Биринчи этапта квалификациялык талаптарга ылайык келген жана зарыл болгон документтердин толук тизмесин берген катышуучулар тандалат. Экинчи этапта конкурстук комиссиянын ар бир мүчөсү 10 балдык шкала боюнча буга чейин белгиленген ар кандай көрсөткүчтөр боюнча (мисалы: квалификация, иш тажрыйбасы, техникалык жабдуунун болушу жана башкалар) ар бир катышуучуну баалап чыгат. Андан кийин ар бир кандидат боюнча комиссиянын бардык мүчөлөрүнүн балдарын эсептөө жүргүзүлөт. Балдардын эң көп санына ээ болгон талапкер жеңүүчү болуп саналат.

36. Конкурс өткөрүлгөн күнү конкурсту өткөрүүнүн жыйынтыктары жөнүндө протоколго комиссиянын отурумдарына катышкан комиссиянын мүчөлөрү жана конкурстун жеңүүчүсү кол коюшат.

37. Протоколдо төмөнкү маалыматтар каралат:

а) конкурстун предмети;

б) конкурстун жеңүүчүсүнүн аты-жөнү же аталышы;

г) келишимге кол коюу боюнча тараптардын милдеттери;

д) ыйгарым укуктуу органдын алыш-бериш эсебинин номери жана башка реквизиттери.

Конкурстун жыйынтыгы жөнүндө протоколдун көчүрмөсү же протоколдон көчүрмө бөлүк конкурстун жеңүүчүсүнө берилет. Комиссиянын бардык катышуучулары менен протоколго кол коюлгандан кийин 1 жумушчу күндүн ичинде айыл өкмөтүнүн башчысына жөнөтүлөт. Айыл өкмөтүнүн башчысы 5 жумушчу күндүн ичинде конкурстун жеңүүчүсү менен келишим түзөт. Эгерде конкурс ушул Жобону же Кыргыз Республикасынын мыйзамдарын бузуу менен өткөрүлгөнү аныкталса, айыл өкмөтүнүн башчысы келишимге кол коюудан баш тартууга укуктуу.

38. Конкурсту жеңген жак, протоколго кол коюудан баш тарткан учурда жана айыл өкмөт башчысы менен келишимге кол коюдан баш тарткан учурда төккөн кепилдик салымын жоготот, конкурстун жеңүүчүсү жана кайрадан уюштурулган конкурска катышуу укугунан ажыратылат.

Конкурсту жеңген жак, протоколго кол коюудан баш тарткан учурда жана айыл өкмөт башчысы менен келишимге кол коюдан баш тарткан учурда комиссия кайра уюштурулуучу конкурсту өткөрүү жөнүндө чечимин кабыл алууга же кийинки мыкты шарттарды сунуштаган башка катышуучуну конкурстун жеңүүчүсү деп таанууга укуктуу. Эгерде жеңүүчү деп таанылган конкурстун кийинки катышуучусу протоколго кол коюудан баш тарткан учурда, ал дагы төккөн кепилдик салымын жоготот, конкурстун жеңүүчүсү жана кайрадан уюштурулган конкурска катышуу укугунан ажыратылат. Мындай учурларда кайра уюштурулуучу конкурс жарыяланат.

Мады айылдык кеңешинин жооптуу катчысы С.Жоробаева

Мады айылдык кеӊешинин 2024-жылдын 19-апрелиндеги № 178 токтомуна №2-тиркеме Кызмат көрсөтүүлөрдүн наркын эсептөө методологиясы жөнүндө ЖОБО

Ушул Жобо айылдык аймактын чегинде кызмат көрсөтүүлөрдүн наркын эсептөөнүн тартибин аныктайт. Тарифти эсептөө кызмат көрсөтүүлөрдүн нормативдерине, рентабелдүүлүктүн жеткен деңгээлин эсепке алуу менен адистештирилген уюмдун иш жүзүндөгү чыгымдарына жараша жүзөгө ашырылат. Тарифти жергиликтүү кеңеш бекитет жана ал менчиктин бардык формасындагы кызмат көрсөтүүлөрдү жеткирүүчүлөр үчүн бирдиктүү болуп эсептелинет. Кызмат көрсөтүүлөргө тарифтер экономикалык жактан негизделген чыгымдарга (иш жүзүндөгү жана/же пландуу), ар бир субъект үчүн жекече аныкталган пайданын көлөмүнө жараша тармактын өзгөчөлүктөрүн жана салык мыйзамдарында каралган салыктарды эсепке алуу менен түзүлөт. Тарифти бекитүүдө жергиликтүү кеңештин атынан жергиликтүү өз алдынча башкаруу органы кызмат көрсөтүүнү жеткирип берүүчүгө экономикалык жактан негизделген чыгымдардын ордун толтурууну камсыздап берет. Баа түзүү системасы кызмат көрсөтүүнү жеткирүүчү экономикалык жактан негизделген пайданы алуусун камсыздайт. КТК чыгаруу боюнча кызмат көрсөтүүгө баа (тариф) төмөнкүдөй формула боюнча эсептелинет:

