# Распоряжение Кабинета Министров КР от 24 февраля 2022 года № 85-р ("О переводе некоторых автомобильных дорог из категории муниципальных дорог в категорию автомобильных дорог общего пользования) - Актынын түрү: Распоряжение - Номери: 85-р - Кабыл алынган күнү: 24.02.2022 - Статусу: Күчүндө - Редакциянын күнү: 24.02.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.02.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Распоряжение Кабинета Министров КР от 24 февраля 2022 года № 85-р ("О переводе некоторых автомобильных дорог из категории муниципальных дорог в категорию автомобильных дорог общего пользования) (24.02.2022 редакциясы) - https://aqlex.ai/kg/doc/218895 --- КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТӨРАГАСЫ БУЙРУК 2022-жылдын 24-майы № 85-р Ысык-Көл облусунун Ак-Суу районунун Челпек айылдык кеңешинин 2021-жылдын 9-декабрындагы № 32 токтомун, Ысык-Көл облусунун Ак-Суу районунун Челпек айыл өкмөтүнүн 2021-жылдын 9-декабрындагы № 77 токтомун көңүлгө алып, "Автомобиль жолдору жөнүндө" Кыргыз Республикасынын Мыйзамынын 10, 11-статьяларына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык: 1. Ысык-Көл облусунун Ак-Суу районунун Челпек айыл аймагынын Бурма-Суу, Челпек, Таш-Кыя айылдарында жайгашкан, жалпы узундугу 7,0 км болгон автомобиль жолдору муниципалдык жолдор категориясынан жалпы пайдалануудагы автомобиль жолдору категориясына которулсун, алардын ичинен: - узундугу 2,2 км болгон Асан Давлетов көчөсү; - узундугу 1,9 км болгон Асан Булатов көчөсү; - узундугу 2,9 км болгон Шарип Эгембердиев көчөсү. 2. Кыргыз Республикасынын Транспорт жана коммуникациялар министрлиги белгиленген тартипте: - ушул тескеменин 1-пунктунда көрсөтүлгөн автомобиль жолдорун оперативдүү башкарууга кабыл алсын; - аталган автомобиль жолдорун мындан ары оңдоону жана күтүүнү республикалык бюджетте 2022-жылга жана кийинки жылдарга Кыргыз Республикасынын Транспорт жана коммуникациялар министрлигине каралган каражаттардын чегинде камсыз кылсын; - бул тескемеден келип чыгуучу башка чараларды көрсүн. 3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн. Төрага А. У. Жапаров