Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо жөнүндө жобо (Кыргыз Республикасынын Министрлер Кабинетинин токтомуна)

1-тиркеме

(Кыргыз Республикасынын Министрлер Кабинетинин 2023-жылдын 12-декабрындагы № 664 токтомуна)

Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо жөнүндө ЖОБО

1. Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо жөнүндө жобо (мындан ары - Жобо) пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо боюнча иштин укуктук жана уюштуруучулук негиздерин белгилейт.

2. Бул Жободо төмөнкү түшүнүктөр колдонулат:

1) текшерүү - ишкерлер тарабынан пестициддер жана агрохимикаттар менен коопсуз иштөө жаатындагы Кыргыз Республикасынын мыйзамдарын сактоо боюнча мамлекеттик көзөмөлдүн же контролдун бардык формалары;

2) текшерүү барагы - текшерүү жүргүзүүдө контролдоочу орган тарабынан таризделүүчү ишкерлер өз ишинин жүрүшүндө сактоого тийиш болгон талаптарды камтыган документ;

3) тобокелдик даражасын баалоо критерийлери - ишкердик субъекттерин тобокелдиктин ар кандай даражаларына киргизүүгө мүмкүндүк берүүчү ишкердик субъектинин түздөн-түз иши менен байланышкан сандык жана (же) сапаттык көрсөткүчтөрдүн жыйындысы;

4) текшерүүгө алынган субъекттер - Кыргыз Республикасынын мыйзамдарында белгиленген тартипте катталган юридикалык жактар, жеке ишкерлер, филиалдар жана өкүлчүлүктөр;

5) агрохимикаттар - кыртыштын күрдүүлүгүн жана айыл чарба өсүмдүктөрүнүн түшүмдүүлүгүн, продукциянын сапатын жогорулатуу үчүн практикада пайдаланылуучу жер семирткичтер, кыртыштын химиялык мелиоранттары, тоют консерванттары, ошондой эле айыл чарба продукциясын жана табигый сырьену, пестициддерди, өстүрүү заттарын жана жер семирткичтерди кайра иштетүү жана консервациялоо процесстерин өндүрүштүк-химиялык контролдоо, агрохимиялык анализдер үчүн химиялык реактивдер;

6) пестициддер - өсүмдүктөрдүн зыянкечтерине же илдеттерине, отоо чөптөргө, сакталган айыл чарба продукциясынын зыянкечтерине, тиричилик зыянкечтерине жана жаныбарлардын тышкы мителерине каршы күрөшүү үчүн, ошондой эле өсүмдүктөрдүн өсүшүн жөнгө салуу, жалбырактарды оруп-жыюу алдында жок кылуу (дефолианттар), өсүмдүктөрдү оруп-жыюу алдында кургатуу (десиканттар) үчүн пайдаланылуучу химиялык же биологиялык препараттар.

3. Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо предмети болуп юридикалык жактар, жеке ишкерлер жана жарандар тарабынан Кыргыз Республикасында пестициддерди жана агрохимикаттарды өндүрүүдө, ташып киргизүүдө/ташып чыгарууда/транзит менен өткөрүүдө, сактоодо, ташууда, сатууда, пайдаланууда жана утилдештирүүдө/жок кылууда өсүмдүктөрдү химиялаштыруу жана коргоо жагындагы милдеттүү талаптардын сакталышы саналат.

4. Пестициддер жана агрохимикаттар менен коопсуз иштөөнү мамлекеттик көзөмөлдөөчү жана контролдоочу ыйгарым укуктуу мамлекеттик орган болуп Кыргыз Республикасынын Айыл чарба министрлигине караштуу Өсүмдүктөрдү химиялаштыруу, коргоо жана карантин департаменти (мындан ары - Департамент) саналат.

5. Пестициддер жана агрохимикаттар менен коопсуз иштөөнү мамлекеттик көзөмөлдөөгө жана контролдоого ыйгарым укуктуу кызмат адамдары болуп кызматтык милдеттерине ылайык укуктуу мамлекеттик органдын түзүмдүк жана аймактык бөлүмдөрүнүн жетекчилери жана адистери эсептелет.

6. Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо (мындан ары - мамлекеттик көзөмөлдөө жана контролдоо) өсүмдүктөрдү химиялаштыруу жана коргоо чөйрөсүндө милдеттүү талаптардын бузулушун текшерүү, көзөмөлдөө жана контролдоо иш-чараларын уюштуруу жана жүргүзүү аркылуу ишке ашырылат.

7. Мамлекеттик көзөмөлдөөнү жана контролдоону уюштуруу жана жүзөгө ашыруу жол-жобосуна текшерүүлөрдү пландоо, кабарлоо, текшерүү, тиешелүү документтерди тариздөө жана чараларды көрүү кирет.

8. Мамлекеттик көзөмөлдөө жана контролдоо төмөнкүлөргө жүргүзүлөт:

1) пестициддерди жана агрохимикаттарды Кыргыз Республикасынын аймагына ташып киргизүү, Кыргыз Республикасынын аймагынан ташып чыгаруу, Кыргыз Республикасынын аймагы аркылуу транзит менен өткөрүү жана Кыргыз Республикасынын аймагы боюнча ташуу тартиби;

2) пестициддерди жана агрохимикаттарды өндүрүү, сактоо, ташуу, сатуу, пайдалануу жана утилдештирүү/жок кылуу тартиби;

3) айыл чарба өсүмдүктөрүнүн зыянкечтерине, илдеттерине жана отоо чөптөрүнө каршы пестициддерди колдонуу жана агрохимикаттарды берүү менен химиялык тазалоо тартиби;

4) контролдоочу орган тарабынан пестициддер жана агрохимикаттар менен коопсуз иштөө боюнча шашылыш чараларды көрүү, анын ичинде өсүмдүктөрдү химиялаштыруу жана коргоо боюнча өзгөчө комиссияларды түзүү тартиби;

5) пестициддер менен агрохимикаттарга токсикологиялык лабораториялык экспертиза жүргүзүү тартиби.

9. Пестициддер жана агрохимикаттар менен коопсуз иштөөнү мамлекеттик көзөмөлдөөнү жана контролдоону уюштуруу жана жүзөгө ашыруу.

Ыйгарым укуктуу органдын кызмат адамы мамлекеттик көзөмөлдү жана контролду жүргүзүүдө "Ишкердиктин субъекттерине текшерүүлөрдү жүргүзүүнүн тартиби жөнүндө" Кыргыз Республикасынын Мыйзамында жана Кыргыз Республикасынын Министрлер Кабинетинин 2021-жылдын 6-августундагы № 116 "Кыргыз Республикасынын Айыл чарба министрлигинин ведомстволук бөлүмдөрү жана уюмдары жөнүндө" токтому менен бекитилген Кыргыз Республикасынын Айыл чарба министрлигине караштуу Өсүмдүктөрдү химиялаштыруу, коргоо жана карантин департаменти жөнүндө жободо белгиленген өздөрүнүн ыйгарым укуктарынын чегинде жана жүргүзүлүүчү көзөмөлдөө, контролдоо иш-аракеттеринин көлөмүндө укуктарга жана милдеттерге ээ. Мамлекеттик көзөмөлдөө жана контролдоо жүргүзүүдө ыйгарым укуктуу органдын кызмат адамдары төмөнкүлөргө укуктуу:

- менчигинин түрүнө карабастан чарбакер субъекттер тарабынан төмөнкүдөй иштердин аткарылышын көзөмөлдөө жана контролдоо:

пестициддерди жана агрохимикаттарды талаптагыдай өндүрүү, сактоо, ташуу, сатуу, пайдалануу жана утилдештирүү/жок кылуу боюнча; пестициддерди колдонуу жана агрохимикаттарды берүү менен айыл чарба өсүмдүктөрүнүн зыянкечтерине, илдеттерине жана отоо чөптөрүнө каршы химиялык дарылоону жүргүзүү боюнча;

