# Кыргыз Республикасынын Министрлер Кабинетинин 2024-жылдын 29-майындагы № 295-т ("Кристалл-Банкрот" ачык акционердик коомунун аймагын изилдөө тууралуу) тескемеси

- Толук аталышы: Кыргыз Республикасынын Министрлер Кабинетинин 2024-жылдын 29-майындагы № 295-т ("Кристалл-Банкрот" ачык акционердик коомунун аймагын изилдөө тууралуу) тескемеси
- Актынын түрү: Постановление
- Номери: 295-р
- Кабыл алынган күнү: 29.05.2024
- Статусу: Күчүндө
- Редакциянын күнү: 29.05.2024
- Тексттин тили: кыргыз тили
- aqlex'теги барагы: <https://aqlex.ai/kg/doc/230007473>
- Расмий булак: <https://cbd.minjust.gov.kg/7-27732/edition/9426/ru>
- Башка тилдеги тексти (Markdown): <https://aqlex.ai/doc/230007473.md>

> Текст расмий булактын маалыматы боюнча 29.05.2024 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Министрлер Кабинетинин 2024-жылдын 29-майындагы № 295-т ("Кристалл-Банкрот" ачык акционердик коомунун аймагын изилдөө тууралуу) тескемеси (29.05.2024 редакциясы) - https://aqlex.ai/kg/doc/230007473

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН тескемеси

2024-жылдын 29-майы № 295-т

Жалал-Абад облусунун Таш-Көмүр шаарында жайгашкан "Кристалл-Банкрот" ачык акционердик коомунун аймагында уулуу коркунучтуу химиялык заттарды утилдештирүү боюнча иштерди пландаштырууда эсепке алынуучу потенциалдуу экологиялык жана өндүрүштүк тобокелдиктерди аныктоо боюнча техникалык аудит жүргүзүү максатында:

1. Кыргыз Республикасынын Өзгөчө кырдаалдар министрлиги белгиленген тартипте компетенттүү органдарды же уюмдарды тартуу менен "Кристалл-Банкрот" ачык акционердик коомунун аймагын изилдөө, иш жүзүндө сакталган уулуу коркунучтуу химиялык заттардын көлөмүн аныктоо боюнча иш-чараларды жүргүзсүн.

2. Бул тескемени ишке ашыруу менен байланышкан чыгымдар Кыргыз Республикасынын Өзгөчө кырдаалдар министрлиги үчүн "Кыргыз Республикасынын 2024-жылга жана 2025-2026-жылдардын пландык мезгилине республикалык бюджети жөнүндө" Кыргыз Республикасынын Мыйзамында каралган каражаттардын чегинде ишке ашырылат деп белгиленсин.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин Төрагасы

А.Жапаров