Т = Н + Р + С, мында: Т – КТК чыгаруу боюнча кызмат көрсөтүүгө тариф Н – кызмат көрсөтүүнүн өздүк наркы Р – рентабелдүүлүк деңгээли боюнча кошумча нарк С – салыктар

Кызмат көрсөтүүнүн өздүк наркын эсептөөдө буга чейинки отчеттук мезгилдеги чыгымдар жөнүндө иш жүзүндөгү маалыматтар, ишкананын техникалык-экономикалык жана финансылык көрсөткүчтөрү, уюмдун өндүрүш программасы жана финансылык планы колдонулат. КТК жыйноо жана чыгаруу боюнча жумуштардын өздүк наркы 1-таблицада көрсөтүлгөн чыгымдардан түзүлөт.

1-таблица. КТК жыйноо жана чыгаруу боюнча жумуштардын өздүк наркы.

№

Чыгымдардын курамы

1

Чийки зат жана материалдар (Чийки заттын наркы)

2

Айдоочулардын жана жүк ташуучу өндүрүштүк персоналынын социалдык камсыздандырууга чегерүүлөрүн кошкондо эмгек акы фонду (ЭАФ) (ЭАФнын наркы)

3

Атайын автомобилдер үчүн отунга кеткен чыгымдар (Отундун наркы);

4

Майлоочу жана башка эксплуатациялык материалдарга кеткен чыгымдар (Майлоочу м. наркы);

5

Атайын транспорттун ремонтуна жана техникалык тейлөөсүнө кеткен чыгымдар (РТТ наркы);

6

Амортизациялык чегерүүлөр (А.наркы);

7

Административдик чыгашалар (Адм. наркы);

8

Жалпы чарбалык чыгашалар (ЖЧ. наркы).

Материалдык чыгымдар материалдардын чыгаша нормаларына жараша эсептелинет. Алар төмөнкүдөй негиздер боюнча белгиленет:

- кызмат көрсөтүүнүн бул түрү боюнча аныкталган технологиялык процесс боюнча чыгашалардын нормалары – эгерде нормативдер болбосо, анда чыгашалар хронометраждык изилдөөнүн жыйынтыктары боюнча бекитилет.

Социалдык камсыздандырууга чегерүүлөр менен айдоочулардын жана жүк ташуучулардын ЭАФны эсептөө төмөнкү формула боюнча жүзөгө ашат:

ЭАФ наркы = ∑ (ЭА наркы.р.i*N*n*) СоцК, мында: ЭАФ наркы – айдоочулар жана жүк ташуучулар өндүрүштүк персоналынын ЭАФ ЭА наркы.р.i – негизги өндүрүштө i-кесиби боюнча иштеген жумушчулардын эмгек акысы; N – i-кесиби боюнча иштегендердин саны; n – отчеттук мезгилде айлардын саны; СоцК – социалдык камсыздандыруу коэффициенти, ал төмөнкү формула боюнча эсептелинет: СоцК = 1+ С/100, мында С – социалдык камсыздандыруу жөнүндө мыйзамдар менен белгиленген социалдык камсыздандырууга чегерүүлөрдүн %.

Ишкананын негизги жумушчуларынын жана калган кызматкерлеринин эмгек акысын түзүү тартибин кызмат көрсөтүүнү жеткирүүчүнүн же анын уюмдаштыруучусунун атынан жумуш берүүчү аныктайт. Уюмдаштыруучу катары жергиликтүү өз алдынча башкаруу органы чыккан кызмат көрсөтүүнү жеткирүүчү үчүн эмгек акыны түзүү тартибин ишкананын социалдык өнөктөштүк органы жөнгө салат. Эмгек акыны эсептөө усулу коммуналдык чөйрөдөгү негизги кызматкерлердин тийиштүү тобу үчүн Улуттук статистика комитетинин маалыматтарынын негизинде эсептелинет. Атайын автомобиль үчүн отунга чыгым (Отундун Н) төмөнкү формула боюнча эсептелинет:

