Кыргыз Республикасынын Министрлер Кабинетинин «Аудиторлордун, аудитордук уюмдардын жана кесиптик аудитордук бирикмелердин бирдиктүү мамлекеттик реестринде каттоо, кайра каттоо жана Бирдиктүү мамлекеттик реестрди жүргүзүү үчүн жыйымдардын өлчөмдөрү жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 12-июлу № 352

Аудиторлордун, аудитордук уюмдардын жана кесиптик аудитордук бирикмелердин бирдиктүү мамлекеттик реестринде каттоо, кайра каттоо жана Бирдиктүү мамлекеттик реестрди жүргүзүү үчүн жыйымдардын өлчөмдөрү жөнүндө

"Аудитордук иш жөнүндө" Кыргыз Республикасынын Мыйзамынын 22-беренесинин 3-бөлүгүн, Салыктык эмес кирешелер жөнүндө Кыргыз Республикасынын кодексинин 542-беренесин ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Жыйымдардын төмөнкүдөй өлчөмдөрү белгиленсин:

1) Аудиторлордун, аудитордук уюмдардын жана кесиптик аудитордук бирикмелердин бирдиктүү мамлекеттик реестринде каттоо жана кайра каттоо үчүн бир жолку жыйым:

- аудиторлордон - он эсептик көрсөткүч өлчөмүндө;

- аудитордук уюмдардан - жыйырма эсептик көрсөткүч өлчөмүндө;

- ачык кызыкчылыктын субъекттерине аудит жүргүзүүгө уруксат берилген аудитордук уюмдардан - жыйырма эсептик көрсөткүч өлчөмүндө;

2) Аудиторлордун, аудитордук уюмдардын жана кесиптик аудитордук бирикмелердин бирдиктүү мамлекеттик реестрин жүргүзүү үчүн жыл сайын жыйым:

- аудиторлордон - жыйырма эсептик көрсөткүч өлчөмүндө;

- аудитордук уюмдардан - жүз эсептик көрсөткүч өлчөмүндө;

- ачык кызыкчылыктын субъекттерине аудит жүргүзүүгө уруксат берилген аудитордук уюмдардан - беш жүз эсептик көрсөткүч өлчөмүндө.

2. Бул токтом расмий жарыяланган күндөн тартып жети күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.У.Жапаров