- контролго алынган жактарга милдеттүү талаптардын аныкталган бузулушун четтетүү, адамдын ден соолугуна жана айлана-чөйрөгө жана анын компоненттерине, анын ичинде жаныбарларга, өсүмдүктөргө, жарандардын, юридикалык жактардын мүлкүнө, мамлекеттик же муниципалдык мүлккө зыян келтирүүнүн алдын алуу боюнча иш-чараларды жүргүзүү жөнүндө жазма буйруктарды, ошондой эле пестициддер менен агрохимикаттарды өндүрүү, сактоо, ташуу, сатуу, пайдалануу жана утилдештирүү/жок кылуу боюнча аныкталган талаптарды бузууларды четтетүү жөнүндө жазма буйруктарды берүүгө.

Ыйгарым укуктуу мамлекеттик органдын кызмат адамынын текшерүүгө алынган субъекттин аймагына же жайына кирүүсү ушул Жобонун 1-тиркемесине ылайык ал адам тарабынан кызматтык күбөлүгүн, текшерүүгө алынган субъектке карата текшерүү жүргүзүүгө ыйгарым укуктуу мамлекеттик органдын буйругун, жазма буйругун көрсөткөндө ишке ашырылат.

10. Текшерүүлөрдү пландоо.

Текшерүү ыйгарым укуктуу мамлекеттик органдын жазма буйругунун негизинде жүзөгө ашырылат, анда төмөнкүлөр көрсөтүлөт:

- текшерүү жүргүзүү жөнүндө ыйгарым укуктуу мамлекеттик органдын буйруктун номери жана датасы;

- ыйгарым укуктуу мамлекеттик органдын аталышы;

- текшерүү жүргүзүүгө ыйгарым укуктуу кызмат адамынын аты-жөнү;

- текшерүүгө алынган субъекттин аталышы жана дареги же текшерүү жүргүзүлүп жаткан жеке ишкердин аты-жөнү;

- текшерүү жүргүзүүнүн максаты жана предмети;

- текшерүү жүргүзүүнүн укуктук негиздери;

- текшерүү башталган жана аяктаган датасы.

Жазма буйрукка ыйгарым укуктуу мамлекеттик органдын жетекчиси кол коёт, эки нускада таризделет жана мөөр менен күбөлөндүрүлөт. Пландуу текшерүүлөрдү жүргүзүүнүн мөөнөтү 15 жумуш күндөн, чакан ишкердиктин субъекттери үчүн - 5 жумуш күндөн ашпоого тийиш. Атайын изилдөөлөрдү, сыноолорду, экспертизаларды жүргүзүү зарыл болгондо бул мөөнөт текшерүүнү жүзөгө ашыруучу ыйгарым укуктуу мамлекеттик органдын буйругу менен 10 жумуш күндөн ашпаган мөөнөткө бир жолу гана узартылышы мүмкүн.

11. Текшерүү жүргүзүү жөнүндө кабарлоо.

Кабарлоодо төмөнкүлөр көрсөтүлүүгө тийиш:

- пландуу текшерүү башталган жана аяктаган күнү;

- текшерүү жүргүзүлүп жаткан юридикалык жактын аталышы же жеке адамдын - ишкердин аты-жөнү;

- ыйгарым укуктуу мамлекеттик органдын аталышы;

- ыйгарым укуктуу мамлекеттик органдын кызмат адамынын кызмат орду, аты-жөнү.

Кабарлоо тапшырык кат же телефонограмма менен ыйгарым укуктуу мамлекеттик органдын каражаттарынын эсебинен жөнөтүлөт же текшерүүгө алынган субъекттин жетекчисине же талаптагыдай таризделген документтин (ишеним кат, буйрук ж.б.) негизинде ыйгарым укуктуу адамынын жеке өзүнө кол койдуруу менен тапшырылат. Текшерүүгө алынган субъекттин жетекчиси же ыйгарым укуктуу адамы кабарлоону алгандан кийин пландуу текшерүү жүргүзүү үчүн белгиленген убакытта текшерүүгө алынган объектте болууга милдеттүү. Текшерүүгө алынган субъект пландуу текшерүүнү жүзөгө ашыруу жөнүндө кабарлоону албаган учурда ыйгарым укуктуу мамлекеттик органдын кызмат адамын пландуу текшерүүнү жүргүзүүгө жол бербөөгө укуктуу.

