# 127-берене. Тирүү донордун органдарын жана (же) ткандарын алуунун шарттары

- Документ: [Кыргыз Республикасында жарандардын саламаттыгын сактоо жөнүндө](https://aqlex.ai/kg/doc/230000918)
- Документтеги орду: 9-глава
- Толук аталышы: Кыргыз Республикасынын 2024-жылдын 12-январындагы № 14 "Кыргыз Республикасында жарандардын саламаттыгын сактоо жөнүндө" Мыйзамы
- Актынын түрү: Закон
- Номери: 14
- Кабыл алынган күнү: 12.01.2024
- Статусу: Күчүндө
- Редакциянын күнү: 23.01.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/230000918/st-127>
- Расмий булак: <https://cbd.minjust.gov.kg/4-5260/edition/1939/ru>
- Башка тилдеги тексти (Markdown): <https://aqlex.ai/doc/230000918/st-127.md>

> Текст расмий булактын маалыматы боюнча 23.01.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасында жарандардын саламаттыгын сактоо жөнүндө, 127-берене (23.01.2026 редакциясы) - https://aqlex.ai/kg/doc/230000918/st-127

---

1. Реципиентке трансплантациялоо үчүн тирүү донордун органдарын жана (же) ткандарын алууга төмөндөгү шарттар сакталган учурда жол берилет:

1) эгерде органдарды жана (же) ткандарды алуу боюнча алдыдагы операциялык кийлигишүүгө байланыштуу анын саламаттыгы үчүн мүмкүн болуучу өтүшүп кетүүлөр жөнүндө донор эскертилген болсо;

2) эгерде донор ар тараптуу медициналык текшерүүдөн өтсө жана анын органдарын жана (же) ткандарын трансплантациялоо үчүн алууга мүмкүн экендиги жөнүндө врач-адистердин консилиумунун корутундусу бар болсо.

2. Тирүү донордун органдарын алууга, эгерде ап реципиент менен генетикалык байланышта болсо, (жүлүндү алмаштыруу учурларын кошпогондо) жол берилет.

Ушул Мыйзамда генетикалык байланыш деп чоң атасынын, таятасынын жана чоң энесинин, таенесинин ата-энелерине чейин (ата-энеси, балдары, ата-энеси бир жана ата-энеси ар башка эркек жана кыз бир туугандары, чоң атасы жана таятасы, чоц энеси жана таенеси, чоң атасынын, таятасынын жана чоң энесинин, таенесинин ата-энелери, неберелери, чөбөрөлөрү, башка кандаш туугандары) жалпы ата-бабалары бар адамдардын Министрлер Кабинети тарабынан аныкталуучу тартипте тиешелүү документтердин негизинде ырасталган туугандык байланышы түшүнүлөт.

3. Тирүү донордон трансплантациялоо үчүн ал органдын жоктугу ден соолугунун кайра ордуна келгис бузулушуна алып келбей турган жуп органдарынын бири, органдын же ткандын бир бөлүгү алынышы мүмкүн.

---

Мурунку берене: [126-берене](https://aqlex.ai/kg/doc/230000918/st-126)  
Кийинки берене: [128-берене](https://aqlex.ai/kg/doc/230000918/st-128)