КР Министлер Кабинетинин «Транспорт каражаттарынын жол берилген салмак-габариттик параметрлерин бузуу жана жалпы пайдалануудагы автомобиль жолдорундагы жасалма курулмалар боюнча транспорт каражатынын өтүүсү үчүн жыйым алуу жөнүндө маалыматты фото жана видео тартуу/видео жазуу функциялары бар стационардык, атайын техникалык каражаттар менен маалыматтык система объекттерин колдонуу аркылуу автоматтык түрдө берүүнү камсыз кылуу боюнча чаралар жөнүндө» токтому

КР Министрлер Кабинетинин 2023-жылдын 5-декабрындагы № 638 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ ТОКТОМ 2021-жылдын 27-августу № 154 Транспорт каражаттарынын жол берилген салмак-габариттик параметрлерин бузуу жана жалпы пайдалануудагы автомобиль жолдорундагы жасалма курулмалар боюнча транспорт каражатынын өтүүсү үчүн жыйым алуу жөнүндө маалыматты фото жана видео тартуу/видео жазуу функциялары бар стационардык, атайын техникалык каражаттар менен маалыматтык система объекттерин колдонуу аркылуу автоматтык түрдө берүүнү камсыз кылуу боюнча чаралар жөнүндө (КР Министрлер Кабинетинин 2022-жылдын 16-декабрындагы № 685 токтомунун редакциясына ылайык)

Салмак-габариттик контролдоодо жана жасалма курулмалар боюнча транспорт каражатынын өтүүсү үчүн жыйым алууда коррупциялык тобокелдиктерди жоюу, адамдык факторду минималдаштыруу, ошондой эле транспорт каражаттарынын жол берилген салмак-габариттик параметрлерин бузуу жөнүндө маалыматты автоматтык түрдө берүү жана Кыргыз Республикасынын автомобиль жолдорундагы жасалма курулмалар боюнча транспорт каражатынын өтүүсү үчүн автоматтык түрдө жыйым алуу максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Министрлер Кабинети токтом кылат:

1. (КР Министрлер Кабинетинин 2022-жылдын 16-декабрындагы № 685 токтомуна ылайык күчүн жоготту)

2. (КР Министрлер Кабинетинин 2022-жылдын 16-декабрындагы № 685 токтомуна ылайык күчүн жоготту)

3. (КР Министрлер Кабинетинин 2022-жылдын 16-декабрындагы № 685 токтомуна ылайык күчүн жоготту)

4. (КР Министрлер Кабинетинин 2022-жылдын 16-декабрындагы № 685 токтомуна ылайык күчүн жоготту)

5. Кыргыз Республикасынын Өкмөтүнүн 1996-жылдын 22-апрелиндеги № 183 “Бишкек – Ош автомобиль жолундагы тоннель аркылуу транспорт каражаттарынын акы төлөп өтүүсүн уюштуруу жөнүндө” токтомуна төмөнкүдөй өзгөртүүлөр киргизилсин:

1) 1-пунктунда:

- экинчи абзацындагы “Бишкек – Ош автожолу мамлекеттик дирекциясынын жол органдары” деген сөздөр “Санариптик өнүктүрүү министрлигине караштуу “Унаа” мамлекеттик мекемеси” деген сөздөр менен алмаштырылсын;

- төртүнчү абзацы төмөнкүдөй редакцияда баяндалсын:

“Акы төлөмдүн өлчөмү Кыргыз Республикасынын Транспорт жана коммуникациялар министрлиги тарабынан Кыргыз Республикасынын Экономика жана финансы министрлигине караштуу Монополияга каршы жөнгө салуу мамлекеттик агенттиги менен макулдашуу боюнча белгиленет.”;

2) 3-пунктундагы “Бишкек – Ош автожолу мамлекеттик дирекциясы” деген сөздөр “Кыргыз Республикасынын Санариптик өнүктүрүү министрлигине караштуу “Унаа” мамлекеттик мекемеси” деген сөздөр менен алмаштырылсын.

6. Бул токтом расмий жарыяланган күндөн тартып жети күн өткөндөн кийин күчүнө кирет.

7. Бул токтомдун аткарылышын контролдоо Кыргыз Республикасынын Президентинин Администрациясынын тийиштүү түзүмдүк бөлүмдөрүнө жүктөлсүн.

Председатель

У.А. Марипов

Тиркеме

Кыргыз Республикасынын аймагындагы транспорттук контролдоо пункттарында орнотулган салмак-габариттик контролдоо динамикалык станцияларынын жана стационардык өткөрүү пункттарынын тизмеси

№

Автомобиль жолунун аталышы

Облус, район

Транспорттук контролдоо пункттары жайгашкан жерлер

Транспорттук контролдоо пункттарынын аталышы

1

Бишкек – Ош

Чүй облусу, Жайыл району

Бишкек – Ош а/ж 81-км

“Сосновка”

2

Бишкек – Нарын – Торугарт

Чүй облусу, Кемин району

Бишкек – Нарын – Торугарт а/ж 101-км

“Кемин”

3

Ош – Сары-Таш – Иркештам

Ош облусу, Кара-Суу району

Ош – Сары-Таш – Иркештам а/ж 22-км, Каратай а.

“Каратай”

4

Бишкек – Ош

Ош облусу, Кара-Суу району

Бишкек – Ош а/ж 29-км, Жаңы-Арык а.

“Жаңы-Арык”

5

Ош – Баткен – Исфана

Баткен облусу, Кадамжай району

Ош – Баткен – Исфана а/ж 93-км

“Көк-Талаа”

6

Бишкек – Ташкент (Казакстан Республикасы менен мамлекеттик чек ара)

Чүй облусу, Панфилов району

Бишкек – Ташкент а/ж 72-км

“Чалдыбар”

7

Кант – Черная речка (Казакстан Республикасы менен мамлекеттик чек ара)

Чүй облусу, Ысык-Ата району

Кант – Чүй көпүрөсү а/ж 10-км

“Ак-Тилек”

8

Талас – Тараз (Казакстан Республикасы менен мамлекеттик чек ара)

Талас облусу, Манас району

-

“Чоң-Капка”

9

“Сосновка” стационардык өткөрүү пункттары

Чүй облусу, Жайыл району

-

“Сосновка”

10

“Кара-Көл” стационардык өткөрүү пункттары

Жалал-Абад облусу, Токтогул району

-

“Кара-Көл”