# КР Өкмөтүнүн 2019-жылдын 1-октябрындагы № 371-б (Акча каражаттарды бөлүп берүү жөнүндө) буйругу

- Толук аталышы: КР Өкмөтүнүн 2019-жылдын 1-октябрындагы № 371-б (Акча каражаттарды бөлүп берүү жөнүндө) буйругу
- Актынын түрү: Распоряжение
- Номери: 371-р
- Кабыл алынган күнү: 01.10.2019
- Статусу: Күчүндө
- Редакциянын күнү: 01.10.2019
- Тексттин тили: кыргыз тили
- aqlex'теги барагы: <https://aqlex.ai/kg/doc/217567>
- Расмий булак: <https://cbd.minjust.gov.kg/57-17183/edition/972692/ru>
- Башка тилдеги тексти (Markdown): <https://aqlex.ai/doc/217567.md>

> Текст расмий булактын маалыматы боюнча 01.10.2019 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2019-жылдын 1-октябрындагы № 371-б (Акча каражаттарды бөлүп берүү жөнүндө) буйругу (01.10.2019 редакциясы) - https://aqlex.ai/kg/doc/217567

---

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2019-жылдын 1-октябры № 371-б Ош облусунун Алай районунун Үч-Төбө айыл аймагындагы айдоо жерлерин сугат суу менен камсыздоону жакшыртуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Финансы министрлиги белгиленген тартипте:

- Кыргыз Республикасынын Жогорку Кеңешинин Бюджет жана финансы боюнча комитетинин макулдугу менен Ош облусунун Алай районунун Үч-Төбө айыл аймагындагы Чоң-Каракол айылындагы "Кажыр" ички чарбалык насостук станциясын калыбына келтирүү боюнча оңдоо иштерин жүргүзүүгө 1 085 341 (бир миллион сексен беш миң үч жүз кырк бир) сом өлчөмүндө максаттуу трансферт бөлүп берсин;

- "Кыргыз Республикасынын 2019-жылга республикалык бюджети жана 2020-2021-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" мыйзамдын долбоорун киргизүүдө тийиштүү өзгөртүүлөрдү караштырсын.

2. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө, финансы жана кредит саясаты бөлүмүнө жүктөлсүн.

Премьер-министр

М.Д.Абылгазиев