12. Ыйгарым укуктуу мамлекеттик орган тарабынан жүргүзүлүүчү текшерүүлөрдүн түрлөрү.

Мамлекеттик көзөмөлдөөчү жана контролдоочу ыйгарым укуктуу мамлекеттик орган тарабынан текшерүүлөрдүн төмөнкүдөй түрлөрү жүргүзүлөт:

- пландуу текшерүү - ыйгарым укуктуу мамлекеттик орган тарабынан ишкердиктин субъекттеринин ишин текшерүүнү жүзөгө ашыруунун өзү бекиткен планына ылайык жүргүзүлүүчү текшерүү;

- пландан тышкаркы текшерүү - "Ишкердиктин субъекттерине текшерүүлөрдү жүргүзүүнүн тартиби жөнүндө" Кыргыз Республикасынын Мыйзамынын 7-беренесинде каралган негиздер боюнча жүргүзүлүүчү ишкер субъектинин ишин текшерүү;

- контролдук текшерүү - текшерүүгө алынган субъекттердин мурдагы текшерүүдө аныкталган бузууларды четтетүүсүн текшерүү;

- кайра текшерүү - ишкер субъектинин пландуу текшерүүнүн жыйынтыгына даттануусунун негизинде жана жүргүзүлгөн пландуу текшерүүгө байланыштуу актыда чагылдырылбаган же так эмес чагылдырылган айрым учурларды тактоо үчүн жүргүзүлүүчү текшерүү.

13. Мамлекеттик көзөмөлгө жана контролго алынуучу объект болуп төмөнкүлөр саналат:

1) айыл чарба жерлери, имараттар, курулуштар, курулмалар, сактоочу жерлер (орунжайлар), атайын жабдуулар жана техника, транспорт каражаттары, пестициддер, агрохимикаттар өндүрүлүүчү, сакталуучу, ташылуучу, сатылуучу, пайдаланылуучу жана утилдештирилүүчү/жок кылынуучу башка объекттер;

2) контролго алынган жактардын пестициддер менен агрохимикаттарды өндүрүүгө (анын ичинде таңгактоого), Кыргыз Республикасына ташып киргизүүгө, Кыргыз Республикасынан ташып чыгарууга, Кыргыз Республикасынын аймагы аркылуу транзит менен өткөрүүгө, сактоого, ташууга, сатууга, пайдаланууга жана утилдештирүүгө/жок кылууга байланыштуу иштери, аракеттери (аракетсиздиги), алардын ишинин натыйжалары.

Мамлекеттик көзөмөлгө жана контролго алынган объекттер Кыргыз Республикасынын Өкмөтүнүн 2012-жылдын 18-февралындагы № 108 "Ишкердик иш-аракетти жүзөгө ашырууда тобокелдик даражасын баалоо критерийлерин бекитүү жөнүндө" токтомуна ылайык жогорку, орточо жана төмөнкү тобокелдик категорияларына киргизилүүгө тийиш.

14. Пестициддер жана агрохимикаттар менен коопсуз иштөө чөйрөсүндөгү ишкердик иштин түрлөрү төмөнкүлөргө бөлүнөт:

1) тобокелдиктин жогорку даражасына кирген иштин түрлөрү:

- пестициддерди өндүрүү, сактоо, ташуу, сатуу, пайдалануу жана утилдештирүү/жок кылуу;

- пестициддерди ташып келүү, ташып чыгуу, транзиттөө;

2) тобокелдиктин орточо даражасына кирген иштин түрлөрү:

- агрохимикаттарды өндүрүү, сактоо, ташуу, сатуу, пайдалануу жана утилдештирүү/жок кылуу;

- агрохимикаттарды ташып келүү, ташып чыгуу жана транзиттөө;

- айыл чарба өсүмдүктөрүнүн зыянкечтерине, илдеттерине жана отоо чөптөрүнө каршы пестициддер менен химиялык иштетүү, агрохимикаттарды берүү;

3) тобокелдиктин анча чоң эмес даражасына кирген иштин түрлөрү:

- пестициддерди жана агрохимикаттарды илимий максаттарда пайдалануу менен байланышкан иш;

- пестициддер менен агрохимикаттарга токсикологиялык лабораториялык экспертизаларды жүргүзүү.

