КР Өкмөтүнүн (2017-2022-жылдарга Кыргыз Республикасынын Өкмөтүнүн экстремизмге жана терроризмге каршы аракеттенүү боюнча программасын жүзөгө ашыруунун иш-чаралар планы бекитүү жөнүндө) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2017-жылдын 20-сентябры № 414-б Кыргыз Республикасынын Өкмөтүнүн 2017-жылдын 21-июнундагы № 394 токтому менен бекитилген 2017-2022-жылдарга Кыргыз Республикасынын Өкмөтүнүн экстремизмге жана терроризмге каршы аракеттенүү боюнча программасын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. 2017-2022-жылдарга Кыргыз Республикасынын Өкмөтүнүн экстремизмге жана терроризмге каршы аракеттенүү боюнча программасын жүзөгө ашыруунун иш-чаралар планы (мындан ары - Иш-чаралар планы) бекитилсин.

2. Министрликтер, мамлекеттик комитеттер, административдик ведомстволор, жергиликтүү мамлекеттик администрациялар жана жергиликтүү өз алдынча башкаруу органдары (макулдашуу боюнча):

- министрликтерди, мамлекеттик комитеттерди жана административдик ведомстволорду тийиштүү жылга каржылоого республикалык бюджетте каралган каражаттардын, ошондой эле Кыргыз Республикасынын мыйзамдарында тыюу салынбаган бюджеттик эмес каражаттардын чегинде Иш-чаралар планын жүзөгө ашырууну камсыздашсын;

- квартал сайын отчёттук мезгилден кийинки айдын 5ине чейин Кыргыз Республикасынын Улуттук коопсуздук мамлекеттик комитетинин Террорго каршы борборуна Планды аткаруунун жүрүшү жөнүндө маалымат беришсин.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.

Премьер-министр

С. Дж. Исаков

Тиркеме 2017-2022-жылдарга Кыргыз Республикасынын Өкмөтүнүн экстремизмге жана терроризмге каршы аракеттенүү боюнча программасын жүзөгө ашыруунун ИШ-ЧАРАЛАР ПЛАНЫ

№

Маселелер

Чаралар/Аракеттер

Ишке ашыруу мөөнөтү

Күтүлүүчү натыйжалар (продукт)

Жооптуу аткаруучулар жана өнөктөштөр

1. Экстремизм жана терроризм проблемасын тереңдетүүнү жана каршы аракеттенүүнүн натыйжалуу чараларын иштеп чыгууга көмөк көрсөтүүнү изилдөө ишине колдоо көрсөтүү

1.1

Коомдо экстремисттик жана террористтик идеялардын жанылуу себептерин жана шарттарын изилдөө боюнча социологиялык жана аналитикалык изилдөөлөрдү жүргүзүү

Экстремизмге жана терроризмге каршы аракеттенүүнүн натыйжалуулугун жакшыртуу боюнча практикалык сунуштоолор менен изилдөө жүргүзүү:

а) коомдо экстремизмдин жана терроризмдин жайылуу себептерин жана шарттарын изилдөө боюнча;

б) потенциалдуу экстремисттин жана террористтин социалдык портрети;

в) коомдук аң-сезимде терроризм жана экстремизм келтирген коркунучтун деңгээлин түшүнүү;

г) дин чөйрөсүндө жүргүзүлүп жаткан мамлекеттик саясаттын начар жактарын табуу жана баалоо;

д) социалдык-теологиялык аспектилерди; Кыргыз Республикасында экстремизм идеологиясынын жайылтылышына каршы туруу;

ж) диний уюмдардын иши, Кыргызстанда аларды радикалдашуунун себептери жана кесепеттери.

