Кочкор-Ата шаардык кеңешинин «Кочкор-Ата шаар мэриясынын каржы-экономика бөлүмүнүн 6 ай ичинде аткарган иштери боюнча маалыматы жөнүндө» токтому

КОЧКОР-АТА ШААРДЫК КЕӉЕШИ ТОКТОМ 2015-жылдын 5-ноябры № 01-05/176 Кочкор-Ата шаар мэриясынын каржы-экономика бөлүмүнүн 6 ай ичинде аткарган иштери боюнча маалыматы жөнүндө Кочкор-Ата шаардык Кеңешинин XXVI чакырылышынын кезектеги XXVIII сессиясы, Кочкор-Ата шаардык мэриясынын каржы-экономика бөлүмүнүн башчысы Ж.Мамбеткулованын, 2015-жылга шаардык бюджеттин аткарылышы жөнүндө 6 ай ичинде аткарган иштери боюнча, 6 айдын киреше бөлүгү 50 980 000 ( элүү миллион тогуз жүз сексен миң)сомду, чыгаша бөлүгү 27 000 006 (жыйырма жети миллион алты) сомду түзүп, чыгаша бөлүгү 53 % га аткарылгандыгын угуп, Кыргыз Республикасынын «Кыргыз Республикасындагы бюджеттик укуктун негизги принциптери жөнүндө» мыйзамынын 52-беренесине жана Кыргыз Республикасынын «Жергиликтүү өз алдынча башкаруу жөнүндө» мыйзамынын 31-беренесине ылайык ТОКТОМ КЫЛАТ:

1. Кочкор-Ата шаардык мэриясынын каржы-экономика бөлүмүнүн башчысы Ж.Мамбеткулованын 2015-жылга шаардык бюджеттин аткарылышы жөнүндө 6 ай ичинде аткарган иштеринин жыйынтыгы боюнча берген маалыматы жактырылсын .

2. Кыргыз Республикасынын «Жергиликтүү өз алдынча башкаруу жөнүндө» мыйзамынын 44-беренесинин 2014-жылдын 21-ноябрындагы № 158 мыйзамынын редакциясын жетекчиликке алып, жарым жылда бир жолудан кем эмес шаардык Кеңешке отчёт берип туруусу Кочкор-Ата шаар мэриясынын каржы-экономика бөлүмүнүн башчысы Ж.Мамбеткуловага милдеттендирилсин.

3. Токтомдун аткарылышын көзөмөлдөөнү Кочкор-Ата шаардык Кеңешинин «Бюджет, каржы, экономика, салык жана инвестиция тартуу маселелери боюнча» туруктуу комиссиясына тапшырылсын.

Кочкор-Ата шаардык кеңешинин төрагасы

Б. Артыков