ОтундунН = ОтундунЧ*ОтундунБ, мында: ОтундунЧ – отундун чыгымы, литр менен; ОтундунБ – отундун бир литринин баасы, сом/л. Отундун чыгашасы КТК чыгаруу боюнча жумушка кеткен отундун чыгашасынын жана кошумча акыны эсепке алуу менен отундун кошумча чыгашасынын суммасы катары аныкталат: ОтунЧ = Чкм + КошумчаЧ, мында: Чкм – КТК чыгаруу боюнча жумуштарга кеткен отундун чыгашасы (л) атайын автомобилдер үчүн отундун чыгашасынын бекитилген жеке нормаларынын негизинде аныкталат. Ал эми алар болбогон учурда Транспорт жана коммуникациялар министрлигинин 2015-жылдын 30-декабрындагы №366 “Автомобиль транспортунда отунду жана майлоочу майларды чыгымдоонун линиялык ченемдерин колдонуу боюнча эрежелер жана аларды эсептөө методикасы” Буйругунун негизинде аныкталат. Чкм= Hкм х Lжалпы/100, мында: Hкм – атайын машинанын 100 км жүрүүгө кеткен отундун чыгаша нормасы, ал автомобилдин техникалык маалыматтары боюнча аныкталат, Lжалпы – отчеттук мезгил үчүн атайын машинанын жалпы жүрүү узундугу, км менен; 100 – Нкм отун чыгашасынын нормасы эсептелинген аралык. КошумчаЧ – кошумча акыны эсепке алуу менен отундун кошумча чыгашасы (л), төмөнкү формула боюнча эсептелинет: КошумчаЧ = ∑ (Чкм* 0,01 х Di), мында: Di – кошумча акы же Транспорт жана коммуникациялар министрлигинин 2015-жылдын 30-декабрындагы №366 “Автомобиль транспортунда отунду жана майлоочу майларды чыгымдоонун линиялык ченемдерин колдонуу боюнча эрежелер жана аларды эсептөө методикасы” Буйругунун негизинде аныкталган нормага азайышы (%).

Майлоочу жана башка эксплуатациялык материалдарга чыгымдар атайын автомобиль үчүн белгиленген материалдын ар бир түрү боюнча нормативдик чыгашалардын негизинде аныкталат. Зарыл болгон материалдардын тизмеги жана чыгашалардын нормалары техникалык паспорттун негизинде атайын автомобилдин техникалык маалыматтарына жараша аныкталат. Майлоочу материалдардын чыгашасы отундун литр менен эсептелинген чыгашаларына жараша килограмм менен нормалары боюнча белгиленет.

Майлоочу материалдарга чыгымдар төмөнкү формула боюнча аныкталат: МайлоочуБ = (ОтунЧ * МайлоочуН * ӨткөрмөК) * МайлоочуМатБ, мында: ОтунЧ – кошумча акыны эсепке алганда негизги отундун чыгашасы, литр менен; МайлоочуН – майлоочу материалдардын чыгашасынын нормасы, кг/л, л/л; ӨткөрмөК – көлөмдүк көрсөткүчтөрдү салмактык көрсөткүчкө өткөрмө коэффициенти, зарыл болгондо колдонулат; МайлоочуМатБ – майлоочу материалдардын көлөмүнүн (салмагынын) бирдигинин чекене баасы, сом/кг, сом/л.

Атайын автомобилдин ремонтуна жана техникалык тейлөөсүнө кеткен чыгымдар төмөнкү формула боюнча аныкталат:

РТТн = ЭАФн+Тн+Мн, мында: ЭАФн – ремонт жасаган жумушчулардын эмгек акы фонду, сом менен (ушул бөлүмдүн 2-пунктунда көрсөтүлгөндөй аныкталат); Тн – атайын транспорт үчүн тетиктерге кеткен чыгымдар, сом менен; Мн – материалдарга кеткен чыгымдар, сом менен. Тн жана Мн атайын транспорттун жүрүүгө кеткен 1000 километрине техникалык тейлөөнүн жана ремонттун бардык түрлөрү боюнча жумуштардын бардык түрлөрүн жүзөгө ашыруу үчүн тетиктер жана материалдар боюнча чыгымдардын колдонуудагы нормативдери боюнча аныкталат: Тбаасы = (Тн / 1000) * Lжалпы, мында: Lжалпы – отчеттук мезгилде атайын автомобилдердин жүрүүсүнүн жалпы узундугу, км менен; Тн – атайын автомобилдин 1000 километрге жүрүүсүнө кошумча тетиктер боюнча чыгымдардын нормативи, сом/1000 км, техникалык паспортко ылайык, автомобилге мезгилдүү техникалык текшерүү жүргүзүү боюнча талаптардын негизинде аныкталат. Кошумча тетиктерге жана материалдарга чыгашаларды уюмдун жетекчиси же уюмдаштыруучу белгилеген белгилүү мезгил үчүн иш жүзүндөгү чыгымдар боюнча орточо маалыматтардын негизинде аныктоого уруксат берилет. 1000 – жүрүү аралыгы, ал үчүн Тн нормативи аныкталган. Ушундай эле жол менен МайлоочуМатБ эсептелинет.

