84-берене. Иммунопрофилактика чөйрөсүндөгү мыйзамдарды бузуу үчүн жоопкерчилик

1. Алдын ала эмдөөлөрдүн жоктугу төмөнкүлөргө алып келет:

1) ЭМСЭге же Кыргыз Республикасы катышуучу болуп саналган, мыйзамда белгиленген тартипте күчүнө кирген эл аралык келишимдерге ылайык конкреттүү алдын ала эмдөөлөрдү талап кылган өлкөлөргө жарандардын чыгуусуна тыюу салуу;

2) билим берүү уюмдарына жана ден соолукту чыңдоо мекемелерине жарандарды кабыл алуудан убактылуу баш тартуу, массалык жугуштуу оорулар келип чыккан учурда же эпидемия коркунучу болгондо, билим берүү кызматтарын көрсөткөн жеке ишкерлердин кызмат көрсөтүүлөрүн алууга убактылуу чектөө;

3) тизмеги Министрлер Кабинети тарабынан белгиленген жугуштуу оорулар менен ооруп калуу тобокелдигине байланышы бар жумуштарга жарандарды кабыл алуудан баш тартуу же андай жумуштардан жарандарды четтетүү;

4) жарандарды ишке кабыл алуудан баш тартуу же аткаруу жугуштуу оорулардын, анын ичинде кызмат көрсөтүү чөйрөсүнүн жана калк менен иштөөнүн жогорку тобокелдигине байланышы бар жумуштардан жарандарды четтетүү.

2. Жашы жете элек баланын оорусунун өөчүрүшүнө алып келген алдын ала эмдөөдөн баш тарткандыгы үчүн жоопкерчиликти ата-энеси же анын мыйзамдуу өкүлдөрү тартат.