Экстремизмге жана терроризмге каршы аракеттенүү жаатындагы жеке изилдөө долбоорлорун колдоо

2018-2019-жылдар

Экстремизмге жана терроризмге каршы аракеттенүү жаатында мамлекеттин жана коомдук уюмдардын иш практикасына изилдөөлөрдүн практикалык чечимдери менен сунуштарын жайылтуу Кеңири коомчулуктун жана чечим кабыл алуучу жактардын, органдардын арасында изилдөөнүн жыйынтыктарын жарыялоо жана жайылтуу Изилдөөлөрдү жүргүзүү үчүн ведомстволор аралык өз ара аракеттенүүнү камсыздоо

ДИМК (макулдашуу боюнча), ИИМ, УКМК, УСИИ, УИА донордук жана өкмөттүк эмес уюмдардын ичинен кызыкдар өнөктөштөр менен биргеликте

1.2

Экстремизмге жана терроризмге каршы аракеттенүү жаатында ведомстволор аралык жана эл аралык тажрыйба алмашуу үчүн илимий-практикалык платформаларды кеңейтүү

Экстремизмге жана терроризмге каршы аракеттенүү тажрыйбасын талкуулоо, мындай көрүнүштөр менен күрөшүүнүн жаңы формаларын жана методдорун иштеп чыгуу үчүн республикалык жана эл аралык деңгээлдеги конференцияларды, семинарларды өткөрүү

2017-жылдын II жарым жылдыгы

Мамлекеттик органдардын ишинин натыйжалуулугун жогорулатуу үчүн тажрыйба алмашуу жана сунуштарды иштеп чыгуу

ИИМ, БИМ, УКМК, ЖӨБ жана этностор агенттиги, УСИИ, УИА, ДИМК (макулдашуу боюнча), КМДБ (макулдашуу боюнча)

2. Радикалдык экстремизмге жана терроризмге каршы аракеттенүү чөйрөсүндө маалыматтык-түшүндүрүү ишин жакшыртуу

2.1

Окуган жаштар арасында маалыматтык-түшүндүрүү чараларынын комплексин жүргүзүү

Класстан тышкары ишти, факультативдерди, маалыматтык акцияларды өткөрүү жана окуучулардын укук коргоо органдарынын өкүлдөрү, эксперттер, дин тануучулар менен жолугушууларды уюштуруу

2017-жылдын II жарым жылдыгы-2019-жыл

Жаштарда деструктивдүү идеологиядан туруктуу баш тартууну калыптандыруу

БИМ, ИИМ, УКМК, мамлекеттик ЖМК макулдашуу боюнча: ДИМК, КМДБ, ЖӨБО

Экстремизм жана терроризм идеяларына сын көз караштагы мамилени калыптандыруу максатында окуучулар, жогорку окуу жайлардын, кесиптик орто билим берүү жайларынын студенттери үчүн тематикалык фильмдерди жана роликтерди көрсөтүү

Туруктуу негизде

Окуучулардын экстремизм жана терроризм идеяларына сын көз менен кароо мамилесин иштеп чыгуу (анкета жүргүзүү аркылуу, %)

Билим берүү мекемелеринин окуучу жаштарынын жана окутуучулар курамынын максаттуу аудиториясын камтыган ведомстволук жана өнөктөштүк жалпыга маалымдоо каражаттарында тематикалык жарыялоолорду уюштуруу

БИМдин "Кут билим" ведомстволук газетасында жана башка ЖМКларда жарыялоолордун саны

2.2

Жергиликтүү коомчулуктун арасында экстремизмдин жана терроризмдин алдын алуу боюнча коомдук иш-чаралар менен камтылышын кеңейтүү жана сапатын жогорулатуу

Ар бир райондо жана ири шаарларда жогорку кесипкөй мамлекеттик кызматчылардын, квалификациялуу теологдордун, дин таануучулардын жана коомдук активисттердин ичинен маалыматтык-агартуучу жана эксперттик-консультативдик топторду даярдоо

Жыл сайын

Иш-чаралардын жана тартылган калктын саны (%)

БИМ, УКМК, ДИМК (макулдашуу боюнча), МКК (макулдашуу боюнча)

Диний-экстремисттик, сепаратисттик, террористтик идеологиянын жайылышынын алдын алуу, бөгөт коюу жана аларга болгон кызыгууну төмөндөтүү максатында бардык калктуу конуштарда макулдашылган коомдук иш-чараларды, семинар (тренинг), лекция, тегерек стол, көргөзмө, фильм көрсөтүү, дебат жана башка жалпы элдик иш-чараларды өткөрүү

