КР Президентинин ПБ № 59 (Кыргыз Республикасынын аймагындагы бириккен россиялык аскердик базанын туруусунун статусу жана шарттары жөнүндө Кыргыз Республикасы менен Россия Федерациясынын ортосундагы макулдашууга өзгөртүүлөрдү жана толуктоолорду киргизүү тууралуу Кыргыз Республикасы менен Россия Федерациясынын ортосундагы протоколдун долбоорун жактыруу жөнүндө) буйругу

КЫРГЫЗ РЕСПУБЛИКАСЫНЫН ПРЕЗИДЕНТИ БУЙРУК 2019-жылдын 22-марты ПБ № 59

1. 2012-жылдын 20-сентябрындагы Кыргыз Республикасынын аймагындагы бириккен россиялык аскердик базанын туруусунун статусу жана шарттары жөнүндө Кыргыз Республикасы менен Россия Федерациясынын ортосундагы макулдашууга өзгөртүүлөрдү жана толуктоолорду киргизүү тууралуу Кыргыз Республикасы менен Россия Федерациясынын ортосундагы протоколдун тиркелген долбоору жактырылсын.

2. Кыргыз Республикасынын Куралдуу Күчтөрүнүн Генералдык штабынын башчысына мүмкүн болгон принциптүү эмес мүнөздөгү өзгөртүүлөрдү жана толуктоолорду киргизүү укугу менен жогоруда аталган Протоколдун долбооруна кол коюуга ыйгарым укук берилсин.

Кыргыз Республикасынын Президенти

С.Ш.Жээнбеков

Долбоор

2012-жылдын 20-сентябрындагы Кыргыз Республикасынын аймагындагы бириккен россиялык аскердик базанын турушунун статусу жана шарттары жөнүндө Кыргыз Республикасы менен Россия Федерациясынын ортосундагы Макулдашууга толуктоолорду жана өзгөртүүлөрдү киргизүү жөнүндө Кыргыз Республикасы менен Россия Федерациясынын ортосундагы ПРОТОКОЛ Мындан ары Тараптар деп аталчу Кыргыз Республикасы менен Россия Федерациясы, 2012-жылдын 20-сентябрындагы Кыргыз Республикасынын аймагындагы бириккен россиялык аскердик базанын турушунун статусу жана шарттары жөнүндө Кыргыз Республикасы менен Россия Федерациясынын ортосундагы Макулдашуунун (мындан ары - Макулдашуу) 28-беренесинин 2-пунктунун жоболоруна таянып, мындан ары Кыргыз Республикасынын аймагында бириккен россиялык аскердик базанын болушун жөнгө салуучу эл аралык-укуктук базаны өркүндөтүү максатында, төмөнкүлөр жөнүндө макулдашты: 1-берене. Макулдашууга төмөнкүдөй өзгөртүүлөр жана толуктоолор киргизилсин:

1. 2-берененин биринчи абзацынан кийин төмөнкү мазмундагы абзацтар менен толукталсын:

"учкучсуз учуучу аппарат" - учуусу бортунда учкучсуз (экипажсыз) аткарылуучу жана учууда автоматтык түрдө, жер бетиндеги башкаруу станциянын оператору (башкаруу пункту) менен же көрсөтүлгөн ыкмалардын айкалыштыруу менен башкарылуучу аба кемеси; "учкучсуз авиациялык система" - өзүнө бир же бир нече учкучсуз учуу аппараттарды, учууну жана кондурууну камсыз кылуучу каражатты, бир же бир нече учкучсуз учуу аппараттардын учуунун башкаруу каражаттары жана бир же бир нече учкучсуз учуу аппараттардын учуусун контролдоону камтыган өз ара байланышкан элементтердин комплекси.

2. 6-беренеде:

2-пункттун экинчи жана үчүнчү абзацтары төмөнкүдөй редакцияда баяндалсын: "байланыш түйүнү - 851,22 гектар аянттагы жер тилкеси; сыноо базасы - 73,3 гектар аянттагы жер тилкеси жана 0,5 деңиз квадраттык миль аянттагы акватория тилкеси."; 6-берененин 3-пунктунун төртүнчү абзацы төмөнкүдөй редакцияда берилсин: "Россия Тарабынан жер аянттарын жана акватория аймагын пайдалануу үчүн жылдык ижара акысы 4794095 АКШ долларына эквиваленттүү сумманы түзөт."; 10-пункттун биринчи абзацынан кийин төмөнкү мазмундагы абзац менен толукталсын: "Россия Тарап өз эсебинен Кант аэродромундагы учуу талаасынын жасалма каптоосун реконструкциялаган учурда ага киргизилген бөлүнгүс жакшыртуунун менчик укугу Россия Тарапка таандык болот. Ушул Макулдашуу токтотулгандан кийин көрсөтүлгөн тилке Кыргыз Тарапка кайтарымсыз негизде берилет."; 11-пункт төмөнкүдөй редакцияда баяндалсын: "Тараптар Макулдашуунун № 2 тиркемесинде келтирилген кыймылсыз мүлктүн объекттерин биргелешип колдонот. Мында жалпы эмес пайдалануудагы куюучу жана төгүүчү түтүктөрү менен авиациялык полигон жана темир жолду бириккен россиялык аскердик база Кыргыз Тарабынан ыйгарым укуктуу орган менен макулдашуу боюнча пайдаланат."; 12-пункт төмөнкүдөй мазмундагы абзац менен толукталсын: "жасалма төшөлмөлүү учуу талаасын биргелешип пайдаланууда, аларды оңдоого, күндөлүк күтүүгө жана тейлөөгө байланышкан маселелерди Тараптардын ыйгарым укуктуу органдарынын макулдашуусу боюнча чечилет. Ошону менен бирге аткарылган иштердин түрлөрүнүн акы төлөө боюнча чыгымдары Тараптардын учактарынын учууларынын санына пропорциялуу бөлүштүрүлөт.";