Негизги каражаттардын амортизациясы алардын пайдалуу кызматы аяктаган мөөнөткө чейин системалуу негизде чегерилип турат. Амортизацияны эсептөө усулу болуп, аны бирдей чегерүү эсептелинет (баасы / кызмат өтөө мөөнөтү = жылына амортизациянын суммасы). Пайдалуу кызмат өтөө мөөнөтүн техниканын жана жабдуунун техникалык паспортундагы маалыматтардын негизинде, ошондой эле мүлк ээси же бул мүлктү колдонуучу аныктаган пайдалуу колдонуунун күтүлгөн мөөнөтүнө ылайык чарба жүргүзүүчү субъект өзү аныктайт. Пайдалуу кызмат өтөө мөөнөтү – бул убакыт мезгили, анын аралыгында чарба жүргүзүүчү субъект тийиштүү активди колдонууну пландайт. Чарба жүргүзүүчү субъект негизги каражаттардын амортизациясын салык мыйзамдарына ылайык чегерсе болот. Амортизациянын нормасы төмөнкү формула боюнча эсептелинет:

Наi = (Саi / Бсi)*100%, мында Hoi - i объектиси боюнча чегерүүлөрдүн нормасы, %, ал мүлк ээси аныктаган пайдалуу колдонуу мөөнөтүнө жараша кабыл алынат. Саi – жылына i объектисинин амортизациясынын суммасы (сом менен) Бсi - i объектисинин баланстык наркы (сом менен) i объектисинин жылдык амортизация суммасы (%) төмөнкү формула боюнча эсептелинет: Саi = С об. / Sп.д., мында С об – сатып алынган объекттин (мүлктүн) баасы (сом менен) Sп.д. – амортизациянын пайдалуу мөөнөтү, аны мүлктүн колдонуучусу же ээси белгилейт (жылдар менен) Кызмат көрсөтүүнүн өздүк наркына аны өндүрүү үчүн колдонулган бардык амортизацияланган объекттердин (мүлктүн) суммасы кошулат: Са= СУММА (Бci х Hoi), мында: Са – продукциянын (кызмат көрсөтүүнүн) өздүк наркына кошуу үчүн амортизациянын суммасы Бci - i объекттин баланстык баасы (сом менен); Hoi – амортизациянын нормасы, ал төмөнкү формула боюнча эсептелинет: Нoi = (Cai /Соб)*100 Азайган калдык усулун колдонуу менен, ишкана амортизацияны чегерүүнү жүргүзөт.

Административдик чыгашалардын курамына төмөнкүдөй чыгымдар кирет:

a) Социалдык камсыздандырууга чегерүүлөр менен, башкаруучулук жана жалпы чарбалык персоналга кирген кызматкерлердин эмгек акысын төлөө.

Мамлекеттик бюджеттен каржыланган, башкаруучулук функцияларды аткарган ишканалардын жетекчилеринин жана кызматкерлеринин эмгек акысы уюмдаштыруучу тарабынан аныкталат жана Кыргыз Республикасынын Эмгек кодексинин 163-беренеси менен, Кыргыз Республикасынын Өкмөтүнүн 1999-жылдын 26-июлундагы №407 “Мамлекеттик бюджеттен каржылануучу уюмдарда ишкана жетекчисине, анын орун басарларына жана башкы бухгалтерине эмгек акы төлөөнүн шарттары жөнүндө” Жобо менен жөнгө салынат.

b) Башкаруучу функцияларды аткарган жана мамлекеттик бюджеттин эсебинен каржыланган ишкананын жетекчисинин жана кызматкерлеринин иш сапарына кеткен чыгашалар Кыргыз Республикасынын Өкмөтүнүн 2008-жылдын 26-августундагы №471 “Командировкалык чыгымдардын нормаларын белгилөө жана алардын ордун толтуруунун тартиби жөнүндө” токтомунун негизинде аныкталат.

c) Почта, телефон жана байланыштын башка чыгашалары жана коммуналдык кызмат көрсөтүүлөр жеткирүүчү уюмдар менен түзүлгөн келишимдердин негизинде аныкталат.

d) Административдик кеңсени күтүү боюнча чыгашалар: кеңсе, идиш жуучу каражаттар, техникалык коопсуздук каражаттары жана башка ушул өңдүү чыгашалар өткөн мезгилдеги иш жүзүндөгү керектөөлөргө же иш жүзүндөгү чыгашаларга жараша аныкталат.

e) Кадрларды даярдоо жана кайра даярдоо үчүн акы. Каржылоо ишкананын өзүнүн кадрларын даярдоо планынын негизинде аныкталат.