Экстремизмдин жана терроризмдин коркунучтары, коомдук айыптоо даражасы тууралуу калктын кабардар болуусун жогорулатуу (анкета жүргүзүү аркылуу, %)

2.3

Коомдо терроризм, экстремизм жана радикализм идеяларын кабыл албоону, диний эмес инклюзивдүү жана толеранттуу мамлекеттин, мыйзамдуулуктун жана укуктук тартиптин принциптерин бекемдөөнү калыптандырууга багытталган кошумча маалыматтык материалдарды даярдоо жана жайгаштыруу

Көрүнүктүү диний ишмерлер жана теологдор, маданият ишмерлери, журналисттер жана жарандык активисттер менен кызматташып, террористтик жана экстремисттик уюмдардын ишин дискредитациялоо боюнча атайын иштелип чыккан басылма эмгектерди даярдоо жана жайылтуу

Жыл сайын

Экстремизм жана терроризм коркунучтары тууралуу калктын кабардар болуусунун жана коомдук айыптоо даражасынын деңгээлин жогорулатуу (анкета жүргүзүү аркылуу, %)

ИИМ, ММТМ МУКК, ЖӨБЭАМА, мамлекеттик ЖМК донордук жана өкмөттүк эмес уюмдардын ичинен катышы бар өнөктөштөр менен бирге

Бекитилген маалыматтык билдирүүлөр жана чакырыктар бар тышкы социалдык жарнаманы даярдоо жана жайгаштыруу

Даярдалган үгүт материалдарынын саны жана түрлөрү

Жалпы адамзаттык рухий-адеп-ахлактуу баалуулуктарга, толеранттуулукка жана гуманизмге чакыруучу, экстремиздин, терроризмдин коркунучтарын ачуучу атайын телеберүүлөрдүн жана рубрикалардын, медиадолбоорлордун, социалдык жарнамалардын, документалдык фильмдердин циклин иштеп чыгуу жана берүү

Калктуу конуштарды тышкы социалдык жарнама менен камтуу

Экстремизмге жана терроризмге каршы багытталган видео жана текст материалдарын жалпыга маалымдоо каражаттарына, социалдык тармактарга жана башка Интернет ресурстарына даярдоо жана жайылтуу; Коомдук пикир менен контрнарратив жаратуу үчүн пропагандалык эмес материалдарды социалдык тармактардагы тематикалык баракчаларды жайгаштыруу жана активдүү интернет колдонуучуларын мобилизациялоо

Жалпыга маалымдоо каражаттарына чыгуучу телекөрсөтүүнүн, рубриканын, медиадолбоордун, социалдык жарнаманын саны жана камтуусу, максаттуу аудиторияга жайылуусу (%)

2.4

Диний экстремизм идеяларына карты аракеттенүү максатында калктын диний сабаттуулугунун деңгээлин жогорулатууга көмөк көрсөтүү

Түрдүү диндин жана зомбулукту айыптаган баалуулуктардын негиздери жөнүндө ДИМК сунуштаган маалыматтык-агартуу материалдары менен окуу куралдарын чыгаруу жана коомчулукка, жалпыга маалымдоо каражаттарына жана Интернет тармагына жайылтуу

Жыл сайын

Калктын диний сабаттуулугунун деңгээлин жогорулатуу жана зомбулукту пропагандалоого туруктуулугун бекемдөө

ДИМК (макулдашуу боюнча), КМДБ (макулдашуу боюнча), мамлекеттик ЖМК жана КТРК

"Жума Хутбалары" көрсөтүүсүн КТРКга кайра чыгаруу, КМДБ жана ДИМК бекитүүчү маалыматтык кабарларды берүү үчүн башка телеканалдарга кошумча эфир убактысын бөлүү

Даярдалган маалыматтык материалдардын, көрсөтүүлөрдүн саны жана негизги максаттуу аудиторияны сан жагынан камтуусу

Көрүнүктүү диний ишмерлердин, КМДБ, жергиликтүү бийлик органдарынын жана укук коргоо органдарынын өкүлдөрүнүн катышуусунда мечиттерде атайын иш-чараларды жүргүзүү

