КР Министрлер Кабинетинин (Фискалдык жана инвестициялык саясат боюнча Кыргыз Республикасынын Министрлер Кабинетинин кеңешин түзүү жөнүндө) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2022-жылдын 15-февралы № 60-т Кыргыз Республикасынын Бюджеттик кодексинин 83-беренесин ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетинин Фискалдык жана инвестициялык саясат боюнча кеңеши 1-тиркемеге ылайык курамда түзүлсүн.

2. Кыргыз Республикасынын Министрлер Кабинетинин Фискалдык жана инвестициялык саясат боюнча кеңеши жөнүндө жобо 2-тиркемеге ылайык бекитилсин.

3. Мамлекеттик инвестициялардын долбоорлорун кароодо Кыргыз Республикасынын Министрлер Кабинетинин Фискалдык жана инвестициялык саясат боюнча кеңешинин ишинин регламенти 3-тиркемеге ылайык бекитилсин.

4. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 2017-жылдын 25-майындагы № 184-б буйругу;

- Кыргыз Республикасынын Өкмөтүнүн 2018-жылдын 26-февралындагы № 63-б буйругу;

- Кыргыз Республикасынын Өкмөтүнүн 2019-жылдын 5-июлундагы № 250-б буйругу.

Кыргыз Республикасынын Министрлер Кабинетинин Төрагасы

А.У. Жапаров

1-тиркеме

Кыргыз Республикасынын Министрлер Кабинетинин Фискалдык жана инвестициялык саясат боюнча кеңешинин КУРАМЫ Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчиси, Кеңештин төрагасы; Кыргыз Республикасынын Министрлер Кабинетинин Төрагасынын биринчи орун басары, Кеңештин төрагасынын орун басары; Кыргыз Республикасынын Министрлер Кабинетинин Төрагасынын социалдык блоктун маселелерин тейлөөчү орун басары, Кеңештин төрагасынын орун басары; Кыргыз Республикасынын Министрлер Кабинетинин Төрагасынын транспорт, агрардык саясат, суу ресурстары маселелерин тейлөөчү орун басары, Кеңештин төрагасынын орун басары; Кыргыз Республикасынын Министрлер Кабинетинин Төрагасынын коргоо, коопсуздук маселелерин, чек ара маселелерин тейлөөчү орун басары, Кеңештин төрагасынын орун басары; Кыргыз Республикасынын финансы министри, Кеңештин төрагасынын орун басары; Кыргыз Республикасынын экономика жана коммерция министри, Кеңештин төрагасынын орун басары. Кеңештин мүчөлөрү: Кыргыз Республикасынын Президентинин Администрациясынын саясий жана экономикалык изилдөөлөр башкармалыгынын начальниги; Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгынын начальниги; Кыргыз Республикасынын тышкы иштер министри; Кыргыз Республикасынын Улуттук банкынын төрагасы (макулдашуу боюнча); Кыргыз Республикасынын Улуттук статистика комитетинин төрагасы (макулдашуу боюнча); Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитетинин өкүлү (макулдашуу боюнча); Кыргыз Республикасынын Судьялар кеңешинин өкүлү (макулдашуу боюнча); Кыргыз Республикасынын жергиликтүү өз алдынча башкаруулар бирлигинин өкүлү (макулдашуу боюнча).