Эгерде ишканада административдик персонал ишмердүүлүктүн ар кандай түрлөрүн башкарууну камсыздаса, анда конкреттүү кызмат көрсөтүүнүн өздүк наркына ишкананын бардык чыгашаларына салыштырма катышында административдик чыгашалар кошулат. Салыштырма салмак төмөнкү формула боюнча эсептелинет:

Чсс=АдмЧ/С*100, мында Чсс – чыгымдардын салыштырма салмагы, % менен, АдмЧ – административдик чыгашалар боюнча чыгымдар, сом менен, С – ишкананын (кызмат көрсөтүүнүн) бардык чыгымдарынын суммасы.

Жалпы чарбалык чыгашалардын курамын төмөнкүлөр кирет:

- көмөкчү жумуштар үчүн материалдар жана чийки зат,

- негизги өндүрүштүн ишин камсыздаган персоналды күтүү,

- кызмат көрсөтүүнү жеткирүүчүлөр менен түзүлгөн келишимдердин негизинде эсептелинген коммуналдык чыгашалар.

Пландалган пайда (Р) – бул жергиликтүү ченемдик укуктук документтер менен белгиленген эсептик көрсөткүч. Пландалган пайда рентабелдүүлүктүн белгиленген деңгээли боюнча бардык чыгымдардан үлүш катары эсептелинет.

Пландалган пайданы төмөнкү формула боюнча эсептөөгө уруксат берилет:

Р = V – Соб, мында Р – пландалган пайда V – кызмат көрсөтүүдөн ишкананын пландалган жылдык түшкөн кирешеси, сом менен Соб – ишкананын кызмат көрсөтүүнү өңдүрүүгө кеткен чыгымдары.

Салыктардын тизмеги жана ставкалары салык мыйзамдарына ылайык белгиленет. КТК жыйноо жана чыгаруу тарифинин баасын айыл өкмөтүнүн атынан жергиликтүү өз алдынча башкаруунун аткаруучу органы эсептейт. Тарифти бекитүү жөнүндө чечимди жергиликтүү кеңеш кабыл алат.

Өндүрүлгөн жумуштарга/кызмат көрсөтүүлөргө хронометраждык байкоо жүргүзүү тартиби Хронометраж – бул жумуштарды/кызмат көрсөтүүлөрдү өндүрүүнүн технологиялык картасында көрсөтүлгөн айрым операцияларды аткарууга кеткен убакыт, чийки зат, материал чыгымдарын изилдөө усулу. Хронометражды ЖӨБдүн аткаруучу органынын башчысы же анын ыйгарым укуктуу адамынын буйругунун негизинде түзүлгөн комиссия жүргүзөт. Жумуштардын толук циклин аныктоо үчүн өлчөөлөр этап-этабы менен жүргүзүлөт, мында тараза, секунда эсептегич, сантиметр лентасы, рулетка ж.б. өңдүү тийиштүү аспаптар колдонулат. Хронометраж конкреттүү объект боюнча жумуштарды/кызмат көрсөтүүлөрдү өңдүрүүнүн технологиялык карталарында белгиленген тартип боюнча жүзөгө ашырылат. Эмгекке кеткен чыгымдардын хронометражы ар бир операция боюнча өзүнчө жүргүзүлөт. Катталган убакыт операциялар боюнча кошулуп, эмгекке кеткен чыгымдардын таблицасында көрсөтүлөт жана төмөнкү формула боюнча аныкталат: Тч = tmin/60min, мында: Тч – операцияны аткарууга кеткен убакыт, саат менен; tmin – операцияны аткарууга кеткен убакыт, минута менен; 60min – бир саатка барабар минутадагы убакыт, минута менен. Хронометраж процессинде белгиленген убакыт нормативдүү болуп эсептелинет жана технологиялык процесс өзгөргөн учурда гана өзгөрүшү мүмкүн. Эгерде технологиялык процесске эмгекке кеткен чыгымдын көлөмүн азайткан инновациялар киргизилсе, анда эмгекке кеткен чыгымдын жаңы нормативин белгилөө менен кошумча хронометраж жүргүзүлөт. Эмгекке кеткен чыгымдар боюнча белгиленген нормативдердин негизинде эмгек акы боюнча жумуштардын пландуу баасы төмөнкү формула боюнча аныкталат: Б= Тч х СТС х Жс, мында: Б – жумуштардын баасы, Тч – операцияны аткарууга кеткен убакыт (норматив), саат менен; СТС – жумушчунун саатына тариф ставкасы; Жс – жумушчулардын саны. Чийки заттын жана материалдардын чыгашалары боюнча нормативдер болбогон учурда хронометраждын негизинде нормативдерди белгилөө сунушталат. Материалдык чыгымдар төмөнкү формула боюнча эсептелинет: Мсумма=Мсаны х Мб, мында: Мсумма – материалдык чыгымдардын суммасы, сом менен; Мсаны – колдонулган материалдардын саны, Мб – материалдын базар баасы.

