КР Өкмөтүнүн «Кыргыз Республикасынын мамлекеттик жана саясий ишмери Жусуп Абдрахмановдун 120 жылдык юбилейине арналган иш-чараларды даярдоо жана өткөрүү боюнча уюштуруу комитетинин курамын түзүүү жөнүндө» буйруку

КР Министрлер Кабинетинин 2024-жылдын 28-июнундагы № 383-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК 2021-жылдын 19-марты № 66-б Кыргыз Республикасынын Президентинин 2021-жылдын 11-февралындагы № 37 "Жусуп Абдрахмановдун туулган күнүнүн 120 жылдыгын майрамдоо жөнүндө" Жарлыгын ишке ашыруу, ошондой эле иш-чараларды өз убагында даярдоо жана улуттук жогорку деңгээлде ийгиликтүү өткөрүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын мамлекеттик жана саясий ишмери Жусуп Абдрахмановдун 120 жылдык юбилейине арналган иш-чараларды даярдоо жана өткөрүү боюнча уюштуруу комитети (мындан ары - уюштуруу комитети) тиркемеге ылайык курамда түзүлсүн.

2. Уюштуруу комитети юбилейлик иш-чараларды даярдоо жана өткөрүү планын иштеп чыксын жана бекитсин.

3. Уюштуруу комитетинин ишин уюштуруучулук, методикалык жана башка камсыздоо Кыргыз Республикасынын Маданият, маалымат, спорт жана жаштар саясаты министрлигине жүктөлсүн.

4. Юбилейлик иш-чараларды өткөрүүгө байланышкан чыгымдарды каржылоо ишке тартылган мамлекеттик органдардын бюджетинин каражаттарынын, гранттардын жана демөөрчүлүк каражаттардын эсебинен ишке ашырылсын.

5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.

Премьер-министр

У.Марипов

Тиркеме

Кыргыз Республикасынын мамлекеттик жана саясий ишмери Жусуп Абдрахмановдун 120 жылдык юбилейине арналган иш-чараларды даярдоо жана өткөрүү боюнча уюштуруу комитетинин КУРАМЫ Кызматы боюнча: Кыргыз Республикасынын Премьер-министри, уюштуруу комитетинин төрагасы; Кыргыз Республикасынын вице-премьер-министри - экономика жана финансы министри, уюштуруу комитетинин төрагасынын орун басары. Уюштуруу комитетинин мүчөлөрү: Кыргыз Республикасынын маданият, маалымат, спорт жана жаштар саясаты министри; Кыргыз Республикасынын билим берүү жана илим министри; Кыргыз Республикасынын тышкы иштер министри; Кыргыз Республикасынын ички иштер министри; Кыргыз Республикасынын айыл, суу чарба жана аймактарды өнүктүрүү министри; Кыргыз Республикасынын транспорт, архитектура, курулуш жана коммуникациялар министри; Кыргыз Республикасынын Өкмөтүнүн Аппарат жетекчисинин орун басары, Кыргыз Республикасынын Өкмөтүнүн Аппаратынын уюштуруу-инспектордук иштер жана региондук өнүктүрүү бөлүмүнүн башчысы; Кыргыз Республикасынын Президентинин Аппаратынын мамлекеттик башкаруу саясаты жана уюштуруу-инспектордук иштер бөлүмүнүн башчысы (макулдашуу боюнча); Кыргыз Республикасынын Президентинин Аппаратынын гуманитардык өнүктүрүүгө мониторинг жүргүзүү жана жарандык коомдун институттары менен өз ара аракеттенүү бөлүмүнүн башчысы (макулдашуу боюнча); Бишкек шаарынын мэри (макулдашуу боюнча); Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү; Каракол шаарынын мэри (макулдашуу боюнча); Кыргыз Республикасынын Улуттук илимдер академиясынын президенти (макулдашуу боюнча); Кыргыз Республикасынын Коомдук телерадиоберүү корпорациясынын башкы директору (макулдашуу боюнча); Кыргыз Республикасынын "ЭлТР" мамлекеттик телерадиоберүү компаниясынын башкы директору. Жекече:

Койчиев Арслан Капайович

-

Кыргыз Республикасынын Президентинин кеңешчиси (макулдашуу боюнча);

Ормушев Асан Сулайманович

-

Эл аралык Кувейт университетинин ректору (макулдашуу боюнча);

Борубашев Бекбосун Ишенбекович

-

Б.Н.Ельцин атындагы Кыргыз-Орус Славян университетинин юридикалык факультетинин эл аралык жана конституциялык укук кафедрасынын башчысы (макулдашуу боюнча);

Усобаев Мирбек Сагынович

-

"Кыргыз АССРинин совнаркомунун биринчи төрагасы Жусуп Абдрахманов коомдук фондусу" коомдук фондунун төрагасы (макулдашуу боюнча);

Сапаралиев Дөөлөтбек Бекишович

-

К.Карасаев атындагы Бишкек мамлекеттик университетинин Кыргызстандын жана чыгыш чет өлкөлөрдүн тарыхы кафедрасынын башчысы (макулдашуу боюнча);

Абдрахманов Остемир Юрьевич

-

Жусуп Абдрахмановдун небереси (макулдашуу боюнча).