Иштин башка түрлөрүн тобокелдик даражасы боюнча киргизүү тобокелдик даражасын баалоо критерийлерине ылайык эсептелген топтолгон баллдын суммасына жараша жүзөгө ашырылат.

15. Текшерүүнүн жыйынтыгы боюнча ыйгарым укуктуу органдын кызмат адамы ушул Жобонун 2-тиркемесине ылайык эки нускада акт түзөт.

Актыда төмөнкүлөр көрсөтүлөт:

- акт түзүлгөн дата, убакыт жана жер;

- ыйгарым укуктуу мамлекеттик органдын аталышы;

- текшерүү жүргүзүүгө негиз болгон тескеменин (буйруктун, жазма буйруктун) датасы жана номери;

- текшерүү жүргүзгөн адамдын (адамдардын) аты-жөнү, кызматтык күбөлүгүнүн номери жана кызмат орду;

- текшерилүүчү текшерүү субъектинин аталышы жана дареги же жеке ишкердин аты-жөнү;

- текшерүү жүргүзүлгөн дата, убакыт жана жер;

- текшерүүнүн натыйжалары, анын ичинде аныкталган бузуулар жөнүндө маалыматтар;

- текшерүү субъектинин өкүлүнүн же жеке ишкердин текшерүүнүн натыйжалары менен таанышкандыгы же таанышуудан баш тарткандыгы жөнүндө маалыматтар, алардын кол тамгалары;

- текшерүү жүргүзгөн текшерүүчү кызмат адамынын колу.

Актыга үлгүлөрдү (сынамдарды) тандоо, жүргүзүлгөн изилдөөлөрдүн актылары, жүргүзүлгөн изилдөөлөрдүн жана экспертизалардын протоколдору тиркелет. Актынын бир нускасы тиркемелеринин көчүрмөлөрү менен текшерүү субъектинин жетекчисине же башка ыйгарым укуктуу адамына кол койдуруу менен тапшырылат же тапшырылгандыгы жөнүндө кабарлоо менен тапшырык кат менен жөнөтүлөт. Текшерүүнүн жыйынтыктарына карабастан актыга текшерүүчү, текшерүү субъектинин жетекчиси же башка ыйгарым укуктуу адамы кол коёт. Актыда баяндалган фактылар менен макул болбогон учурда текшерүү субъектинин жетекчиси же анын ыйгарым укуктуу адамы актыга кол коюуга жана каршы пикирлери жөнүндө жазууга милдеттүү. Бул каршы пикирлердин мотивдерин түшүндүргөн жазуу жүзүндөгү түшүндүрмөлөр жана документтер текшерүүнүн субъекттери тарабынан ыйгарым укуктуу органга акт алынган учурдан тартып 10 жумуш күнгө чейинки мөөнөттө жиберилет. Пестициддер жана агрохимикаттар менен коопсуз иштөө боюнча талаптарга шайкеш эместик аныкталган учурда ыйгарым укуктуу мамлекеттик орган лабораториялык изилдөөлөрдү жүргүзүү үчүн пестициддердин жана агрохимикаттардын үлгүлөрүн тандоону жүргүзөт. Алынуучу үлгүлөрдүн (сынамдардын) саны үлгүлөрдү тандоо методикасынын талаптарына шайкеш келүүгө тийиш.

Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо боюнча чараларды колдонуу

16. Пестициддер жана агрохимикаттар менен коопсуз иштөөгө мамлекеттик көзөмөлдү жана контролду жүзөгө ашыруучу ыйгарым укуктуу мамлекеттик органдын кызмат адамдары төмөнкүлөргө укуктуу:

1) катталбаган, тыюу салынган, контрафакттык жана жараксыз болуп калган пестициддерди жана агрохимикаттарды ташып келүүгө карата жазма буйрук берүүгө жана чара көрүүгө, карап текшерүүгө;

2) катталбаган, тыюу салынган, контрафакттык жана жараксыз болуп калган пестициддерди жана агрохимикаттарды ташып келүүдөн баш тартууга же кармоого, утилдештирүүнү/жок кылууну талап кылууга. Продукциянын менчик ээси утилдештирүүдөн/жок кылуудан баш тарткан же болбосо аларды жүргүзүү мүмкүн болбогон учурда ыйгарым укуктуу мамлекеттик органдын кызмат адамы пестициддерди жана агрохимикаттарды кайтарып берүү жөнүндө жазма буйрук берет;

3) өсүмдүктөрдү химиялаштыруу жана коргоо жаатындагы Кыргыз Республикасынын мыйзамдарынын талаптарына жооп бербеген пестициддерди жана агрохимикаттарды өндүрүүгө, сактоого, ташууга, сатууга, пайдаланууга жана утилдештирүүгө/жок кылууга карата жазма буйрук берүүгө жана чара көрүүгө;

4) пестициддерди жана агрохимикаттарды колдонуу технологияларын жана регламенттерин бузуу менен аларды пайдаланууга карата жазма буйрук берүүгө жана чара көрүүгө;

5) өндүрүлгөн, ташып келинген/ташып чыгарылган, топтолгон, сатылган жана пайдаланылган пестициддерди жана агрохимикаттарды кароого;

6) пестициддерди жана агрохимикаттарды өндүрүү, сактоо, сатуу, пайдалануу жерлерин, пестициддерди жана агрохимикаттарды ташуу үчүн пайдаланылуучу транспорт каражаттарын, пестициддерди себүү жана агрохимикаттарды чачуу боюнча атайын техникаларды жана жабдууларды карап чыгууга.

Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо жөнүндө жобого 1-тиркеме

Кыргыз Республикасынын Экономика жана коммерция министрлигинин 20___-жылдын "___" ___________ № ____ Кыргыз Республикасынын Айыл чарба министрлигине караштуу Өсүмдүктөрдү химиялаштыруу, коргоо жана карантин департаментинин 20___-жылдын "___" ____________ № ___ биргелешкен буйруктары менен бекитилди

Ишкердик субъектин текшерүүгө жазма буйрук

Код _______ Каттоо № ________-___ 20___-ж. ___ ________ баштап 20___-ж. ___ __________ чейин жарактуу

________________________________________________________________________________________ ________________________________________________________________________________________

(пестициддер жана агрохимикаттар менен коопсуз иштөөнү мамлекеттик көзөмөлдөөчү жана контролдоочу ыйгарым укуктуу мамлекеттик орган органдын аталышы)

Тапшырма алган адистер: _________________________________________________________________ (аты-жөнү, кызмат орду, күбөлүктүн №) Текшерүү _______________________________________________________________________ жүргүзүү (текшерүүнүн түрү) ________________________________________________________________________________________ ________________________________________________________________________________________ (текшерүүгө алынган субъекттин аталышы же аты-жөнү, дареги, ИНН, E-mail)

Объекттин аталышы, дареги

Иштин түрү

Тобокелдик жааты

Тобокелдик даражасы

максаты: ________________________________________________________________________________ (текшерүү предметинин маселеси) негизинде: _______________________________________________________________________________ өткөрүү мөөнөтү: _________________________________________________________________________ Текшерүү мезгили: ________________________________________________________________________ Жетекчиси: ______________________________________________________________________________ (аты-жөнү) (кол тамгасы)

М.О. 20___-жылдын "___" _____________

Макулдашылды: _________________________________________________________________________________________ _________________________________________________________________________________________

(ишкердикти колдоо жана өнүктүрүү боюнча ыйгарым укуктуу мамлекеттик орган - Кыргыз Республикасынын Экономика жана коммерция министрлиги)

