Кыргыз Республикасынын «Атмосфералык абаны коргоо жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Мыйзамы

1-берене

"Атмосфералык абаны коргоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1999-ж., № 11, 450-ст.) төмөнкүдөй өзгөртүүлөр киргизилсин:

1) 1-статья төмөнкүдөй мазмундагы абзац менен толукталсын:

"Абанын сапатынын индекси - булгоочу заттардын белгилүү бир жердеги концентрациясы жана аны менен байланышкан ден соолук үчүн тобокелдиктер, коомчулукка маалымат берүү жана мындай тобокелдиктерди төмөндөтүү чараларын көрүү үчүн пайдаланылат.";

2) 3-статья төмөнкүдөй мазмундагы онунчу абзац менен толукталсын:

"- абанын сапатынын индекси белгиленет жана коомчулукка маалымдоо жүргүзүлөт.";

3) 5-статья төмөнкүдөй мазмундагы бөлүк менен толукталсын:

"Атмосфералык абадагы булгоочу заттардын концентрациясы жана аны менен байланышкан ден соолук үчүн тобокелдиктер абанын сапатынын индексин аныктайт.".

2-берене

Ушул Мыйзам расмий жарыяланган күндөн тартып он күн өткөндөн кийин күчүнө кирет. “Эркин-Тоо” мамлекеттик расмий гезитинин 2024-жылдын 21-июнундагы № 46 (3599) саны менен жарыяланды Кыргыз Республикасынын Министрлер Кабинети алты айлык мөөнөттө өзүнүн ченемдик укуктук актыларын ушул Мыйзамга ылайык келтирсин.

Кыргыз Республикасынын Президенти

С.Н. Жапаров

2024-жылдын 8-майында

Кыргыз Республикасынын Жогорку Кеңеши кабыл алган