3. 7-берененин 1-пункту төмөнкүдөй редакцияда баяндалсын:

"1. Кыргыз Республикасынын аба мейкиндигинде Россия Федерациясынын аба кемелеринин, ошондой эле учкучсуз учуучу аппараттардын учуусун уюштуруу, Кыргыз Республикасынын ченемдик укуктук актыларына жана Тараптар катышуучулары болгон эл аралык келишимдерге ылайык жүзөгө ашырылат. Бириккен россиялык аскердик база жайгашкан аэродромдор аймактарында жана авиациялык полигондо учууну уюштуруу Тараптардын ыйгарым укуктуу органдары бекиткен Аэродромдун аймактарында учууну өткөрүү боюнча нускамага ылайык ишке ашырылат. Бириккен россиялык аскердик базанын учкучсуз авиациялык системаларын колдонуу, анын ичинде Кыргыз Республикасынын Куралдуу Күчтөрдүн кызыкчылыгында, Тараптардын ыйгарым укуктуу органдарынын макулдашуусу боюнча жүргүзүлөт".

4. 20-берененин 1-пункту төмөнкү мазмундагы абзац менен толукталсын:

"Кыргыз Республикасынын жарандарын (Кант аэродрому) авиациялык базанын аймагына, аларды Кыргыз Тарабынын аба кемелеринде ташуу максатында өткөрүү базанын командири тараптан учуунун пландалган датасына чейин кеминде бир сутка калганда берилген тизмелер боюнча, ал эми кызматтык зарылчылык болгондо - авиациялык базанын командиринин чечими менен орун алуу ведомостунун негизинде ишке ашырылат.

5. 24-берененин 3-пунктунун экинчи абзацындагы "эки жылда бир жолу" деген сөздөр алынып салынсын.

6. № 2 тиркеме төмөнкү редакцияда берилсин:

Кыргыз Республикасынын аймагындагы бириккен россиялык аскердик базанын турушунун статусу жана шарттары жөнүндө Кыргыз Республикасы менен Россия Федерациясынын ортосундагы Макулдашууга № 2 ТИРКЕМЕ

Биргелешип колдонуудагы кыймылсыз мүлк объекттеринин ТИЗМЕСИ

Объекттин түрү

Жайгашкан жери

1.

Авиациялык полигон

координаттары менен район: ("Эдельвейс" тоо-машыгуу борбору) географиялык чекит - 42º 30' 34" түндүк кеңдиги, 76º 11' 51" чыгыш узактыгы; географиялык чекит - 42º 32' 41" түндүк кеңдиги, 76º 11' 31" чыгыш узактыгы; географиялык чекит - 42º 32' 58" түндүк кеңдиги, 76º 14' 42" чыгыш узактыгы; географиялык чекит - 42º 30' 44" түндүк кеңдиги, 76º 14' 36" чыгыш узактыгы

2.

Жалпы эмес пайдаланыштагы темир жол жана агын-куюучу түтүктөр

күйүүчү-майлоочу материалдардын рельске жакын кампасы (Кант шаары)

3.

Командалык-диспетчердик пункту

Кант аэродрому

4.

№ 1, 2 жасалма учуу-конуу тилкелери

Кант аэродрому

5.

Магистралдык рулдук жолчосу

Кант аэродрому

6.

Бириктирүүчү рулдук жолчосу

Кант аэродрому

7.

Учактарды даярдоо техникалык позициясы

Кант аэродрому

2-берене. Ушул Протокол анын күчүнө кирүүсү үчүн зарыл болгон мамлекеттик ички жол-жоболорду Тараптар аткаргандыгы жөнүндө акыркы жазуу жүзүндөгү билдирүүнү алган убактан баштап күчүнө кирет. Ушул Протокол Макулдашуунун аракетинин мөөнөтүнө түзүлөт.

2019-жылдын "___"_____________ шаарында кол коюлду, эки нускада, ар бири кыргыз жана орус тилдеринде, ошондой болсо да бардык тексттер бирдей күчкө ээ. Ушул Протоколдун жоболорун талкуулоодо пикир келишпестиктер келип чыккан учурда, Тараптар орус тилиндеги текстке кайрылышат.

Кыргыз Республикасынын үчүн

Россия Федерациясы үчүн