Балыкчы шаардык кеңешинин «Балыкчы шаарынын мэринин резервдик фондусу» жөнүндө жобосуна толуктоо жана өзгөртүүлөрдү киргизип бекитүү жөнүндө» токтому

БАЛЫКЧЫ ШААРДЫК КЕҢЕШИ ТОКТОМ БАЛЫКЧЫ ШААРДЫК КЕҢЕШИНИН

ХХVI ЧАКЫРЫЛЫШЫНЫН КЕЗЕКСИЗ XXV СЕССИЯСЫ

2014-жылдын 10-декабры № 7 “Балыкчы шаарынын мэринин резервдик фондусу” жөнүндө жобосуна толуктоо жана өзгөртүүлөрдү киргизип бекитүү жөнүндө Балыкчы шаардык Кеңешинин 26.02.2013 жылдагы IX сессиясы менен кабыл алынган “Балыкчы шаарынын мэринин резервдик фондусу” жөнүндө токтомуна өзгөртүү жана толуктоолорду киргизүү тууралуу Балыкчы шаардык прокуратурасынын 14.11.2014 жылдагы № 130 каршылык катынын (протестинин) негизинде “Балыкчы шаарынын мэринин резервдик фондусу” жөнүндө жобосун карап талкуулап өзгөртүү жана толуктоолору менен Балыкчы шаардык Кеңешинин сессиясы ТОКТОМ КЫЛАТ:

1. Балыкчы шаарынын мэринин резервдик фондусу жөнүндө жобосу бекитилсин. (№ 1 тиркеме 2 барак)

2. Кабыл алынган токтом “Балыкчы” шаардык газетасына жана “http://balykchycity.kg” сайтына жарыялансын.

3. Бул токтом Ысык-Көл областтык Адилет башкармалыгынан каттоодон өтүү жагы суралсын.

4. Мамлекеттик кайра каттоо жөнүндөгү чечимде, андагы көрсөтүлгөн маалыматтардын, ошондой эле каттоо үчүн тапшырылган иш кагаздардагы маалыматтардын анык экендигин жана мыйзамда белгиленген учурларда юридикалык жакты кайра каттоо маселелери тийиштүү мамлекеттик жана жергиликтүү өз алдынча башкаруу органдары менен макулдашкандыгын ырастайт.

5. Токтомдун аткарылышын көзөмөлгө алуу жагы Балыкчы шаарынын мэрине, Балыкчы шаардык каржы бөлүмүнүн башчысына тапшырылсын.

Кеңештин тѳрагасы:

А. Смадияров

Балыкчы шаардык Кеңешинин ХХVI чакырылышынын XXV сессиясынын №7 токтомунун 1- тиркемеси

Балыкчы шаарынын мэринин резервдик фонду жөнүндө

ЖОБО

1. Жалпы жоболор.

2. Резервдик фонддун акча каражаттарын пайдалануунун тартиби.

3. Кредиттерди тескөөчүнүн жоопкерчилиги жана резервдик фонддун каражаттары боюнча отчёт түзүүнүн жана берүүнүн тартиби

1. Жалпы жоболор.

1. Балыкчы шаарынын мэринин резервдик фонду (мындан ары – резервдик фонд ) боюнча чыгымдар жыл сайын шаардын бюджетинде каралат.

2. Балыкчы шаарынын мэринин резервдик фонду Кыргыз Республикасынын Бюджеттик укуктук негизги принциптери жөнүндө мыйзамынын 21-статьясынын негизинде алынат.

2.Резервдик фонддун акча каражаттарын

пайдалануунун тартиби.

3. Резервдик фонддон бөлүнгөн бюджеттик каражаттар Балыкчы шаарынын мэринин буйругуна ылайык ушул жободо каралган максаттарга пайдаланууга тийиш.

4. Балыкчы шаарынын мэри резервдик фонддун каражаттарын тескөөчүсү болуп саналат.

5. Республикалык бюджетте турган мекемелер, ошондой эле жергиликтүү бюджеттерден каржылануучу мекемелер да резервдик фонддун каражаттарын алуучулар болушу мүмкүн.

