# 32-берене. Аксакалдар сотунун чечиминин формасы жана мазмуну

- Документ: [Аксакалдар соттору жөнүндө](https://aqlex.ai/kg/doc/230001722)
- Документтеги орду: 4-глава
- Толук аталышы: Кыргыз Республикасынын 2024-жылдын 19-февралындагы № 52 "Аксакалдар соттору жөнүндө" Мыйзамы
- Актынын түрү: Закон
- Номери: 52
- Кабыл алынган күнү: 19.02.2024
- Статусу: Күчүндө
- Редакциянын күнү: 19.02.2024
- Тексттин тили: кыргыз тили
- aqlex'теги барагы: <https://aqlex.ai/kg/doc/230001722/st-32>
- Расмий булак: <https://cbd.minjust.gov.kg/4-5280/edition/3049/ru>
- Башка тилдеги тексти (Markdown): <https://aqlex.ai/doc/230001722/st-32.md>

> Текст расмий булактын маалыматы боюнча 19.02.2024 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Аксакалдар соттору жөнүндө, 32-берене (19.02.2024 редакциясы) - https://aqlex.ai/kg/doc/230001722/st-32

---

1. Аксакалдар сотунун чечими жазуу жүзүндө баяндалат, анда төмөнкүлөр көрсөтүлүүгө тийиш:

1) чечимдин чыгарылган убактысы жана орду, чечимди чыгарган аксакалдар сотунун аталышы жана курамы, ишке катышкан адамдар;

2) талаш-тартыштын предмети же каралып жаткан маселенин мазмуну;

3) аксакалдар соту белгилеген иштин жагдайлары, иштин жагдайлары жөнүндө аксакалдар сотунун тыянактарына негизделген далилдер, аксакалдар соту тигил же бул далилдерди четке каккан жүйөлөр;

4) чечим чыгарууда аксакалдар соту жетекчиликке алган мыйзамдын ченемдери, үрп-адаттар жана салттар;

5) каралып жаткан иш боюнча аксакалдар соту кабыл алган чечим;

6) кабыл алынган чечимге даттануунун мөөнөтү жана тартиби;

7) чечимдин күчүнө кирүүсүнүн мөөнөтү жана аны аткаруу мөөнөтү.

2. Жүйөлөнгөн чечимди жазуу жүзүндө түзүү 5 күндөн ашпаган мөөнөткө кийинкиге калтырылышы мүмкүн, бирок аксакалдар сотунун чечиминин резолюциялык бөлүгү жазуу жүзүндө түзүлүүгө жана ишти териштирүү аяктаган ошол эле жыйналышта жарыяланууга тийиш. Ошол эле учурда аксакалдар соту ишке катышкан жактар жана алардын өкүлдөрү акыркы (жазуу жүзүндө) жүйөлөнгөн чечим менен качан тааныша ала турганын жарыялоого милдеттүү.

Чечимдин жарыяланган резолюциялык бөлүгүнө ошол ишти кароого катышкан аксакалдар сотунун бардык мүчөлөрү колтамга коюуга жана ишке тиркелүүгө тийиш.

3. Чечимге аксакалдар сотунун жыйналышында жарыяланганга чейин төрагалык кылуучу жана аксакалдар сотунун мүчөлөрү колтамга коёт.

---

Мурунку берене: [31-берене](https://aqlex.ai/kg/doc/230001722/st-31)  
Кийинки берене: [33-берене](https://aqlex.ai/kg/doc/230001722/st-33)