КР Министрлер Кабинетинин (Бишкек шаарында кол коюлган Кыргыз Республикасы менен Азия өнүктүрүү банкынын ортосундагы Кредиттик макулдашууга (Экономикалык диверсификациялоону илгерилетүү программасы - 2-чакан программа) жана Кыргыз Республикасы менен Азия өнүктүрүү банкынын ортосундагы Гранттык макулдашууга (Экономикалык диверсификациялоону илгерилетүү программасы - 2-чакан программа) Кыргыз Республикасынын Министрлер Кабинетинин корутундусун жактыруу тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2021-жылдын 15-октябры № 238-т "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 68-беренесине ылайык, мамлекеттик ички жол-жоболорду аткаруу максатында:

1. Бишкек шаарында 2021-жылдын 4-октябрында кол коюлган Кыргыз Республикасы менен Азия өнүктүрүү банкынын ортосундагы Кредиттик макулдашууга (Экономикалык диверсификациялоону илгерилетүү программасы - 2-чакан программа) жана Кыргыз Республикасы менен Азия өнүктүрүү банкынын ортосундагы Гранттык макулдашууга (Экономикалык диверсификациялоону илгерилетүү программасы - 2-чакан программа) Кыргыз Республикасынын Министрлер Кабинетинин корутундусу тиркемеге ылайык жактырылсын.

2. Кыргыз Республикасынын Министрлер Кабинетинин тиркелген корутундусу Кыргыз Республикасынын Жогорку Кеңешине жиберилсин.

Төрага

А.У. Жапаров

Кыргыз Республикасынын Министрлер Кабинетинин 2021-жылдын 15-октябрындагы № 238-т тескемеси менен жактырылган

Бишкек шаарында 2021-жылдын 4-октябрында кол коюлган Кыргыз Республикасы менен Азия өнүктүрүү банкынын ортосундагы Кредиттик макулдашууга (Экономикалык диверсификациялоону илгерилетүү программасы - 2-чакан программа) жана Кыргыз Республикасы менен Азия өнүктүрүү банкынын ортосундагы Гранттык макулдашууга (Экономикалык диверсификациялоону илгерилетүү программасы - 2-чакан программа) Кыргыз Республикасынын Министрлер Кабинетинин КОРУТУНДУСУ Бишкек шаарында 2021-жылдын 4-октябрында кол коюлган Кыргыз Республикасы менен Азия өнүктүрүү банкынын ортосундагы Кредиттик макулдашуу (Экономикалык диверсификациялоону илгерилетүү программасы - 2-чакан программа) жана Кыргыз Республикасы менен Азия өнүктүрүү банкынын ортосундагы Гранттык макулдашуу (Экономикалык диверсификациялоону илгерилетүү программасы - 2-чакан программа) Кыргыз Республикасынын Конституциясынын жана Кыргыз Республикасынын мыйзамдарынын ченемдерине шайкеш келет жана Кыргыз Республикасы катышкан мыйзамда белгиленген тартипте күчүнө кирген эл аралык келишимдерге каршы келбейт. Аталган макулдашуулар буга чейин Кыргыз Республикасынын Жогорку Кеңешинин Бюджет жана финансы боюнча комитетинин 2021-жылдын 24-июнундагы № 6-9147/21 (Бюджет жана финансы боюнча комитеттин төрагасынын 2021-жылдын 24-июнундагы № 6-2391и/21 каты) жана Кыргыз Республикасынын Жогорку Кеңешинин Эл аралык иштер, коргоо жана коопсуздук боюнча комитетинин 2021-жылдын 23-июнундагы № 6-9039/21 чечимдери (Эл аралык иштер, коргоо жана коопсуздук боюнча комитеттин бөлүм башчысынын орун басарынын 2021-жылдын 24-июнундагы № 6-2379и/21 каты) менен жактырылган. Аталган макулдашуулар Кыргыз Республикасынын Министрлер Кабинетинин 2021-жылдын 13-августундагы № 139-б тескемеси менен жактырылган. Экономикалык диверсификациялоону илгерилетүү программасы соодалык жана инвестициялык атаандаштыкка жөндөмдүүлүктү жогорулатуу, чакан орто бизнести колдоо жана жумуш орундарын камсыз кылуу үчүн шарттарды түзүү жолу менен Кыргыз Республикасында туруктуу экономикалык өсүштү колдоого багытталган. Программа саясаттын төмөнкү негизги багыттарынан же колдонуу жааттарынан турат: (I) Соодалык жана инвестициялык атаандаштыкка жөндөмдүүлүк, (II) Чакан жана орто бизнести өнүктүрүү, (III) Мамлекеттик-жеке өнөктөштүк, (IV) Тармактар менен байланышкан көндүмдөрдү өнүктүрүү, (V) Коронавирустук инфекциядан кийин турукташтырууну жана калыбына келтирүүнү камсыз кылуу үчүн туруктуу финансылык жана социалдык коргоону жогорулатуу. Аталган макулдашуулардын алкагында Кыргыз Республикасына кредиттик жана гранттык негизде 80 млн. АКШ долл. өлчөмүндө финансылык жардам берилет (10,7 млн. АКШ долл. - грант жана 69,3 млн. АКШ долл. - кредит). Финансылык каражаттар республикалык бюджетти колдоого багытталат. "Кыргыз Республикасынын эл аралык келишимдери жөнүндө" Кыргыз Республикасынын Мыйзамынын 11 жана 12-беренелерине ылайык аталган макулдашуулар Кыргыз Республикасынын Жогорку Кеңешине ратификациялоого киргизилет. Аталган макулдашууларды ратификациялоо кандайдыр бир терс финансылык-экономикалык жана башка кесепеттерге, ошондой эле Кыргыз Республикасынын мамлекеттик бюджетинен кошумча каржылоого алып келбейт.