Иш-чаралардын саны жана катышуучуларды камтуусу

Мамлекеттик органдар, жергиликтүү өз алдынча башкаруу органдары менен биргеликте имамдар, казыят жана диний билим берүү мекемелеринин кызматкерлерине окутуу иш-чараларын уюштуруу Диний экстремизмге каршы аракеттенүү боюнча КМДБ кызматкерлерине методологиялык колдонмону даярдоо

Даярдыктан жана кайра даярдыктан өткөн кызматкерлердин саны

2.5

Экстремизмге жана терроризмге каршы аракеттенүү жаатында жүргүзүлүүчү мамлекеттик саясат тууралуу калкка маалымдоо

Кыргыз Республикасынын Өкмөтү жүргүзүүчү экстремизмге жана терроризмге каршы аракеттенүү жаатындагы мамлекеттик саясатты жана көрүлүүчү чараларды ЖМКда чагылдыруу Программанын алкагында ишке ашырылуучу коомдук иш-чараларды кеңири маалыматтык коштоо менен уюштуруу ЖМК өкүлдөрүн экстремизм жана терроризм тематикасына байланышкан маселелерди кесипкөй чагылдыруу методологияларына окутуп-үйрөтүү

Жыл сайын

Даярдалган маалыматтык материалдардын, көрсөтүүлөрдүн саны жана негизги максаттуу аудиторияны сан жагынан камтуусу

ИИМ, УКМК, ДИМК (макулдашуу боюнча), донордук жана өкмөттүк эмес уюмдардын ичинен кызыкдар өнөктөштөр менен бирге мамлекеттик ЖМК

3. Диний билим берүү жана миссионердик иш чөйрөсүндөгү радикалдашуу коркунучун төмөндөтүү

3.1

Мектептеги билим берүү системасына диний экстремизм көрүнүштөрүнүн алдын алуу жагында дин таануу курсун киргизүү

Мектептеги билим берүү мамлекеттик программасына "Дин маданиятынын тарыхы" курсун киргизүү Аталган курсту методологиялык коштоо үчүн окуу-методикалык программаны жана окуу куралын иштеп чыгуу

2018-2019-жылдар

Окуучулардын экстремизм жана терроризм идеяларына сын көз караштагы мамилесин калыптандыруу (анкета жүргүзүү аркылуу, %) Тийиштүү класстардын окуучуларын камтуу (%)

БИМ, ДИМК (макулдашуу боюнча)

3.2

Кыргыз Республикасындагы диний билим берүү мекемелеринин ишин жөнгө салууну жакшыртуу

Кыргыз Республикасындагы бардык диний билим берүү мекемелеринин окуу программаларынын мазмунуна БИМ жана ДИМК тарабынан кошумча контролдоо үчүн ченемдик укуктук базаны иштеп чыгуу жана киргизүү

Жыл сайын

Диний билим берүү мекемелеринин окуучуларынын жалпы билим берүү деңгээлин жогорулатуу (мониторингдин жыйынтыгы боюнча)

БИМ, ДИМК (макулдашуу боюнча) КМДБ (макулдашуу боюнча)

Окуу программасына жалпы билим берүү предметтерин киргизүү максатында диний билим берүү мекемелериндеги билим берүү стандарттарын жөнгө салуучу ченемдик укуктук базаны иштеп чыгуу жана киргизүү

Диний билим берүү мекемелериндеги жалпы билим берүү стандарттары тууралуу тийиштүү ченемдик укуктук актыларды кабыл алуу жана ишке ашыруу

3.3

Чет өлкөлөрдө диний билим алган Кыргыз Республикасынын жарандарынын радикалдашуу потенциалын төмөндөтүү

Кыргыз Республикасындагы диний чөйрөсүндөгү абалга түз же кыйыр түрдө деструктивдүү таасир берген мекемелерди өз убагында табуу максатында чет өлкөлөрдөгү диний окуу жайлардын иши тууралуу аналитикалык баяндама даярдоо

