КР Президентинин ПБ № 147 «Кыргыз Республикасында 2019-жылдын июнунда Шанхай кызматташтык уюмунун мүчө-мамлекеттеринин башчыларынын кеңешинин кезектеги жыйналышын даярдоо жана өткөрүү боюнча уюштуруу комитетин түзүү жөнүндө» буйругу

КЫРГЫЗ РЕСПУБЛИКАСЫНЫН ПРЕЗИДЕНТИ БУЙРУК 2018-жылдын 21-июну ПБ № 147 (КР Президентинин 2018-жылдын 23-ноябрындагы ПБ № 287 буйругунун редакциясына ылайык) Кыргыз Республикасында 2019-жылдын июнунда Шанхай кызматташтык уюмунун мүчө-мамлекеттеринин башчыларынын кеңешинин кезектеги жыйналышын өз убагында даярдоону жана ийгиликтүү өткөрүүнү, ошондой эле чет мамлекеттердин башчыларын жана расмий делегацияларды кабыл алууну камсыз кылуу максатында:

1. Кыргыз Республикасында 2019-жылдын июнунда Шанхай кызматташтык уюмунун мүчө-мамлекеттеринин башчыларынын кеңешинин кезектеги жыйналышын даярдоо жана өткөрүү боюнча уюштуруу комитети (мындан ары - уюштуруу комитети) кызмат орду боюнча тиркемеге ылайык курамда түзүлсүн.

2. Уюштуруу комитети:

- 2018-жылдын 2-июлуна чейин тийиштүү иш-чаралардын планын иштеп чыксын жана бекитсин;

- 2018-жылдын 2-июлуна чейин пландалган иш-чаралардын негизинде чыгымдардын сметасын түзсүн жана бекитсин;

- жыйналыштарды өткөрүү ордун даярдоо менен байланышкан иш-чараларды координациялоону жүргүзсүн.

3. Уюштуруу комитетине белгиленген тартипте министрликтердин, административдик ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын, мекемелердин, уюмдардын жана ишканалардын адистерин тартууга, ошондой эле ага жүктөлгөн милдеттерди аткаруу үчүн зарыл болгон материалдарды жана маалыматтарды сурап алууга укук берилсин.

З1. Кыргыз Республикасынын Өкмөтүнө Кыргыз Республикасынын Президентинин жана Өкмөтүнүн Иш башкармасы менен бирдикте төмөнкүлөр сунушталсын:

- Кыргыз Республикасында Шанхай кызматташтык уюмунун мүчө-мамлекеттеринин башчыларынын кеңешинин кезектеги жыйналышын өткөрүүгө карата Кыргыз Республикасынын Президентинин № 1 мамлекеттик резиденциясынын объекттерин өз убагында долбоорлоону, курууну, реконструкциялоону камсыз кылуу боюнча тийиштүү чараларды көрсүн;

- бул буйруктан келип чыккан башка иш-чараларды ишке ашырсын.

32. Кыргыз Республикасынын Президентинин жана Өкмөтүнүн Иш башкармасы:

- жогоруда аталган объекттерди долбоорлоого, курууга жана реконструкциялоого заказчы катары Кыргыз Республикасынын Президентинин жана Өкмөтүнүн Иш башкармасынын алдындагы "Кыргыз Республикасынын Президентинин № 1 мамлекеттик резиденциясы" мамлекеттик мекемеси, башкы подрядчы катары Кыргыз Республикасынын Президентинин жана Өкмөтүнүн Иш башкармасынын алдындагы "Кыргызкурулушсервис" мамлекеттик ишканасы аныкталсын;

- уюштуруу комитетинин ишин уюштуруучулук, техникалык жана башка жагынан камсыз кылууну ишке ашырсын.".

(КР Президентинин 2018-жылдын 23-ноябрындагы ПБ № 287 буйругунун редакциясына ылайык)

4. Бул буйруктун аткарылышын контролдоо Кыргыз Республикасынын Премьер-министрине жүктөлсүн.