Мады айылдык кеңешинин жооптуу катчысы С.Жоробаева

Мады айылдык кеңешинин 2024-жылдын 19-апрелиндеги №178 токтомуна № 3 тиркеме

Кызмат көрсөтүүлөрдү уюштуруу жана айыл өкмөтүнүн башкаруучулук ишинин натыйжалуулугун жогорулатуу боюнча Жумушчу топтун курамы жөнүндө Жобо

1. Жалпы жоболор

Кызмат көрсөтүүлөрдү уюштуруу жана айыл өкмөтүнүн башкаруучулук ишинин натыйжалуулугун жогорулатуу боюнча Жумушчу Топ жөнүндө ушул Жобо (мындан ары – Жобо) Мады айылдык аймагындагы Кызмат көрсөтүүлөрдү уюштуруу жана айыл өкмөтүнүн башкаруучулук ишинин натыйжалуулугун жогорулатуу боюнча Жумушчу Топтун (мындан ары – Топ) ишинин максаттарын, функцияларын жана ыйгарым укуктарын, аны түзүү тартибин, ошондой эле Топтун ишин уюштуруу жана камсыздоо тартибин аныктайт. Топ Мады айыл өкмөтүнө караштуу туруктуу иштеген коомдук координациялык кеңешүүчү орган болуп эсептелет. Өз ишинде Топ Кыргыз Республикасынын Конституциясын, Кыргыз Республикасынын мыйзамдарын, жергиликтүү жамааттын Уставын, ошондой эле ушул Жобону колдонмо кылып алат.

2. Топтун максаты

2.1. Кызмат көрсөтүүлөрдү уюштуруунун натыйжалуу процессин камсыздоодо жергиликтүү өз алдынча башкаруу органдарына көмөктөшүү жана Мады айыл өкмөтүнүн башкаруучулук ишинин натыйжалуулугун жогорулатуу Топтун максаты болуп эсептелет.

3. Топтун функциялары

3.1. Топнын негизги функциялары болуп төмөнкүлөр эсептелет:

1) Кызмат көрсөтүүлөрдү уюштуруу планынын долбоорун (мындан ары – План) жана ар бир артыкчылыктуу кызмат көрсөтүү жана башкаруучулук маселе боюнча Аракеттер планын иштеп чыгуу, зарыл болгон учурда өзгөртүүлөрдү жана толуктоолорду киргизүү.

2) Зарыл болгон учурда Кызмат көрсөтүүлөрдү уюштуруу планын ишке ашыруу процессинде көйгөйлүү маселелер боюнча чечим кабыл алуу үчүн Топтун отурумун ыкчам тартипте өткөрүү.

3) Муниципалдык кызмат көрсөтүүлөрдүн жергиликтүү реестринин долбоорун, муниципалдык кызмат көрсөтүүлөрдүн стандарттарын жана административдик регламенттерин колдонуудагы мыйзамдарга ылайык иштеп чыгууда жергиликтүү өз алдынча башкаруунун аткаруучу органына (айыл өкмөтүнө) көмөктөшүү.

4) Кызмат көрсөтүүлөрдү уюштуруу чөйрөсүнө тиешелүү жергиликтүү ченемдик укуктук актылардын долбоорлору боюнча коомдук талкууларды өткөрүүгө көмөктөшүү.

5) Кызмат көрсөтүүлөрдү уюштуруу планын иштеп чыгуу процессине бардык кызыкдар тараптарды тартуу.

6) Өз ишинин жыйынтыктары тууралуу жергиликтүү жамаатка жылына бери дегенде эки жолу коомдук угууларда отчет тапшыруу.

