3-берене. Ушул Мыйзамдын негизги максаттары жана милдеттери

1. Ушул Мыйзамдын негизги максаты болуп саламаттык сактоого жана коомдун саламаттыгын сактоо чөйрөсүндөгү ден соолукка жагымдуу айлана-чөйрөгө адамдын конституциялык укуктарынын ишке ашырылышын камсыз кылуу саналат.

2. Саламаттык сактоого жана коомдун саламаттыгын сактоо чөйрөсүндөгү ден соолукка жагымдуу айлана-чөйрөгө адамдын конституциялык укуктарынын ишке ашырылышын камсыз кылуу максатында ушул Мыйзамдын негизги милдеттери болуп төмөнкүлөр саналат:

1) калктын саламаттыгын чыңдоо;

2) Кыргыз Республикасынын жарандарынын сергек жашоо мүнөзүн калыптандыруу;

3) калктын санитардык-эпидемиологиялык бейпилдигин камсыз кылуу;

4) коомдун саламаттыгын сактоо кызмат көрсөтүүлөрүнө жеткиликтүүлүктү жогорулатуу;

5) жугуштуу жана жугуштуу эмес оорулардын алдын алуу;

6) коомдун саламаттыгын сактоо уюмдарын өнүктүрүү.