19-берене. Аксакалдар сотторунун иштерди (материалдарды) кароодогу ыйгарым укуктары

1. Аксакалдар соттору жарандардын жана юридикалык жактардын жарандарга карата арыздары боюнча төмөнкүдөй иштерди (материалдарды) кароого укуктуу:

1) жарандардын үй-бүлөлүк укуктук мамилелеринен келип чыккан, кылмыш жана укук бузуу болуп эсептелбеген талаш-тартыштар боюнча;

2) мүлктүк талаш-тартыштар боюнча;

3) жубайлардын жалпы биргелешкен мүлкүн бөлүштүрүү боюнча;

4) көп батирлүү турак үйдүн жалпы мүлкүн пайдалануу тартибин бузуу маселелери боюнча;

5) жаныбарларды күтүү, анын ичинде көп батирлүү үйдө күтүү эрежелерин бузуу боюнча;

6) жерди пайдалануучулардын ортосунда жер участокторун сугаруу боюнча;

7) жарандык процессуалдык мыйзамдарда каралган тартипте жергиликтүү соттор жиберген иштер (материалдар) боюнча;

8) жергиликтүү коомдоштук жана жергиликтүү өз алдынча башкаруу органдары Кыргыз Республикасынын мыйзамдарынын алкагында белгиленген тартиптерди жана эрежелерди бузгандыгынын фактылары боюнча жергиликтүү өз алдынча башкаруу органдары жиберген материалдар боюнча.

2. Аксакалдар соттору сот, компетенттүү мамлекеттик органдар чечим чыгарган, өз компетенциясынын чектеринде аксакалдар сотунун чечими чыгарылган материалдарды кароого укуксуз.