Бүргөндү-Достук айылдык кеңешинин “Кызыл-Кыя айылынын Кыпчак-Талаа көчөсүнөн чакан ГЭС куруу үчүн суралган жер тилкесин которууга (трансформациялоого) макулдук берүү жөнүндө” токтому

БҮРГӨНДҮ-ДОСТУК АЙЫЛДЫК КЕҢЕШИ ТОКТОМ

Бүргөндү-Достук айылдык кеңешинин XXVIII-чакырылышынын кезектеги VIII сессиясынын

2024-жылынын 24-июлу №4

“Кызыл-Кыя айылынын Кыпчак-Талаа көчөсүнөн чакан ГЭС куруу үчүн суралган жер тилкесин которууга (трансформациялоого) макулдук берүү жөнүндө”

Бүргөндү-Достук айыл өкмөтүнүн башчысы Б.Календеровдун ГЭС куруу үчүн суралган жер тилкесин которууга (трансформациялоого) макулдук берүү жөнүндөгү кайрылуусун, айылдык кеңештин айыл чарба боюнча туруктуу комиссиясынын корутундусун угуп жана талкуулап, Кыргыз Республикасынын Жер Кодексинин 11-статьясынын жана 15-статьясынынын 9–пунктунун, 20-статьясынын 20-пунктун, Кыргыз Республикасынын 2013-жылдын 15- июлундагы № 145 Мыйзамынын 6-7-беренесинин жана Кыргыз Республикасынын Өкмөтүнүн 2014-жылдын 19-мартындагы № 169 токтому менен бекитилген убактылуу жобону жетекчилике алып, Бүргөндү-Достук айылдык кеңешинин XХVIII чакырылышынын кезектеги VIII сессиясы

ТОКТОМ КЫЛАТ:

1.Бүргөндү – Достук айыл өкмөтүнүн башчысы Б.Календеровдун кайрылуусу жана айыл чарбасы боюнча туруктуу комиссиясынын корутундусу эске алынсын.

2.Кызыл-Кыя айылынын Кыпчак-Талаа көчөсүндөгү № 443, 431, 441, 438, 327 контурларында жайгашкан 2,0 (эки) гектар жер тилкесин ГЭС куруу үчүн “Айыл чарба багытындагы жерлер” категориясындагы жайыт жерден “Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлери” категориясына которууга (трансформациялоого) макулдук берилсин.

3.ГЭС куруу үчүн ажыратылган 2,0 га жер тилкесин “Айыл чарба багытындагы жерлер” категориясындагы жайыт жерден “Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлери” категориясына которуу (трансформациялоо) жагы Ноокен райондук мамлекеттик администрациясынан, Министрлер Кабинетинен суралсын.

4.Тиешелүү иш кагаздарын даярдоо жана мыйзамдуу аткарылышын камсыз кылуу жагы айыл өкмөтүнүн башчысына жана жер боюнча башкы адисине жүктөлсүн.

5.Мамлекеттик каттоодон өткөрүү үчүн областтык Юстиция башкармалыгына жөнөтүлсүн.

6.Токтомдун аткарылышын көзөмөлдөө айыл чарбасы боюнча туруктуу комиссиясынын төрагасы Г.Чолпонкуловага милдеттендирилсин.

Айылдык кеңештин төрагасы:

Б.Кубатов