Боо-Терек айылдык аймактык кеңешинин «2023-жылдын 14-ноябрындагы Боо-Терек айылдык Кеңешинин XXXII чакырылышындагы депутаттардын XXXI сессиясында кабыл алынган Сулайманов Анарбекке №730, №731 контурундагы аянты 1,65 га жайыт жерди 7 жылдык мөөнөткө жашылдандырууга бөлүп берүү жөнүндөгү №5 токтомун жокко чыгаруу жөнүндө» токтому

БОО-ТЕРЕК АЙЫЛДЫК АЙМАГЫНЫН БОО-ТЕРЕК АЙЫЛДЫК КЕӉЕШИ ТОКТОМ 2024-жылдын 23-январы № 7

2023-жылдын 14-ноябрындагы Боо-Терек айылдык Кеңешинин XXXII чакырылышындагы депутаттардын XXXI сессиясында кабыл алынган Сулайманов Анарбекке №730, №731 контурундагы аянты 1,65 га жайыт жерди 7 жылдык мөөнөткө жашылдандырууга бөлүп берүү жөнүндөгү № 5 токтомун жокко чыгаруу жөнүндө.

Кыргыз Республикасынын Өкмөтүнүн 2008-жылдын 17-июнундагы № 306 токтому менен бекитилген “Асылдуулугу төмөн айыл чарба жерлерин өздөштүрүүгө жана айыл чарба өндүрүшүн жүргүзүүгө берүүнүн тартиби жөнүндөгү (Кыргыз Республикасынын Өкмөтүнүн 2013-жылдын 11-сентябрындагы № 510 токтому менен бекитилген редакциясына ылайык) ЖОБОсу”, Кыргыз Республикасынын Жер Кодексинин № 4 статьясынын (“Жайыттар жеке менчикке же ижарага берилиши мүмкүн эмес” жөнүндөгү) № 4 пунктуна карама каршы келгендигин белгилеп жана Кыргыз Республикасынын 2021-жылдын 20-октябрындагы № 123 Жергиликтүү мамлекеттик администрация жана жергиликтүү өз алдынча башкаруу органдары жөнүндөгү Мыйзамынын № 39 беренесинин “Жергиликтүү кеңештин чечимдери” жөнүндөгү (“жергиликтүү кенештин чечимдери алар кабыл алган тартипте жокко чыгарылышы же күчүн жоготту деп табылышы мүмкүн” деген) № 5 пунктун жетекчиликке алып Боо-Терек айылдык Кеңешинин XXXII чакырылышындагы депутаттарынын XXXIII сессиясы;

ТОКТОМ КЫЛАТ:

1. 2023-жылдын 14-ноябрындагы Боо-Терек айылдык Кеңешинин XXXII чакырылышындагы депутаттардын XXXI сессиясында кабыл алынган № 5 токтому жокко чыгарылсын.

2. Бул токтомдун аткарылышын көзөмөлдөө боюнча иш алып баруу жагы Боо-Терек айыл өкмөтүнүн башчысына милдеттендирилсин.

3. Токтомдун аткарылышын көзөмөлдөө жагы айылдык Кеңештин депутаттарынын регламент, депутаттык этика жана мандат боюнча туруктуу комиссиясына жүктөлсүн.

Төрага

Мамыралиев А.