# Кыргыз Республикасынын Министрлер Кабинетинин 2024-жылдын 2-декабрындагы № 720 "Талаптагыдай дарыкана практикасынын эрежелерин бекитүү жөнүндө" токтому - Толук аталышы: Кыргыз Республикасынын Министрлер Кабинетинин 2024-жылдын 2-декабрындагы № 720 "Талаптагыдай дарыкана практикасынын эрежелерин бекитүү жөнүндө" токтому - Актынын түрү: Постановление - Номери: 720 - Кабыл алынган күнү: 02.12.2024 - Статусу: Күчүндө - Редакциянын күнү: 02.12.2024 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 02.12.2024 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Министрлер Кабинетинин 2024-жылдын 2-декабрындагы № 720 "Талаптагыдай дарыкана практикасынын эрежелерин бекитүү жөнүндө" токтому (02.12.2024 редакциясы) - https://aqlex.ai/kg/doc/230018577 --- КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2024-жылдын 2-декабры № 720 Талаптагыдай дарыкана практикасынын эрежелерин бекитүү жөнүндө "Дары каражаттарын жүгүртүү жөнүндө" Кыргыз Республикасынын Мыйзамынын 14-беренесинин 3-бөлүгүнө, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: 1. Талаптагыдай дарыкана практикасынын эрежелери тиркемеге ылайык бекитилсин. 2. Кыргыз Республикасынын Өкмөтүнүн 2011-жылдын 6-апрелиндеги № 137 "Медициналык колдонуу үчүн дары-дармек каражаттарынын коопсуздугу жөнүндө" техникалык регламентти бекитүү тууралуу" токтому менен бекитилген "Медициналык колдонуу үчүн дары-дармек каражаттарынын коопсуздугу жөнүндө" техникалык регламенттин 5-тиркемеси күчүн жоготту деп таанылсын. 3. Бул токтомду ишке ашыруу төмөнкүдөй жүзөгө ашырылат деп белгиленсин: 1) мамлекеттик саламаттык сактоо уюмдары үчүн Кыргыз Республикасынын Саламаттык сактоо министрлигинин тиешелүү жылдарга бекитилген бюджетинин алкагында; 2) жеке менчиктеги фармацевтикалык уюмдар жана мамлекеттик ишканалар үчүн өз каражаттарынын эсебинен. 4. Бул токтом расмий жарыяланган күндөн тартып он күн өткөндөн кийин күчүнө кирет. «Эркин-Тоо» мамлекеттик расмий гезитинин 2024-жылдын 6-декабрындагы № 94 (3649) саны менен жарыяланды Кыргыз Республикасынын Министрлер Кабинетинин Төрагасы А.У. Жапаров