7) Маалымат такталарына жана башка коомдук жайларга жайгаштыруу менен коомдук баалоо жана мониторинг үчүн милдеттүү болгон Топтун иши тууралуу маалымат берет.

4. Топтун ыйгарым укуктары

4.1. Топ:

1) өз отурумдарында кызмат көрсөтүүлөргө жана башкаруучулук маселелеринин натыйжалуулугун жогорулатууга байланышкан демилгелер боюнча Топтун мүчөлөрүн, ошондой эле жергиликтүү өз алдынча башкаруу органдарынын өкүлдөрүн, ишкерлерди жана жергиликтүү жамааттын активисттерин угат;

2) жергиликтүү өз алдынча башкаруу органдарынын өкүлдөрүнөн, ишкерлерден жана жергиликтүү жамааттын активисттеринен Кызмат көрсөтүүлөрдү уюштуруу планын иштеп чыгуу жана ишке ашыруу үчүн зарыл болгон керектүү маалыматтарды суратып алат;

3) зарыл болгон учурда тийиштүү ыйгарым укуктуу мамлекеттик органдардын өкүлдөрүн, тышкы эксперттерди жана башка кызыкдар жактарды Топтун ишине тартат;

4) кызмат көрсөтүүлөр жана башкаруучулук маселелеринин натыйжалуулугун жогорулатуу маселелери боюнча жергиликтүү өз алдынча башкаруу органдарына сунуштамаларды берет;

5) биргелешкен мониторинг жана баалоо тобу менен өз ара аракеттенүү;

6) муниципалдык түзүлүштөрдүн кызмат көрсөтүүлөр чөйрөсүндөгү оң тажрыйбасын үйрөнүүнү уюштурат.

5. Топтун курамы

5.1. Топтун курамы айыл өкмөт башчынын тескемеси менен бекитилет. Топтун курамына Топтун төрагасы, Топтун төрагасынын орун басары, Топтун катчысы жана Топтун мүчөлөрү кирет. Топтун курамы 7 кишиден кем болбошу керек.

5.2. Топтун курамына төмөнкүлөр кирет:

1) айыл өкмөтүнүн башчысы/башчынын орун басары;

2) жооптуу катчы;

2) айылдык кеңештин депутаттары;

3) айыл өкмөт аппаратынын тийиштүү адистери;

4) бейөкмөт уюмдардын жана коомдук уюмдардын өкүлдөрү;

5) бизнес жамааттын өкүлдөрү;

6) жергиликтүү жамааттын активисттери.

5.3. Топтун курамы төмөнкүлөрдү камтышы керек:

1) бир жыныстын өкүлдөрүн – 30% кем эмес;

2) айылдык аймактын чегинде жашаган улуттук азычылыктын өкүлдөрүн, ошондой эле ден соолугунан мүмкүнчүлүгү чектелүү адамдарды.

5.4. Топтун төрагасы:

1) Топтун ишин уюштурат;

2) Топтун отурумун чакырат жана өткөрөт;

3) Топтун отуруму өтчү күндү, убактысын жана ордун аныктайт;

4) Топтун отурумунун күн тартибин бекитет;

5) Топтун тийиштүү мамлекеттик органдардын, жарандык коомдун, коомдук бирикмелердин, бизнес жамааттын өкүлдөрү менен өз ара аракеттенүүсүн уюштурат;

6) Топтун ишин коомго чагылдырууну уюштурат жана координациялайт;

7) Топтун отурумунун протоколдоруна кол коет.

5.5. Топтун төрагасынын орун басары Топтун төрагасы болбогон учурда анын тапшырмасы менен ордун ээлейт жана анын милдеттерин аткарат.

5.6. Топтун катчысы:

1) Топтун мүчөлөрүнө отурумга чейин үч жумушчу күндөн кечиктирбестен кезектеги отурум өтчү күн, убактысы, орду жана күн тартиби тууралуу маалымат берет;

2) отурумга чейин үч жумушчу күндөн кечиктирбестен күн тартибин, ошондой эле зарыл материалдарды жана күн тартибине кирген маселелерди чечүү долбоорлорун таратып берүүнү камсыздайт;

3) Топтун кезектеги отурумунун катышуучулары менен жумушка байланыштуу өз ара аракеттенүүнү жүзөгө ашырат жана Топтун жетекчиси менен отурумга чакырылган адамдардын тизмесин макулдашат;

4) маалымат такталарына жана башка коомдук жайларга жайгаштыруу үчүн Топтун иши жөнүндө ыкчам маалыматты даярдайт;

5) отурумдардын протоколдорун, Топту жүргүзүү маселелери боюнча башка документтерди жана материалдарды тариздеп, Топтун мүчөлөрүнө жиберет;

6) Топтун отурумунда жазылган протоколдорду жана башка документтерди үч жыл бою сактайт. Мөөнөтү аяктагандан кийин айыл өкмөтүнүн архивине өткөрүп берет.

