# Кыргыз Республикасынын Министрлер Кабинетинин 2022-жылдын 24-ноябрындагы № 645-т "Маалыматтарды иштеп чыгуу мамлекеттик борборун долбоорлоо жана куруу боюнча иш-чаралар тууралуу" тескемеси

- Толук аталышы: Кыргыз Республикасынын Министрлер Кабинетинин 2022-жылдын 24-ноябрындагы № 645-т "Маалыматтарды иштеп чыгуу мамлекеттик борборун долбоорлоо жана куруу боюнча иш-чаралар тууралуу" тескемеси
- Актынын түрү: Распоряжение
- Номери: 645-р
- Кабыл алынган күнү: 24.11.2022
- Статусу: Күчүндө
- Редакциянын күнү: 24.11.2022
- Тексттин тили: кыргыз тили
- aqlex'теги барагы: <https://aqlex.ai/kg/doc/219313>
- Расмий булак: <https://cbd.minjust.gov.kg/57-18635/edition/1199303/ru>
- Башка тилдеги тексти (Markdown): <https://aqlex.ai/doc/219313.md>

> Текст расмий булактын маалыматы боюнча 24.11.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Министрлер Кабинетинин 2022-жылдын 24-ноябрындагы № 645-т "Маалыматтарды иштеп чыгуу мамлекеттик борборун долбоорлоо жана куруу боюнча иш-чаралар тууралуу" тескемеси (24.11.2022 редакциясы) - https://aqlex.ai/kg/doc/219313

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ ТЕСКЕМЕ 2022-жылдын 24-ноябры № 645-т

Кыргыз Республикасынын Президентинин 2018-жылдын 31-октябрындагы № 221 Жарлыгы менен бекитилген 2018-2040-жылдары Кыргыз Республикасын өнүктүрүүнүн улуттук стратегиясын, ошондой эле Кыргыз Республикасынын Министрлер Кабинетинин 2022-жылдын 12-январындагы № 2-т тескемеси менен бекитилген 2022-2023-жылдарга Кыргыз Республикасында башкарууну санариптештирүү жана санариптик инфратүзүмдү өнүктүрүү боюнча иш-чаралар планынын 31-пунктун ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерин жетекчиликке алып:

1. Кыргыз Республикасынын Санариптик өнүктүрүү министрлиги Маалыматтарды иштеп чыгуу мамлекеттик борборун долбоорлоо жана куруу боюнча иш-чараларды баштасын.

2. Кыргыз Республикасынын Финансы министрлиги белгиленген тартипте "Кыргыз Республикасынын 2023-жылга республикалык бюджети жана 2024-2025-жылдарга пландык мезгили жөнүндө" Кыргыз Республикасынын Мыйзамынын долбоорунда "Санариптик экономика" мамлекеттик программасын ишке ашыруу үчүн каралган каражаттардын эсебинен Маалыматтарды иштеп чыгуу мамлекеттик борборун долбоорлоо жана куруу үчүн каражат карасын.

Кыргыз Республикасынын Министрлер Кабинетинин Төрагасы

А.У.Жапаров