Кыргыз Республикасынын Министрлер Кабинетинин «Энергиянын кайра жаралуучу булактарынын объекттери менен электр энергиясын берүүгө типтүү келишимдерди бекитүү жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2024-жылдын 12-апрели № 183 Энергиянын кайра жаралуучу булактарынын объекттери менен электр энергиясын берүүгө типтүү келишимдерди бекитүү жөнүндө "Энергиянын кайра жаралуучу булактары жөнүндө" Кыргыз Республикасынын Мыйзамынын 12-беренесин аткаруу үчүн, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

- Кубаттуулугу 30 МВтка чейинки энергиянын кайра жаралуучу булактарынын объекти менен электр энергиясын берүүгө типтүү келишим 1-тиркемеге ылайык;

- Кубаттуулугу 30 МВттан жогору энергиянын кайра жаралуучу булактарынын объекти менен электр энергиясын берүүгө типтүү келишим 2-тиркемеге ылайык.

2. 1-пунктта көрсөтүлгөн типтүү келишимдерге инвестициялык макулдашуунун жана/же мамлекеттик-жеке өнөктөштүк жөнүндө макулдашуунун шарттарына ылайык тараптардын макулдашуусу боюнча жетишилген өзгөртүүлөр киргизилиши мүмкүн.

3. Бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2024-жылдын 19-апрелиндеги № 30 (3583) саны менен жарыяланды

Кыргыз Республикасынын Министрлер Кабинетинин Төрагасы

А.У . Жапаров