5.7. Жумушчу топтун мүчөлөрү:

1) Топтун отурумунун күн тартибин түзүү боюнча сунуштарды беришет;

2) күн тартибинде каралчу маселелер боюнча материалдарды жана чечимдердин долбоорлорун даярдоого катышат;

3) Топтун отурумдарына катышуу үчүн тийиштүү мамлекеттик органдардын адистеринин жана тышкы эксперттердин талапкерлигин сунушташат;

4) Топтун компетенциясына кирген маселелер боюнча жарандардын, коомдук бирикмелердин, бизнес жамааттардын өкүлдөрүнүн кайрылууларын карашат;

5) маселелерди талкуулоодо жана добуш берүүдө тең укуктарга ээ;

6) Топтун отурумдарына катышууга милдеттүү жана өз ыйгарым укуктарын башка адамдарга берүүгө укугу жок;

7) Топтун мүчөсү кезектеги отурумга катышпаган учурда каралып жаткан маселелер боюнча өз пикирин жазуу түрүндө берүүгө укуктуу.

6. Топтун курамын өзгөртүү

5.8. Топтун курамын өзгөртүү тууралуу чечим Топтун отурумунда Топ мүчөлөрүнүн жалпы санынан бери дегенде жарымы катышкан учурда кабыл алынат.

5.9. Мүчөлүктөн чыгарылууга тийиш болгон Топтун ыктымал мүчөлөрүнүн тизмесин аныктайт, бул тизмени талкуулайт жана ар бир талапкер боюнча өз-өзүнчө добуш берет.

5.10. Топтун курамына кошулушу керек болгон Топтун ыктымал мүчөлөрүнүн тизмесин аныктайт, бул тизмени талкуулайт жана ар бир талапкер боюнча өз-өзүнчө добуш берет.

5.11. Топтун курамындагы өзгөрүүлөр тууралуу чечим Топтун отурумунун протоколу менен таризделет, ага Топтун Төрагасы жана Катчысы кол коюшат.

5.12. Топтун курамын өзгөртүү тууралуу Топтун отурумунун протоколу айыл өкмөтүнө берилет, анын негизинде айыл өкмөт башчы Топтун курамын өзгөртүү жөнүндө чечим чыгарат.

7. Топтун отурумдарын өткөрүү жана чечим кабыл алуу тартиби

7.1. Топтун отуруму зарылчылыкка жараша, бирок кварталына бир жолудан кем эмес өткөрүлөт.

7.2. Топтун отурумдары ачык жана айкын өтөт.

7.3. Топтун отурумуна анын мүчөлөрүнүн жарымынан көбү катышкан учурда укуктуу болуп эсептелет.

7.4. Топтун чечимдери отурумга катышкан Топ мүчөлөрүнүн көпчүлүк добушу менен кабыл алынат.

7.5. Эгерде Топтун мүчөсү чечимге макул болбосо, анда ал өзгөчө пикирин жазуу түрүндө баяндап берет жана аны отурум өткөн күндөн кийинки үч жумушчу күндөн кечиктирбестен Топтун катчысына жиберет. Топ мүчөсүнүн өзгөчө пикири отурумдун протоколуна тиркелет.

7.6. Добуштар теңме-тең болгон учурда Топтун отурумда төрагалык кылуучунун добушу чечүүчү болот.

7.7. Топтун отурумдарында кабыл алынган чечимдер протоколдор менен таризделет, аларга Топтун отурумунда төрагалык кылуучу жана Топтун катчысы кол коюшат.

7.8. Топтун ишин уюштуруучулук-техникалык жактан камсыздоону айыл өкмөтү жүзөгө ашырат.

7.9. Топ биргелешкен мониторинг жана баалоо тобунун мүчөлөрүн/төрагасын өзүнүн жыйналыштарына кварталына бир жолудан кем эмес чакырат.

8. Корутунду бөлүм

8.1. Ушул Жобо аны бекиткен учурдан баштап күчүнө кирет жана аны жокко чыгарганга чейин, өзгөртүп же алмаштырганга чейин күчүндө болот.

Мады айылдык кеңешинин жооптуу катчысы С.Жоробаева