Кыргыз Республикасынын Министрлер Кабинетинин «Маалыматтарды берүү кызматтарын көрсөтүү эрежелерин бекитүү жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 27-марты № 139

Маалыматтарды берүү кызматтарын көрсөтүү эрежелерин бекитүү жөнүндө

(КР Министрлер Кабинетинин 2025-жылдын 16-январындагы № 19 токтомунун редакциясына ылайык)

Байланыш жаатындагы мыйзамдарды өркүндөтүү, маалыматтарды берүү кызматтарын көрсөтүү менен байланышкан маселелерди жөнгө салуу максатында, "Электр байланышы жөнүндө" Кыргыз Республикасынын Мыйзамынын 4-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Маалыматтарды берүү кызматтарын көрсөтүү эрежелери тиркемеге ылайык бекитилсин.

2. Төмөнкүлөр белгиленсин:

1) бул токтомдун жоболору ал колдонууга киргизилгенден кийин пайда болгон укуктук мамилелерге жайылтылат;

2) маалыматтарды берүү операторунун маалымат базасында камтылган маалыматтарды берүү абоненттери жөнүндө маалыматтар, маалыматтарды берүү оператору менен маалыматтарды берүү абоненттеринин ортосунда түзүлгөн акы төлөнүүчү келишимдер бул токтом күчүнө кирген күнгө чейин өзүнүн юридикалык күчүн сактап калат жана анын жоболоруна шайкеш келтирүүнү талап кылбайт;

3) Маалыматтарды берүү кызматтарын көрсөтүү эрежелеринде көрсөтүлгөн маалыматтарды берүү операторлору жыл сайын 2028-жылга чейин жогоруда аталган Эрежелердин 8-пунктунда каралган талаптарга ылайык маалыматтарды сактоо көлөмүн көбөйтүүгө милдеттүү.

(КР Министрлер Кабинетинин 2025-жылдын 16-январындагы № 19 токтомунун редакциясына ылайык)

3. Бул токтом расмий жарыяланууга тийиш жана расмий жарыяланган күндөн тартып он беш күн өткөндөн кийин күчүнө кирет.

“Эркин-Тоо” мамлекеттик расмий гезитинин 2024-жылдын 29-мартындагы № 24 (3577) саны менен жарыяланды.

Кыргыз Республикасынын Министрлер Кабинетинин Төрагасы

А.Жапаров