Кыргыз Республикасынын Министр Кабинетинин (Кыргыз Республикасынын Министрлер Кабинетинин тескемесине өзгөртүү киргизүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН тескемеси 2024-жылдын 23-июлу № 446-т Ата мекендик экспорттоочуларды колдоо максатында, Кыргыз Республикасынын Бюджеттик кодексинин 115-беренесине, "Тышкы соода ишин мамлекеттик жөнгө салуу жөнүндө" Кыргыз Республикасынын Мыйзамынын 8-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетинин 2024-жылдын 17-майындагы № 247-т тескемесине төмөнкүдөй өзгөртүүлөр киргизилсин:

- 1-пункттун 1-пунктчасы "Кыргыз Республикасынын катышуусун уюштуруу," деген сөздөрдөн кийин ошондой эле ички рынокто товарлар толуп кеткен жана баалары төмөндөгөн учурларда товарларды ташууну жүзөгө ашырган экспорттоочуларга транспорттук чыгымдардын бөлүгүнүн ордун толтуруу" деген сөздөр менен толукталсын;

- 2-пункт төмөнкүдөй редакцияда баяндалсын:

"2. Кыргыз Республикасынын Экономика жана коммерция министрлигине караштуу "Кыргыз Экспорт" экспортту өнүктүрүү жана илгерилетүү борбору" мамлекеттик мекемеси ыйгарым укуктуу орган болуп аныкталсын:

- экспортту өнүктүрүү жана илгерилетүү чөйрөсүндөгү мамлекеттик саясатты ишке ашырууга байланышкан эл аралык форумдарга, көргөзмөлөргө, соода миссияларына жана башка уюштуруучулук, маалыматтык, жарнамалык иш-чараларга Кыргыз Республикасынын катышуусун уюштуруу боюнча;

- ички рынокто товарлар толуп кеткен жана баалары төмөндөгөн учурларда товарларды ташууну жүзөгө ашырган экспорттоочуларга транспорттук чыгымдардын бөлүгүнүн белгиленген тартипте ордун толтуруу боюнча.";

- 3-пункт төмөнкүдөй мазмундагы 4-пунктча менен толукталсын:

"4) экспорттоочуларга товарларды ташуу менен байланышкан транспорттук чыгымдарынын бөлүгүн өз убагында ордун толтуруп берүүнү.".

Кыргыз Республикасынын Министрлер Кабинетинин Төрагасы

А.У. Жапаров