6. Резервдик фонд шаарда жүргүзүлүүчү жергиликтүү бюджетин түзүүдө жана бекитүүдө эсепке алынбаган экономикалык, социалдык-маданий жана башка иш чаралар боюнча болжолдонбогон чыгашаларды жабуу үчүн түзүлөт жана төмөнкү максаттарга пайдаланылат:

- белгиленген майрам күндөргө расмий иш-чараларды өткөрүүгө;

- Балыкчы шаарындагы Улуу Ата мекендик согуштун ардагерлерине жана катышуучуларына, эмгек ардагерлерине, ден соолугунун мүмкүнчүлүктөрү чектелген адамдарга, ВИЧ, СПИДке чалдыккан адамдарга жана калктын жакыр катмарларына бир жолку материалдык жардам көрсөтүүгө;

- шаардын аймагында жайгашкан социалдык маданий жана административдик объектилерди курууга, оңдоого жана материалдык-техникалык базасын жана инфраструктурасын жакшыртууга жарым жартылай финансылык колдоо көрсөтүүгө;

- кесиптик майрамдарга байланыштуу эмгек сиңирген кызматкерлерди сыйлоого жана шаардагы мекемелердин профессионалдык майрамдарына мүмкүнчүлүккө жараша бөлүп берүүгө;

- табигый кырсыктардын жана өзгөчө кырдаалдардын кесепеттерин алдын алуу жана жоюу боюнча маселелерди ыкчам чечүүгө;

- шаардын калкынын жакыр катмарына финансылык жардам көрсөтүү үчүн кайрымдуулук марафондорун өткөрүүгө;

- спорттук иш-чаралардын катышуучуларына, ошондой эле илимдин жана маданияттын ишмерлерине финансылык колдоо көрсөтүүгө.

7. Резервдик фонддун каражаттарын төмөнкүлөргө пайдаланууга тыюу салынат:

- коммерциялык максаттарга же пайда алып келүүчү иштерге;

- өкмөттүк эмес уюмдарды күтүүгө жана ишин камсыз кылууга;

- бюджеттик мекемелердин кызматкерлеринин эмгек акысынын өлчөмүн көбөйтүүгө;

- шаарда өткөрүлүүчү мааракелерди, тойлорду жана башка оюн-зоок иш-чараларды уюштурууга.

3.Кредиттерди тескөөчүнүн жоопкерчилиги жана резервдик фонддун каражаттары боюнча отчёт түзүүнүн жана берүүнүн тартиби.

8. Каражатты тескөөчү жана каражаттарды алуучулар Кыргыз Республикасынын мыйзамдарына ылайык резервдик фонддун каражаттарын сактоого, максаттуу жана натыйжалуу пайдаланууга жеке жоопкерчилик тартат.

9. Резервдик фонддун акча каражаттарын эсепке алуу каражаттарды башкы тескөөчүнүн жана алуучунун өзүнчө казыналык эсеп- чотторуна (бюджеттик каражаттар боюнча негизги сметадан өзүнчө) жүргүзүлөт.

10. Кыргыз Республикасынын өкмөтүнүн 2011-жылдын 16-майындагы №224 “Бюджеттик мекемелерде бухгалтердик эсепти уюштуруу боюнча жобону бекитүү жөнүндө” токтомуна ылайык резервдик фонддун каражаттарын алуучулар ай сайын жергиликтүү бюджетте турган мекемелердин чыгаша сметаларын аткаруу тууралу жыйынтыктоочу отчётту тескөөчүгө берет.

11. Кыргыз Республикасынын өкмөтүнүн 2011-жылдын 16-майындагы №224 “Бюджеттик мекемелерде бухгалтердик эсепти уюштуруу боюнча жобону бекитүү жөнүндө” токтомуна ылайык каражаттарды тескөөчү бюджеттик каражаттардын чыгашалар сметасын аткаруу тууралуу жыйынтыктоочу отчёт түзүшөт жана шаардын Финансы бөлүмүнө беришет.

Балыкчы шаарынын мэринин милдетин аткаруучу

К. Мусаев