Кыргыз Республикасынын Президентинин Администрациясынын Жетекчисинин (Кыргыз Республикасынын Президентинин Администрациясынын түзүмдүк бөлүмдөрү жөнүндө жоболорду бекитүү тууралуу) тескемеси

КЫРГЫЗ РЕСПУБЛИКАСЫНЫН ПРЕЗИДЕНТИНИН АДМИНИСТРАЦИЯСЫНЫН ЖЕТЕКЧИСИНИН ТЕСКЕМЕСИ 2023-жылдын 31-марты № 116

(Кыргыз Республикасынын Президентинин Администрациясынын Жетекчисинин 2024-жылдын 24-январындагы № 26, 2024-жылдын 19-декабрындагы № 225 тескемелеринин редакцияларына ылайык)

Кыргыз Республикасынын Президентинин 2021-жылдын 7-майындагы № 134 "Кыргыз Республикасынын Президентинин Администрациясы жөнүндө" Жарлыгы менен бекитилген Кыргыз Республикасынын Президентинин Администрациясы жөнүндө жобонун 27-пунктуна ылайык:

1. Төмөнкүлөр бекитилсин:

1) Кыргыз Республикасынын Президентинин Администрациясынын түзүмдүк бөлүмдөрүнүн жалпы милдеттери, функциялары жана ыйгарым укуктары жөнүндө жобо 1-тиркемеге ылайык;

2) Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгы жөнүндө жобо 2-тиркемеге ылайык;

3) Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгы жөнүндө жобо 3-тиркемеге ылайык;

4) Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгы жөнүндө жобо 4-тиркемеге ылайык;

5) Кыргыз Республикасынын Президентинин Администрациясынын саясий жана экономикалык изилдөөлөр башкармалыгы жөнүндө жобо 5-тиркемеге ылайык;

6) Кыргыз Республикасынын Президентинин Администрациясынын маалыматтык саясат кызматы жөнүндө жобо 6-тиркемеге ылайык;

7) Кыргыз Республикасынын Президентинин Администрациясынын тышкы саясат бөлүмү жөнүндө жобо 7-тиркемеге ылайык;

8) (КР Президентинин Администрациясынын Жетекчисинин 2024-жылдын 24-январындагы № 26 тескемесине ылайык күчүн жоготту)

9) Кыргыз Республикасынын Президентинин Администрациясынын сот жана прокуратура органдары менен өз ара аракеттенүү бөлүмү жөнүндө жобо 9-тиркемеге ылайык;

10) Кыргыз Республикасынын Президентинин Администрациясынын Министрлер Кабинетинин чек ара маселелери боюнча атайын өкүлчүлүгү жөнүндө жобо 10-тиркемеге ылайык;

11) Кыргыз Республикасынын Президентине караштуу Жарандык маселелери боюнча комиссиянын катчылыгы жөнүндө жобо 11-тиркемеге ылайык;

12) Кыргыз Республикасынын Президентине караштуу Ырайым кылуу маселелери боюнча комиссиянын катчылыгы жөнүндө жобо 12-тиркемеге ылайык;

13) Кыргыз Республикасынын Президентинин Администрациясынын канцеляриясы жөнүндө жобо 13-тиркемеге ылайык;

14) Кыргыз Республикасынын Президентинин басма сөз-катчысы жөнүндө жобо 14-тиркемеге ылайык.

15) Кыргыз Республикасынын Президентинин Администрациясынын протокол кызматы жөнүндө жобо 15-тиркемеге ылайык.

(Кыргыз Республикасынын Президентинин Администрациясынын Жетекчисинин 2024-жылдын 24-январындагы № 26, 2024-жылдын 19-декабрындагы № 225 тескемелеринин редакцияларына ылайык)

2. Кыргыз Республикасынын Президентинин Администрациясынын түзүмдүк бөлүмдөрү ушул тескеме менен бекитилген жоболорду жетекчиликке алып, өзүнүн ишин өз ара аракеттенүү менен жүзөгө ашырсын.

3. Төмөнкүлөр күчүн жоготту деп таанылсын:

1) Кыргыз Республикасынын Президентинин Администрациясынын Жетекчисинин 2022-жылдын 14-мартындагы № 50 тескемеси;

2) Кыргыз Республикасынын Президентинин Администрациясынын Жетекчисинин 2022-жылдын 28-июлундагы № 184 тескемеси;

3) Кыргыз Республикасынын Президентинин Администрациясынын Жетекчисинин 2022-жылдын 23-декабрындагы № 261 тескемеси.

Кыргыз Республикасынын Президентинин Администрациясынын Жетекчиси

А.У. Жапаров