# Бишкек шаардык кеңешинин 2022-жылдын 29-сентябрындагы № 49 "Бишкекнаабайкана" муниципалдык ишканасына Бишкек шаарынын бюджетинен бюджеттик кредит берүүгө макулдук берүү жөнүндө" токтому - Толук аталышы: Бишкек шаардык кеңешинин 2022-жылдын 29-сентябрындагы № 49 "Бишкекнаабайкана" муниципалдык ишканасына Бишкек шаарынын бюджетинен бюджеттик кредит берүүгө макулдук берүү жөнүндө" токтому - Актынын түрү: Постановление - Номери: 49 - Кабыл алынган күнү: 29.09.2022 - Статусу: Күчүндө - Редакциянын күнү: 29.09.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 29.09.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Бишкек шаардык кеңешинин 2022-жылдын 29-сентябрындагы № 49 "Бишкекнаабайкана" муниципалдык ишканасына Бишкек шаарынын бюджетинен бюджеттик кредит берүүгө макулдук берүү жөнүндө" токтому (29.09.2022 редакциясы) - https://aqlex.ai/kg/doc/230009563 --- БИШКЕК ШААРДЫК КЕҢЕШИНИН ТОКТОМУ 2022-жылдын 29-сентябры № 49 «Бишкекнаабайкана» муниципалдык ишканасына Бишкек шаарынын бюджетинен бюджеттик кредит берүүгө макулдук берүү жөнүндө «Бишкекнаабайкана» муниципалдык ишканасынын иш-аракеттерин жандандыруу үчүнколдоо көрсөтүү максатында, Кыргыз Республикасынын Бюджеттик кодексинин 78-беренесинин 2-пунктуна, 79-беренесинин 5-пунктуна, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын мыйзамынын 34 жана 39-беренелерине ылайык, Бишкек шаардык кеңеши ТОКТОМ КЫЛАТ: 1. Бишкек шаарынын мэриясына Бишкек шаарынын 2022-жылга бюджетинен «Бишкекнаабайкана» муниципалдык ишканасына 30 000,0 миң сом суммасында бюджеттик кредит берүүгө макулдук берилсин. 2. Бишкек шаарынын мэриясы: 1) төмөндөгү шарттарда кредиттик келишим түзсүн: 2025-жылдын 15-апрелинен тартып 2032-жылдын 15-октябрына чейин текши төлөмдөр менен негизги карыз боюнча карызды жоюу; жылына эки жолу негизги карыз жана бюджеттик кредитти пайдалангандыгы үчүн пайыздар боюнча карызды жоюунун мезгилдүүлүгү; 0,1 жылдык пайыз - бюджеттик кредитти пайдалангандыгы үчүн пайыздык коюму; кечиктирген карыздын суммасына эсептеленүүчү 0,5 жылдык пайыз -финансылык санкциялар; 2) «Бишкекнаабайкана» муниципалдык ишканасы тарабынан ушул токтомдун 1-пунктунда көрсөтүлгөн бюджеттик кредиттин максаттуу пайдаланылышын жана өз убагында кайтарылышын контролдоону камсыздасын. 3. Ушул токтом каттоодон өткөрүлсүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн. 4. Ушул токтомдун аткарылышын контролдоо Бишкек шаардык кеңешинин экономика, бюджет, финансы жана инвестициялар боюнча туруктуу комиссиясына жүктөлсүн. 5. Ушул токтом расмий жарыяланган күндөн тартып күчүнө кирет. Бишкек шаардык кеңешинин төрагасынын убактылуу милдетин аткаруучу Ж.А. Абдраимов