Кыргыз Республикасынын Президенти

С.Ш.Жээнбеков

Тиркеме Кыргыз Республикасында 2019-жылдын июнунда Шанхай кызматташтык уюмунун мүчө-мамлекеттеринин башчыларынын кеңешинин кезектеги жыйналышын даярдоо жана өткөрүү боюнча уюштуруу комитетинин КУРАМЫ Кыргыз Республикасынын биринчи вице-премьер-министри, уюштуруу комитетинин төрагасы; Кыргыз Республикасынын Президентинин Аппаратынын Жетекчисинин биринчи орун басары, уюштуруу комитетинин төрагасынын биринчи орун басары; Кыргыз Республикасынын Президентинин Аппаратынын тышкы саясат бөлүмүнүн башчысы, уюштуруу комитетинин төрагасынын орун басары; Кыргыз Республикасынын Президентинин жана Өкмөтүнүн иш башкаруучусу, уюштуруу комитетинин төрагасынын орун басары; Кыргыз Республикасынын Президентинин Аппаратынын тышкы саясат бөлүмүнүн эксперти, уюштуруу комитетинин жооптуу катчысы. Уюштуруу комитетинин мүчөлөрү: Кыргыз Республикасынын Жогорку сотунун төрагасы (макулдашуу боюнча); Кыргыз Республикасынын Куралдуу Күчтөрүнүн Генералдык штабынын начальниги; Кыргыз Республикасынын Коопсуздук кеңешинин катчысы; Кыргыз Республикасынын Башкы прокурору; Кыргыз Республикасынын Эсептөө палатасынын төрагасы (макулдашуу боюнча); Кыргыз Республикасынын Улуттук банкынын төрагасы (макулдашуу боюнча); Кыргыз Республикасынын тышкы иштер министри; Кыргыз Республикасынын ички иштер министри; Кыргыз Республикасынын саламаттык сактоо министри; Кыргыз Республикасынын маданият, маалымат жана туризм министри; Кыргыз Республикасынын билим берүү жана илим министри; Кыргыз Республикасынын айыл чарба, тамак-аш өнөр жайы жана мелиорация министри; Кыргыз Республикасынын транспорт жана жолдор министри; Кыргыз Республикасынын эмгек жана социалдык өнүктүрүү министри; Кыргыз Республикасынын өзгөчө кырдаалдар министри; Кыргыз Республикасынын финансы министри; Кыргыз Республикасынын экономика министри; Кыргыз Республикасынын юстиция министри; Кыргыз Республикасынын Улуттук коопсуздук мамлекеттик комитетинин төрагасы; Кыргыз Республикасынын Коргоо иштери боюнча мамлекеттик комитетинин төрагасы; Кыргыз Республикасынын Мамлекеттик чек ара кызматынын төрагасы; Кыргыз Республикасынын Маалыматтык технологиялар жана байланыш мамлекеттик комитетинин төрагасы; Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин төрагасы; Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин директору; Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттигинин директору; Кыргыз Республикасынын Өкмөтүнө караштуу Курчап курган чөйрөнү коргоо жана токой чарбасы мамлекеттик агенттигинин директору; Кыргыз Республикасынын Өкмөтүнө караштуу Мамлекеттик бажы кызматынын төрагасы; Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын төрагасы (макулдашуу боюнча); Кыргыз Республикасынын Президентинин Аппаратынын жарандык өнүктүрүү, диний жана этностук саясат бөлүмүнүн башчысы; Кыргыз Республикасынын Президентинин Аппаратынын мамлекеттик башкаруу саясаты жана уюштуруу-инспектордук иш бөлүмүнүн башчысы; Кыргыз Республикасынын Президентинин Аппаратынын маалыматтык саясат бөлүмүнүн башчысы; Кыргыз Республикасынын Өкмөтүнүн Аппаратынын эл аралык кызматташтык жана интеграция бөлүмүнүн башчысы; Кыргыз Республикасынын Өкмөтүнүн Чүй облусундагы ыйгарым укуктуу өкүлү (макулдашуу боюнча); Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү (макулдашуу боюнча); Кыргыз Республикасынын Өкмөтүнүн Нарын облусундагы ыйгарым укуктуу өкүлү (макулдашуу боюнча); Кыргыз Республикасынын Өкмөтүнүн Ош облусундагы ыйгарым укуктуу өкүлү (макулдашуу боюнча); Бишкек шаарынын мэри; Ош шаарынын мэри (макулдашуу боюнча); Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекциянын директору; Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциясынын директору; Кыргыз Республикасынын Улуттук статистика комитетинин төрагасы (макулдашуу боюнча); Кыргыз Республикасынын Инвестицияларды тартуу жана коргоо боюнча мамлекеттик агенттигинин директору (макулдашуу боюнча); Кыргыз Республикасынын Улуттук илимдер академиясынын президенти (макулдашуу боюнча); Кыргыз Республикасынын Улуттук стратегиялык изилдөөлөр институтунун директору (макулдашуу боюнча); "Манас" эл аралык аэропорту" ачык акционердик коомунун президенти (макулдашуу боюнча); "РСК Банк" ААКнын директорлор кеңешинин төрагасы (макулдашуу боюнча); Кыргыз Республикасынын Соода-өнөр жай палатасынын президенти (макулдашуу боюнча); Кыргыз Республикасынын Шанхай кызматташтык уюмундагы улуттук координатору.