2017-жылдын II жарым жылдыгы - 2019-жыл

Кыргыз Республикасынын Өкмөтүнүн "Кыргыз Республикасында дин таануу жана диний билим берүү жөнүндө жобону бекитүү тууралуу" чечимин кабыл алуу

ДИМК (макулдашуу боюнча), КМДБ (макулдашуу боюнча), БИМ, ТИМ, УКМК

Чет өлкөлөрдөгү диний билим берүү жайларында билим алууга Кыргыз Республикасынын жарандарын борборлоштуруп тандоо жана жөнөтүү тартиби жөнүндө жобону иштеп чыгуу жана бекитүү;

Чет өлкөлөрдө диний билим алып жаткан Кыргыз Республикасынын жарандарынын радикалдашуусун алдын алуу (Программага мониторинг жүргүзүүнүн жыйынтыгы боюнча)

Кыргыз Республикасынын жарандары билим алышы мүмкүн болгон сунушталган диний билим берүү мекемелеринин тизмесин жана Кыргыз Республикасында чет өлкөлүк диний окуу жайлардын дипломдорун таануу системасын иштеп чыгуу жана бекитүү; Чет өлкөлөрдө диний билим алып жаткан Кыргыз Республикасынын жарандарынын тизмесин түзүү Жүргөн өлкөнүн мыйзамдарын сактоо жана тыюу салынган диний уюмдарга азгырбоо максатында чет өлкөлөрдө диний билим алып жаткан Кыргыз Республикасынын жарандарына маалыматтык-түшүндүрүү иштерин жүргүзүү

Чет өлкөлөрдө диний билим алып жаткан Кыргыз Республикасынын жарандарынын арасындагы маалыматтык-түшүндүрүү иштеринин саны

3.4

Зомбулук жана көрө албастык идеяларын пропагандалаган миссионердик иштин алдын алуу

Диний билим берүү жана миссионердик ишти жүргүзүү максатында Кыргыз Республикасына чет өлкөлүк борборлор менен уюмдардан келген миссионерлерди контролдоо боюнча ведомстволор аралык өз ара аракеттенүү системасын уюштуруу

Жыл сайын

Миссионерлердин ишин контролдоону күчөтүү жана коом үчүн укукка жат иштин тобокелдигин төмөндөтүү

ДИМК (макулдашуу боюнча), КМДБ (макулдашуу боюнча), кызыкдар министрликтер жана ведомстволор

Кыргыз Республикасынын аймагында даават ишин жөнгө салуу жөнүндө жобону иштеп чыгуу жана бекитүү

Чет өлкөлүк эмиссарлардын мыйзамсыз келүүсүн жана тыюу салынган миссионердик, жалдоо ишинин алдын алуу

4. Экстремизм жана терроризм көрүнүштөрү менен күрөшүү боюнча ыйгарым укуктуу мамлекеттик органдардын потенциалын чыңдоо

4.1

Экстремизм жана терроризм көрүнүштөрү менен күрөшүү иш-чараларына тартылган күч түзүмдөрүнүн кызматкерлеринин потенциалын жогорулатуу

Кыргыз Республикасынын жана чет өлкөлөрдүн тийиштүү мекемелеринде жана окуу борборлорунда, ошондой эле квалификацияны жогорулатуунун ведомстволор ичиндеги программаларынын базасында террорго каршы күрөшүп, экстремизмге каршы аракеттенип жаткан укук коргоо органдарынын жетектөөчү кызматкерлерин жана Кыргыз Республикасынын Куралдуу Күчтөрүнүн аскер кызматчыларын максатка багыттап даректүү даярдоону, кайра даярдоону жана стажировкадан өткөрүүнү уюштуруу

Жыл сайын

Иш-чаралардын жана даярдоодон, кайра даярдоодон өткөн кызматкерлердин саны

ИИМ, УКМК, КР КК ГШ (макулдашуу боюнча), Коргоо комитети, МЧК, ЖАМК

4.2

Укук коргоо органдарынын жана күч түзүмдөрүнүн штатын ылайыкташтыруу

Терроризм жана диний экстремизм менен күрөшүүнүн натыйжалуулугун жогорулатуу максатында мониторинг жүргүзүү, терроризм, экстремизм идеологиясынын жайылуусуна, Интернет сайттары аркылуу жалдоо процессине каршы аракеттенүү иш-чараларын уюштуруу менен алектенген УКМК жана ИИМ кызматкерлеринин штаттык санын көбөйтүү мүмкүнчүлүгүн кароо