Жетекчиси: _______________________________________________________________________________ (аты-жөнү) (кол тамгасы)

М.О. 20___-жылдын "___" _____________

Текшерүү мөөнөтүн 20___ж. ___ _________ баштап 20___-ж. ___ _________ чейин узартуу Текшерүүчү курамды өзгөртүү _________________________________________________________________________________________ _________________________________________________________________________________________ (аты-жөнү, кызмат орду, күбөлүктүн номери)

Жетекчиси: ______________________________________________________________________________ (Кызмат орду) (кол тамгасы) (аты-жөнү)

М.О. 20___-жылдын "___" _____________

Эскертүү: бул документ текшерүү жүргүзүлгөндүгүн ырастоочу расмий документ катары текшерүүгө алынган субъектте калат.

Жазма буйрукка маалымат. Пландуу текшерүү пестициддер жана агрохимикаттар менен коопсуз иштөөнү мамлекеттик көзөмөлдөөчү жана контролдоочу ыйгарым укуктуу мамлекеттик органдын кызмат адамдары тарабынан жүргүзүлдү:

_________________________________________________________________________________________ (аты-жөнү, кызмат орду, күбөлүктүн №) _________________________________________________________________________________________ Жетекчиси: _________________________________________________________________________________________ (текшерүүгө алынган субъекттин аталышы, дареги, ИЖН, E-mail)

Объекттин аталышы, дареги

Иштин түрү

Тобокелдик жааты

Тобокелдик даражасы

Жүргүзүү мөөнөтү: 20___-жылдын "___" _________ баштап "___" __________ чейин Текшерүүнүн жыйынтыгы: _________________________________________________________________________________________ (бузуулар табылган жок, бузуулар аныкталды - ченемдик укуктук актынын конкреттүү ченемин көрсөтүү, түзүлгөн актынын, протоколдун реквизиттерин көрсөтүү) _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ 20___-ж. "____" _______________ _________________________________________________________________________________________ (текшерүүчүнүн аты-жөнү, кол тамгасы, датасы) Текшерүүгө алынган ишкердик субъектинин кызмат адамы ______________________________________ _________________________________________________________________________________________ _________________________________________________________________________________________ _________________________________________________________________________________________ (текшерилүүчүнүн аты-жөнү, кол тамгасы, датасы) Жүргүзүлгөн текшерүү боюнча сын пикирлер жана сунуштар: ____________________________________ _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________ _________________________________________________________________________________________

Текшерүү жүргүзүүнүн иш жүзүндөгү мөөнөтү 20___-жылдын "___" ___________ баштап 20___-жылдын "___" _________ чейин.

_________________________________________________________________________________________ (кол тамгасы, аты-жөнү, датасы)

Пестициддер жана агрохимикаттар менен коопсуз иштөөнү мамлекеттик көзөмөлдөө жана контролдоо жөнүндө жобого 2-тиркеме

Кыргыз Республикасынын Айыл чарба министрлигине караштуу Өсүмдүктөрдү химиялаштыруу, коргоо жана карантин департаменти __________________________________________________________ Администрациялык аймактын аталышы

20___-ж. "___" ____________

Текшерүү актысы

Биз: _________________________________________________________________________________________ _____________________________________________________________________________________________ катышуусунда ________________________________________________________________________________ текшерүү жүргүздүк ___________________________________________________________________________ Текшерүү субъекти ____________________________________________________________________________ дарегинде жайгашкан Текшерүүнүн максаты _________________________________________________________________________ _____________________________________________________________________________________________ Текшерүүнүн жүрүшүндө төмөнкүлөр аныкталды: _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________ Жогоруда баяндалгандардын негизинде (аткарууга милдеттүү болгон чараларды, аларды аткаруу мөөнөттөрүн көрсөтүүнү) сунуштайм: _____________________________________________________________________________________________ _____________________________________________________________________________________________ _____________________________________________________________________________________________ _____________________________________________________________________________________________

1. адис ______________________________________________________________________________________

2. адис ______________________________________________________________________________________

3. ___________________________________________________________________________________________