КР Министрлер Кабинетинин (Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо үчүн атайын эсептин каражаттарын пайдалануунун тартиби жөнүндө убактылуу жобону бекитүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ 2022-жылдын 27-апрели № 228-т 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо үчүн атайын эсептин каражаттарын пайдалануунун тартиби жөнүндө убактылуу жобо тиркемеге ылайык бекитилсин.

2. Бул тескеменин 1-пункту менен бекитилген 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо үчүн атайын эсептин каражаттарын пайдалануунун тартиби жөнүндө убактылуу жобо 2022-жылдын 1-январынан тартып 31-декабрына чейин колдонулат деп белгиленсин.

3. Кыргыз Республикасынын Министрлер Кабинетинин 2021-жылдын 8-июлундагы № 87-т тескемеси күчүн жоготту деп таанылсын.

Кыргыз Республикасынын Министрлер Кабинетинин Төрагасы

А.У. Жапаров

2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо үчүн атайын эсептин каражаттарын пайдалануунун тартиби жөнүндө УБАКТЫЛУУ ЖОБО

1. Ушул Убактылуу жобо 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо үчүн атайын эсептин каражаттарын пайдалануу тартибин жана шарттарын аныктайт.

2. Атайын эсептин каражаттары максаттуу мүнөзгө ээ, 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен келтирилген зыянды калыбына келтирүү жана жабыр тарткан жарандарга жардам көрсөтүү боюнча иш-чараларды каржылоо үчүн гана арналган жана төмөнкүлөргө багытталат:

1) 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен жабыр тарткан жарандарды диспансерлештирүүгө, дарылоого жана реабилитациялоого (санатордук-курорттук дарылоо);

2) жабыр тарткан жарандардын балдарын балдар лагерлерине, санаторийлерге жана пансионаттарга жиберүү аркылуу реабилитациялоону уюштурууга;

3) 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен талкаланган социалдык-маданий жана тиричилик багытындагы, билим берүү, саламаттык сактоо, өнөр жай-жарандык жана инженердик инфратүзүм, ичүүчү суу менен камсыздоо, ирригация, саркынды сууларды чыгаруу объектилерин жана турак үйлөрдү курууга, реконструкциялоого жана капиталдык оңдоого;

4) 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен курман болгондордун үй-бүлө мүчөлөрү жана жабыр тарткандар үчүн социалдык объекттерди, инженердик курулмаларды, тосмолорду жана турак үйлөрдү (фундаменттерди, дубалдарды, чатырларды орнотуу ж.б.) курууну кошо каржылоого;

5) 2021-жылдын 28-30-апрелинде Кыргыз Республикасынын Баткен облусундагы мамлекеттик чек аранын кыргыз-тажик участогунда болгон окуялардын кесепетинен жабыр тарткан жарандарга келтирилген зыянды калыбына келтирүүгө жана жардам көрсөтүүгө багытталган башка иш-чараларды каржылоого.

3. Атайын эсептин каражаттарын ушул Убактылуу жободо каралбаган башка максаттарга пайдаланууга жол берилбейт.

4. Бул Убактылуу жобонун 2-пунктунда көрсөтүлгөн иш-чаралар боюнча атайын эсептин каражаттарын пайдалануу Кыргыз Республикасынын Президентинин 2021-жылдын 4-майындагы № 113 Жарлыгы менен түзүлгөн 2021-жылдын 28-30-апрелинде Баткен облусундагы мамлекеттик чек аранын кыргыз-тажик участогунда болгон окуялардын кесепетинен жабыр тарткан Баткен облусунун чек арадагы айылдарын калыбына келтирүү жана өнүктүрүү боюнча мамлекеттик комиссиянын (мындан ары - Комиссия) чечиминин негизинде жүргүзүлөт.

5. Кыргыз Республикасынын Президентинин Кыргыз Республикасынын Баткен облусундагы ыйгарым укуктуу өкүлү ушул Убактылуу жобонун 2-пунктунда көрсөтүлгөн иш-чараларды каржылоону Комиссия кабыл алган чечимдердин негизинде жүзөгө ашырат.

Социалдык объекттерди, инженердик курулмаларды, тосмолорду жана турак үйлөрдү курууну кошо каржылоодо атайын эсептин каражаттарын пайдалануу тартиби

6. Кыргыз Республикасынын Президентинин Кыргыз Республикасынын Баткен облусундагы ыйгарым укуктуу өкүлү 2021-жылдын 28-30-апрелинде Баткен облусундагы мамлекеттик чек аранын кыргыз-тажик участогунда болгон окуялардын кесепетинен курман болгондордун үй-бүлө мүчөлөрүнө жана жабыр тарткандарга социалдык объекттерди, инженердик курулмаларды, тосмолорду, турак үйлөрдү курууну кошо каржылоо үчүн атайын эсептен каражаттарды которот.

7. Кошо каржылоо транштар менен жүргүзүлөт. Курулушту кошо каржылоо үчүн транштарды төлөө суммасы жана мезгилдүүлүгү Комиссия тарабынан аныкталат. Мында биринчи траншта которулган каражаттар максатсыз пайдаланылган учурда экинчи транш боюнча сумма которулбайт.

8. Кыргыз Республикасынын Президентинин Кыргыз Республикасынын Баткен облусундагы ыйгарым укуктуу өкүлү:

1) атайын эсептеги акча каражаттарынын кыймылын эсепке алат, атайын эсептин каражаттарын пайдалануу жөнүндө отчет түзөт жана аны белгиленген тартипте Кыргыз Республикасынын Финансы министрлигине берет;

2) атайын эсептин каражаттарынын сакталышына, максаттуу жана натыйжалуу пайдаланылышына Кыргыз Республикасынын мыйзамдарына ылайык жоопкерчилик тартат;

3) Комиссиянын жана Кыргыз Республикасынын Министрлер Кабинетинин талабы боюнча атайын эсептин каражаттарынын пайдаланылышы жөнүндө отчет берет.