Кыргыз Республикасынын Өкмөтүнүн «Кыргыз Республикасынын Өкмөтүнүн, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо талаптагыдай жана натыйжалуу коргоону камсыздоо жөнүндө» буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2020-жылдын 14-январы № 5-б Кыргыз Республикасынын Өкмөтүнүн, ошондой эле Кыргыз Республикасынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо талаптагыдай жана натыйжалуу коргоону камсыздоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнүн Соттук өкүлчүлүк борбору тарабынан эл аралык арбитраждык соттук териштирүүлөрдүн алкагында компаниялардын кызмат көрсөтүүлөрүнө акы төлөө боюнча каражаттарды пайдалануу тартиби бекитилсин.

2. Кыргыз Республикасынын Финансы министрлиги белгиленген тартипте:

1) Кыргыз Республикасынын Финансы министрлигинин чыгаша бөлүгүн (Жалпы мамлекеттик чыгымдар) 160000000 (бир жүз алтымыш миллион) сом суммасына азайтсын;

2) Кыргыз Республикасынын Өкмөтүнүн Соттук өкүлчүлүк борборунун бюджетин 160000000 (бир жүз алтымыш миллион) сом суммасына көбөйтсүн;

3) "Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун иштеп чыгууда тиешелүү өзгөртүүлөрдү карасын.

3. Кыргыз Республикасынын Өкмөтүнүн Соттук өкүлчүлүк борбору:

1) жыл сайын кийинки жылдарга бюджеттин долбоорун түзүүдө эл аралык арбитраждык соттук териштирүүлөрдүн алкагында компаниялардын кызмат көрсөтүүлөрүнө акы төлөө үчүн зарыл болгон сумманы эске алсын;

2) квартал сайын Кыргыз Республикасынын Финансы министрлигине бюджеттик каражаттар боюнча чыгымдардын сметасын аткаруу жөнүндө тиешелүү отчет берсин;

3) компаниялардын кызмат көрсөтүүлөрүнө акы төлөөгө каражаттарды акыркы үч жыл ичиндеги ар жылдык ретроспективдүү талдоого ылайык республикалык бюджеттин чыгаша бөлүгүн каржылоонун эсебинен түзсүн.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө жүктөлсүн.

Премьер-министр

М.Д.Абылгазиев

Тиркеме Кыргыз Республикасынын Өкмөтүнүн Соттук өкүлчүлүк борбору тарабынан эл аралык арбитраждык соттук териштирүүлөрдүн алкагында компаниялардын кызмат көрсөтүүлөрүнө акы төлөө боюнча каражаттарды пайдалануу тартиби

1. Ушул Тартип Кыргыз Республикасынын Өкмөтүнүн, Кыргыз Республикасынын, ошондой эле Кыргыз Республикасынын мамлекеттик органдарынын кызыкчылыктарын арбитраждык соттордо, эл аралык соттордо, эл аралык арбитраждык соттордо, чет өлкөлүк соттордо, бейтарап соттордо жана башка адистештирилген соттордо натыйжалуу коргоо максатында Кыргыз Республикасынын өкмөтүнүн Соттук өкүлчүлүк борбору (мындан ары - Борбор) тарабынан эл аралык арбитраждык соттук териштирүүлөрдүн алкагында компаниялардын кызмат көрсөтүүлөрүнө акы төлөө боюнча каражаттарды пайдалануу шарттарын аныктайт.

2. Каражаттарды пайдалануу тартиби

2. «Республикалык бюджет жөнүндө» Кыргыз Республикасынын Мыйзамына ылайык республикалык бюджеттен каржылоонун эсебинен эл аралык арбитраждык соттук териштирүүлөрдүн алкагында компаниялардын кызмат көрсөтүүлөрүнө акы төлөө үчүн Борбордун сметасына каралган каражаттар төмөнкүлөр менен байланышкан чыгымдарды төлөөгө пайдаланылат:

- жергиликтүү жана эл аралык юридикалык компаниялардын консультацияларынын юридикалык кызмат көрсөтүүлөрү;

- жергиликтүү жана эл аралык компаниялардын аудитордук кызмат көрсөтүүлөрү;

- кесипкөй котормо кызмат көрсөтүүлөрү, ошондой эле жергиликтүү жана эл аралык компаниялардын тексттерди редакциялоо жана оңдоо кызмат көрсөтүүлөрү;

- эксперттик корутундуларды жана башка процесстик документтерди даярдоо жана берүү боюнча ишке тартылган жергиликтүү жана эл аралык эксперттердин жана адистердин аткарган иштери жана көрсөткөн кызматтары;

Кыргыз Республикасынын Өкмөтүнүн жана Кыргыз Республикасынын кызыкчылыктарын эл аралык арбитраждык соттордо коргоонун алкагындагы зарыл болгон башка төлөмдөр.

3. Борбордун каражаттары мыйзамда белгиленген тартипте түзулгөн келишимдерге ылайык көрсөтүлгөн кызматтар үчүн жергиликтүү жана эл аралык компанияларга, ошондой эле ишке тартылган адистерге жана

эксперггерге төлөөгө эсептерди берүү боюнча тараптар сүйлөшкөн суммада жана мөөнөттө которулат, алар төмөнкүдөй аныкталат:

- Тараптардын макулдашуусу менен юридикалык өкүлдөрдүн өтүнмөдө аталган сааттык ставкасына негизденүү менен ар бир конкреттүү иш боюнча өзүнчө;

- юридикалык өкүлдөрдүн биргелешкен өтүнмөсүндө аталган сааттык ставканын негизинде ар бир процесстик иш-аракетке өзүнчө акыны белгилөө жана аныктоо менен;

- акыркы чечим чыкканга чейин иш боюнча белгиленген максималдуу чектердин шарттарына жана чектөөлөрүнө ылайык;

- кошумча чыгымдарды, эсептерди жана аларды төлөөнү эске алуу менен.

3. Эсепке алуу жана отчеттуулук

4. Компаниялардын кызмат көрсөтүүсүнө акы төлөө үчүн каражаттар Борбордун чыгымдарынын бекитилген сметасына ылайык сарпталат.

5. Борбор каражаттардын пайдаланылышына өз алдынча мониторинг жүргүзөт жана Борбордун сметасында калган каражаттардын эсебин жүргүзөт.

6. Борбор квартал сайын Кыргыз Республикасынын Финансы министрлигине бюджеттик каражаттар боюнча чыгымдардын сметасын аткаруу жөнүндө тиешелүү отчетту берет.

7. Каражаттарды пайдалануу жана бөлүштүрүү үчүн жооптуу адам болуп Борбордун директору эсептелет.

_______________________________________________________________________________________________________________________________________