КР Министрлер Кабинетинин Төрагасынын (Ведомстволор аралык комиссияны түзүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТӨРАГАСЫ ТЕСКЕМЕ 2021-жылдын 14-июлу № 222 "Жеке адамдардын мүлкүн жана кирешелерин ыктыярдуу декларациялоосу жөнүндө" Кыргыз Республикасынын Мыйзамынын 12-беренесинин 2-бөлүгүнүн 2-пунктун ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 18-беренесине ылайык:

1. "Жеке адамдардын мүлкүн жана кирешелерин ыктыярдуу декларациялоосу жөнүндө" Кыргыз Республикасынын Мыйзамын ишке ашыруу боюнча ведомстволор аралык комиссия тиркемеге ылайык курамда түзүлсүн (мындан ары - ведомстволор аралык комиссия).

2. Ведомстволор аралык комиссия:

- бир айлык мөөнөттө мүлктү жана кирешелерди ыктыярдуу декларациялоо жөнүндө декларациялардын пайдаланылбаган бланктарын сактоо, пайдалануу жана жок кылуу тартибин, ошондой эле мүлктү жана кирешелерди ыктыярдуу декларациялоо жөнүндө декларациялардын реестрин түзүү жана жүргүзүү тартибин караган тиешелүү чечимдин долбоорун Кыргыз Республикасынын Министрлер Кабинетинин кароосуна киргизсин;

- 2021-жылдын 31-декабрына чейинки мөөнөттө кызыкдар болгон мамлекеттик органдардын компетенциясынын чегинде "Жеке адамдардын мүлкүн жана кирешелерин ыктыярдуу декларациялоосу жөнүндө" Кыргыз Республикасынын Мыйзамын ишке ашыруу боюнча ишти жүргүзүүнү камсыз кылсын.

3. Ведомстволор аралык комиссия мамлекеттик органдардын, жергиликтүү өз алдынча башкаруу органдарынын (макулдашуу боюнча), бизнес-ассоциациялардын өкүлдөрүн жана көз карандысыз эксперттерди (макулдашуу боюнча) ишке тартууга укуктуу экендиги белгиленсин.

4. Ведомстволор аралык комиссиянын жумушчу органы болуп Кыргыз Республикасынын Экономика жана финансы министрлиги аныкталсын.

5. Министрликтердин, мамлекеттик комитеттердин, административдик ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын (макулдашуу боюнча) жетекчилери ведомстволор аралык комиссиянын ишине көмөк көрсөтүшсүн.

6. Бул тескеменин аткарылышын контролдоо Кыргыз Республикасынын Президентинин Администрациясынын Жетекчисинин биринчи орун басарына жүктөлсүн.

Төрага

У.А. Марипов

Тиркеме

"Жеке адамдардын мүлкүн жана кирешелерин ыктыярдуу декларациялоосу жөнүндө" Кыргыз Республикасынын Мыйзамын ишке ашыруу боюнча ведомстволор аралык комиссиянын КУРАМЫ

Жапаров Акылбек Усенбекович

-

Кыргыз Республикасынын Министрлер Кабинетинин Төрагасынын орун басары - экономика жана финансы министри, ведомстволор аралык комиссиянын төрагасы.

Ведомстволор аралык комиссиянын мүчөлөрү:

Абдыкалыков Жанузак Козубайевич

-

Кыргыз Республикасынын Президентинин Администрациясынын экономика жана финансы бөлүмүнүн башчысы;

Алиев Бекболот Абдыганыевич

-

Кыргыз Республикасынын экономика жана финансы министринин орун басары;

Карыбеков Залкарбек Aрзыбекович

-

Кыргыз Республикасынын санариптик өнүктүрүү министринин орун басары;

Сыдыков Орозбек Кадырбекович

-

Кыргыз Республикасынын юстиция министринин орун басары;

Солтонбекова Ализа Карыпбековна

-

Кыргыз Республикасынын саламаттык сактоо жана социалдык өнүктүрүү министринин биринчи орун басары;

Абдуллаев Арстанбек Ураимович

-

Кыргыз Республикасынын Саламаттык сактоо жана социалдык өнүктүрүү министрлигинин Социалдык фондунун төрагасынын орун басары;

Асылкулов Искендер Эсенгельдиевич

-

Кыргыз Республикасынын Экономика жана финансы министрлигине караштуу Мамлекеттик салык кызматынын төрагасынын орун басары;

Кимсанов Улан Ашимович

-

Кыргыз Республикасынын Экономика жана финансы министрлигине караштуу Мамлекеттик бажы кызматынын төрагасынын биринчи орун басары;

Абдурахманова Дамира Сулаймановна

-

Кыргыз Республикасынын Министрлер Кабинетине караштуу Финансылык чалгындоо мамлекеттик кызматынын төрагасынын орун басары;

Пирназаров Марат Tyголбаевич

-

Кыргыз Республикасынын Экономика жана финансы министрлигине караштуу Финансы рыногун жөнгө салуу жана көзөмөлдөө мамлекеттик кызматынын төрагасынын орун басары;

Джусупбеков Бакытбек Асанбекович

-

Кыргыз Республикасынын Айыл, суу чарба жана аймактарды өнүктүрүү министрлигине караштуу Жер ресурстары боюнча мамлекеттик агенттиктин директорунун орун басары.