# Кыргыз Республикасынын Президенти 2022-жылдын 7-декабрындагы ПТ №230 ("Жалпыга маалымдоо каражаттары жөнүндө" Кыргыз Республикасынын Мыйзамынын долбоорун жеткире иштеп чыгуу боюнча жумушчу топтун курамын түзүү тууралуу) тескемеси

- Толук аталышы: Кыргыз Республикасынын Президенти 2022-жылдын 7-декабрындагы ПТ №230 ("Жалпыга маалымдоо каражаттары жөнүндө" Кыргыз Республикасынын Мыйзамынын долбоорун жеткире иштеп чыгуу боюнча жумушчу топтун курамын түзүү тууралуу) тескемеси
- Актынын түрү: Распоряжение
- Номери: 230
- Кабыл алынган күнү: 07.12.2022
- Статусу: Күчүндө
- Редакциянын күнү: 03.03.2023
- Тексттин тили: кыргыз тили
- aqlex'теги барагы: <https://aqlex.ai/kg/doc/219364>
- Расмий булак: <https://cbd.minjust.gov.kg/57-18669/edition/1231937/ru>
- Башка тилдеги тексти (Markdown): <https://aqlex.ai/doc/219364.md>

> Текст расмий булактын маалыматы боюнча 03.03.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Президенти 2022-жылдын 7-декабрындагы ПТ №230 ("Жалпыга маалымдоо каражаттары жөнүндө" Кыргыз Республикасынын Мыйзамынын долбоорун жеткире иштеп чыгуу боюнча жумушчу топтун курамын түзүү тууралуу) тескемеси (03.03.2023 редакциясы) - https://aqlex.ai/kg/doc/219364

---

КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ (КР Президентинин 2023-жылдын 3-мартындагы ПТ № 34 тескемесинин редакциясына ылайык)

2022-жылдын 7-декабры ПТ № 230 Кыргыз Республикасынын Конституциясынын 66, 71-беренелерин жетекчиликке алып:

1. "Жалпыга маалымдоо каражаттары жөнүндө" Кыргыз Республикасынын Мыйзамынын долбоорун жеткире иштеп чыгуу боюнча жумушчу топ (мындан ары - жумушчу топ) тиркемеге ылайык курамда түзүлсүн.

2. Жумушчу топ 2023-жылдын 15-майына чейин:

- "Жалпыга маалымдоо каражаттары жөнүндө" Кыргыз Республикасынын Мыйзамынын долбоорун жеткире иштеп чыксын;

- "Жалпыга маалымдоо каражаттары жөнүндө" Кыргыз Республикасынын Мыйзамынын жеткире иштелип чыккан долбоорун коомдук талкуулоого чыгарсын.

(КР Президентинин 2023-жылдын 3-мартындагы ПТ № 34 тескемесинин редакциясына ылайык)

3. Жумушчу топко белгиленген тартипте төмөнкүлөргө укук берилсин:

- мамлекеттик органдардын жана уюмдардын адистерин ишке тартууга;

- материалдарды суроого жана коюлган милдеттерди аткаруу үчүн мамлекеттик органдардан жардам алууга.

4. Жумушчу топтун ишин уюштуруучулук камсыздоо Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгынын Президенттин жана Министрлер Кабинетинин укуктук жактан камсыз кылуу бөлүмүнө жүктөлсүн.

5. Бул тескеменин аткарылышын контролдоону өзүмө калтырам.

Кыргыз Республикасынын Президенти

С.Жапаров

Тиркеме

"Жалпыга маалымдоо каражаттары жөнүндө" Кыргыз Республикасынын Мыйзамынын долбоорун жеткире иштеп чыгуу боюнча жумушчу топтун курамы

Укушов Мурат Каниметович

\-

Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгынын начальниги, жумушчу топтун жетекчиси;

Айылчиев Алмаз Асимович

\-

Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгынын начальнигинин орун басары - Президенттин жана Министрлер Кабинетинин укуктук жактан камсыз кылуу бөлүмүнүн башчысы, жумушчу топтун жетекчисинин орун басары;

Туратбек уулу Акылбек

\-

Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгынын Президенттин жана Министрлер Кабинетинин укуктук жактан камсыз кылуу бөлүмүнүн эксперти;

Караман Сыягул Абдимуталиповна

\-

Кыргыз Республикасынын Президентинин Администрациясынын маалыматтык саясат кызматынын эксперти;

Сарногоева Салкын Сатаровна

\-

Кыргыз Республикасынын Маданият, маалымат, спорт жана жаштар саясаты министрлигинин маалыматтык саясат башкармалыгынын начальниги;

Мамытканов Шеримкул Замирбекович

\-

Кыргыз Республикасынын Юстиция министрлигинин социалдык маселелер, мамлекеттик башкаруу, укук коргоо жана сот системасы чөйрөсүндөгү мыйзамдар башкармалыгынын административдик-мамлекеттик жана сот-укук коргоо системасы чөйрөсүндөгү мыйзамдар бөлүмүнүн башкы адиси;

Карыпкулов Семетей Чолпонбаевич

\-

"Bulak.kg" маалыматтык агенттигинин өкүлү;

Дуйшенбеков Нурдин Ракымбаевич

\-

"Журналисттер" коомдук бирикмесинин өкүлү;

Ниязова Махинур Маликовна

\-

"24.kg" маалыматтык агенттигинин өкүлү;

Алагушев Ахмат Кыргызбаевич

\-

"Институт медиа полиси" коомдук фондунун өкүлү;

Азыкова Жылдыз Медетбековна

\-

"Адилет" Укуктук Клиникасы" коомдук фондунун өкүлү;

Жаныбеков Эдиль Алмазбекович

\-

"Адилет" Укуктук Клиникасы" коомдук фондунун өкүлү;

Маслова Дина Улановна

\-

"Кактус медиа" маалыматтык агенттигинин өкүлү;

Орозбай кызы Кайыргул

\-

"Govori.tv" маалыматтык агенттигинин өкүлү;

Алимова Дилбархан Ташбаевна

\-

"Полит клиника" медиасынын өкүлү;

Темирчиева Гладис Болотбековна

\-

"Vesti.kg" маалыматтык агенттигинин өкүлү;

Оторбаев Кубат Табылдиевич

\-

"Азаттык" маалыматтык агенттигинин өкүлү;

Мусаева Нуржан Асангалиевна

\-

"Медиа өнүгүү борбору" коомдук фондунун өкүлү;

Ложников Дмитрий Валерьевич

\-

"Апрель редакциясы" онлайн медиасынын өкүлү;

Сыдыков Нурбек Кудайбердиевич

\-

"Институт медиа полиси" коомдук фондунун өкүлү;

Валиева Толобубу Бектурсуновна

\-

"Кыргызстандын медиа аракеттер платформасы" медиасынын өкүлү.