# КР Президентинин Администрациясынын жетекчисинин 2021-жылдын 26-октябрындагы № 571 (Кыргыз Республикасынын Президентинин Администрациясында документтер менен иштөөнүн регламенти бекитүү тууралуу) тескемеси

- Толук аталышы: КР Президентинин Администрациясынын жетекчисинин 2021-жылдын 26-октябрындагы № 571 (Кыргыз Республикасынын Президентинин Администрациясында документтер менен иштөөнүн регламенти бекитүү тууралуу) тескемеси
- Актынын түрү: Распоряжение
- Номери: 571
- Кабыл алынган күнү: 26.10.2021
- Статусу: Күчүндө
- Редакциянын күнү: 30.05.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/218702>
- Расмий булак: <https://cbd.minjust.gov.kg/218702/edition/1100258/ru>
- Башка тилдеги тексти (Markdown): <https://aqlex.ai/doc/218702.md>

> Текст расмий булактын маалыматы боюнча 30.05.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Президентинин Администрациясынын жетекчисинин 2021-жылдын 26-октябрындагы № 571 (Кыргыз Республикасынын Президентинин Администрациясында документтер менен иштөөнүн регламенти бекитүү тууралуу) тескемеси (30.05.2025 редакциясы) - https://aqlex.ai/kg/doc/218702

---

КЫРГЫЗ РЕСПУБЛИКАСЫНЫН ПРЕЗИДЕНТИНИН АДМИНИСТРАЦИЯСЫНЫН ЖЕТЕКЧЕСИ ТЕСКЕМЕ

2021-жылдын 26-октябры № 571

(КР Президентинин Администрациясынын Жетекчисинин 2025-жылдын 30-майындагы N 116 тескемесинин редакциясына ылайык)

Кыргыз Республикасынын Президентинин Администрациясында документтер менен иштөөнү уюштуруунун натыйжалуулугун жогорулатуу максатында, Кыргыз Республикасынын Президентинин 2021-жылдын 7-майындагы № 134 "Кыргыз Республикасынын Президентинин Администрациясы жөнүндө" Жарлыгы менен бекитилген Кыргыз Республикасынын Президентинин Администрациясы жөнүндө жобонун 27-пунктуна ылайык:

1. Кыргыз Республикасынын Президентинин Администрациясында документтер менен иштөөнүн регламенти тиркемеге ылайык бекитилсин.

1-1. Кыргыз Республикасынын Президентинин, Кыргыз Республикасынын Министрлер Кабинетинин, Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчисинин жана Кыргыз Республикасынын Президентинин Администрациясынын Жетекчисинин орун басарынын актыларынын долбоорлору кирүүгө чектөө грифи бар ("КПҮ", "Жашыруун" ж.б.) актылардын долбоорлорун кошпогондо, ушул тескеменин 1-пунктунда бекитилген Регламентте белгиленген талаптарга ылайык электрондук документ жүгүртүү системасы аркылуу Кыргыз Республикасынын Президентинин Администрациясына электрондук форматта киргизилет жана кабыл алынат деп белгиленсин. (КР Президентинин Администрациясынын Жетекчисинин 2025-жылдын 30-майындагы N 116 тескемесинин редакциясына ылайык)

2. Кыргыз Республикасынын Президентинин Администрациясынын кызматкерлери ушул Регламентти жетекчиликке жана кынтыксыз аткарууга алсын.

3. Төмөнкүлөр күчүн жоготту деп таанылсын:

- Кыргыз Республикасынын Президентинин Аппаратынын Жетекчисинин 2017-жылдын 29-июнундагы № 194 буйругу;

- Кыргыз Республикасынын Президентинин Аппаратынын Жетекчисинин 2017-жылдын 17-июлундагы № 213 буйругу;

- Кыргыз Республикасынын Президентинин Аппаратынын Жетекчисинин 2018-жылдын 11-октябрындагы № 293 буйругу.

| Кыргыз Республикасынын Президентинин Администрациясынын Жетекчиси | А.У. Жапаров |