# Кыргыз Республикасынын Министрлер Кабинетинин 2022-жылдын 21-ноябрындагы № 635-т (Кыргыз Республикасынын Министрлер Кабинетинин 2022-жылдын 18-февралындагы № 77-т тескемесине өзгөртүүлөрдү киргизүү тууралуу) тескемеси - Толук аталышы: Кыргыз Республикасынын Министрлер Кабинетинин 2022-жылдын 21-ноябрындагы № 635-т (Кыргыз Республикасынын Министрлер Кабинетинин 2022-жылдын 18-февралындагы № 77-т тескемесине өзгөртүүлөрдү киргизүү тууралуу) тескемеси - Актынын түрү: Распоряжение - Номери: 635-р - Кабыл алынган күнү: 21.11.2022 - Статусу: Күчүндө - Редакциянын күнү: 21.11.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 21.11.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Министрлер Кабинетинин 2022-жылдын 21-ноябрындагы № 635-т (Кыргыз Республикасынын Министрлер Кабинетинин 2022-жылдын 18-февралындагы № 77-т тескемесине өзгөртүүлөрдү киргизүү тууралуу) тескемеси (21.11.2022 редакциясы) - https://aqlex.ai/kg/doc/219396 --- КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ 2022-жылдын 21-ноябры № 635-т Өлкөнүн азык-түлүк коопсуздугун камсыз кылуу, 2022-жылы талаа иштерин жүргүзүү мезгилинде айыл чарба товар өндүрүүчүлөрүн жеткиликтүү баадагы минералдык жер семирткичтер менен өз убагында камсыз кылуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык: Кыргыз Республикасынын Министрлер Кабинетинин 2022-жылдын 18-февралындагы № 77-т тескемесине төмөнкүдөй өзгөртүүлөр киргизилсин: - 1-пунктта: бешинчи абзацы төмөнкүдөй редакцияда баяндалсын: "- 2022-жылдын 25-декабрына чейин минералдык жер семирткичтерди ушул тескеменин 2-пунктуна ылайык аныкталган баа боюнча сатсын;"; жетинчи абзацындагы "2022-жылдын 1-июлуна чейин" деген сөздөр "2022-жылдын 31-декабрына чейин" деген сөздөр менен алмаштырылсын; төмөнкүдөй мазмундагы сегизинчи, тогузунчу абзацтар менен толукталсын: "- ушул тескеменин 2-1-пунктунда көрсөтүлгөн чыгымдар пайда болгон учурда чыгымдардын жалпы суммасын эсептеп чыгарсын; - Өзбекстан Республикасынын "Узкимёимпэкс" жоопкерчилиги чектелген коому менен 6 565 051 (алты миллион беш жүз алтымыш беш миң элүү бир) АКШ доллары суммасындагы акча каражаттарынын калдыгын андан ары республикалык бюджетке кайтаруу менен кайтарып алуу боюнча ишти жүргүзсүн."; - 2-пункту төмөнкүдөй редакцияда баяндалсын: "2. Кыргыз Республикасынын Экономика жана коммерция министрлигине караштуу Монополияга каршы жөнгө салуу кызматы бааларга мониторинг жүргүзсүн жана республика боюнча минералдык жер семирткичтерге минималдуу дүң рыноктук бааларды аныктасын."; - төмөнкүдөй мазмундагы 21-пункт менен толукталсын: "21. Кыргыз Республикасынын Финансы министрлиги жана Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фонду минералдык жер семирткичтерди сатууда курстук айырмадан жана рыноктун конъюнктурасы өзгөргөндүгүнө байланыштуу баалардын айырмасынан келип чыгуучу мүмкүн болгон чыгымдарды, ошондой эле кайтарылган акча каражаттарынын курстук айырмасын эске алышсын.". Кыргыз Республикасынын Министрлер Кабинетинин Төрагасы А.У.Жапаров