2017-жылдын аягына чейин

Улуттук коопсуздук коркунучтарына жана чакырыктарына каршы натыйжалуу аракеттенүүгө жетишүү

ФМ, УКМК, ИИМ, КР КК ГШ жана МКК (макулдашуу боюнча), МКЧ, Коргоо комитети

Укук коргоо органдарынын жана Кыргыз Республикасынын Куралдуу Күчтөрүнүн уюштуруу-штаттык түзүмүнө "теолог" кызмат ордун киргизүү

Кыргыз Республикасынын мыйзамдарына тиешелүү оңдоолорду киргизүү

4.3

Экстремизмге жана терроризмге каршы аракеттенүү иш-чараларына тартылган мамлекеттик органдардын жана жергиликтүү өз алдынча башкаруу органдарынын кызматкерлерин потенциалын жогорулатуу

Мамлекеттик органдардын, жергиликтүү өз алдынча башкаруу органдарынын жана башка кызыкдар түзүмдөрдүн кызматкерлерине семинарларды, тренингдерди республика боюнча уюштуруу жана өткөрүү

Жыл сайын

Жер-жерлерде өткөрүлгөн тренингдердин жана ага тартылган тийиштүү түзүмдөрдүн өкүлдөрүнүн саны

ИИМ, УКМК, ДИМК (макулдашуу боюнча)

4.4

Кыргыз Республикасынын диний билим берүүнү өз ара аракетке келтирүү, жөнгө салуу жана контролдоо боюнча билим берүү системасынын потенциалын өстүрүү

Кыргыз Республикасынын окуу жайларындагы педагогикалык жана окутуучулук курамдын дин таануу сабаттуулугун жогорулатуу боюнча семинар-тренингдерди өткөрүү

Жыл сайын

"Дин таануу" адистиги боюнча даярдалган кадрлардын болушу Диний билим берүү боюнча жогорку, кесиптик орто билим берүү окуу жайларынын окутуучуларынын жана мектеп мугалимдеринин квалификациясын жогорулатуу, максаттуу аудиторияны камтуу (%)

БИМ, ДИМК (макулдашуу боюнча)

5. Даректүү максаттуу топтор менен алдын алуу иштерин өркүндөтүү

5.1

Соттолгондордун билимин, диний сабаттуулугун жогорулатуу

Дин өкүлдөрүнүн, дин, экстремизм жана терроризм чөйрөсүндөгү көз карандысыз эксперттердин катышуусунда соттолгон жарандарга маалыматтык-түшүндүрүү иштерин жүргүзүү

Жыл сайын

Зомбулук идеологиясын жактаган соттолгондордун санын кыскартуу

ЖАМК, УКМК, ИИМ, КМДБ жана ДИМК (макулдашуу боюнча)

5.2

Соттолгондорду коомдоштуруу жана эмгектенүү үчүн шарттарды жакшыртуу

Экстремисттик жана террористтик аракеттери үчүн соттолгон адамдарга эркиндигинен ажыратылган жайларда жумуш ордун түзүү; интеллигенция өкүлдөрү менен чыгармачыл жолугушууларды өткөрүү, улуттук жамааттык концерттерди уюштуруу; соттолгондорго чыгармачыл ийримдерди уюштуруу

Жыл сайын

Экстремисттик, террористтик аракеттерди пропагандалоо жана жүргүзүү боюнча соттолгондорду иш менен камсыздоо деңгээлин жогорулатуу Чыгармачыл иш-чаралардын жана катышуучулардын саны

ЖАМК

5.3

Террористтик, экстремисттик мүнөздөгү кылмыш жасап эркиндигинен ажыратуу жайынан бошотулган адамдарга реабилитациялоо системасын түзүү

Террористтик, экстремисттик мүнөздөгү кылмыш жасап эркиндигинен ажыратуу жайынан бошотулган адамдар үчүн жарандык реабилитациялык, реинтеграциялык борборлорду түзүү жана адаптациялоо, ишке орноштуруу жана мониторингдөө иш-чараларын жүргүзүү

Жыл сайын

Жазык-аткаруу системасынын мекемелериндеги эркиндигинен ажыратуу жайынан бошотулган адамдардын саны (%)

ЖАМК, ИИМ, УКМК, макулдашуу боюнча: ЖӨБО, КМДБ

5.4

Кыргыз Республикасынын эмгек мигранттары жана диаспоралары менен профилактикалык иштерди жакшыртуу

Эмгек мигранттарынын экстремисттик жана террористтик уюмдарга тартылышын азайтуу максатында профилактикалык иштерди жүргүзүү боюнча чет өлкөлүк диаспоралар менен ишти күчөтүү Экстремисттик жана террористтик идеологиянын жайылуусунун алдын алуу жана бөгөт коюу боюнча тегерек столдорду, коомчулук менен макулдашылган иш-чараларды өткөрүү

2018-2019-жылдар

Эмгек мигранттарынын экстремисттик жана террористтик коркунучтар тууралуу кабардар болуу деңгээлин жогорулатуу. Үгүт материалдарын даярдоо жана жайылтуу

Миграция кызматы, ТИМ, УКМК, ДИМК (макулдашуу боюнча)

6. Экстремизмди жана терроризмди табууга жана бөгөт коюуга багытталган оперативдүү-аналитикалык ишти кеңейтүү

6.1

Жарандык коом менен кызматташуу аркылуу экстремизмди жана терроризмди табуу жана бөгөт коюу боюнча чараларды аналитикалык коштоону күчөтүү

Кыргыз Республикасынын улуттук коопсуздугуна коркунуч келтирген топтордун, кыймылдардын жана уюмдардын иш-аракети тууралуу оперативдүү-аналитикалык баяндаманы даярдоо, баяндама алардын ишине тыюу салуу жана бөгөт коюу боюнча сунуштарды камтыйт

Жарым жылдыктардын жыйынтыгы боюнча

Экстремизмдин жана терроризм багыты боюнча Кыргыз Республикасынын улуттук коопсуздугуна коркунуч келтирген топтордун, кыймылдардын жана уюмдардын иш-аракетин кеңири түшүнүү

УКМК, ИИМ, ЭККМК (компетенциясынын чегинде), ДИМК (макулдашуу боюнча)

6.2

Жалпыга маалымдоо каражаттарында жана Интернет тармактарында экстремизм жана терроризм идеяларын жайылтуунун алдын алуу

Кыргыз Республикасында жалпыга маалымдоо каражаттарында жана Интернет-булактарында экстремизм жана терроризм идеяларын пропагандалаган материалдарга дайыма талдоо жана мониторинг жүргүзүү системасын түзүү Экстремисттик жана террористтик уюмдар менен байланышкан кибер коркунучтардын алдын алуу жана талдоо жүргүзүү боюнча адистештирилген борбор түзүү Маалыматтык каршы аракеттенүү жана контрнарративдерди иштеп чыгуу боюнча практикалык сунуштоолор менен жалпыга маалымдоо каражаттарынын мониторингинин негизинде аналитикалык баяндама даярдоо Заманбап байланыш каражаттарын жана Интернетти пайдалануу менен экстремисттик жана террористтик уюмдардын жалдоо жана агитациялык иштерине каршы аракеттенүү боюнча чаралардын системасын (уюштуруучулук, ченемдик укуктук мүнөздөгү) иштеп чыгуу

Жыл сайын

Ачылган материалдардын саны Баяндаманын негизинде сунуш киргизүү Интернет мейкиндигиндеги ЭТУ жана ДЭУ мүчөлөрүнүн жалдоо жана агитациялык иштерин жок кылуу

ИИМ, УКМК, МСЭК, ДИМК (макулдашуу боюнча) УКМК, ИИМ, ЖМК, Башпрокуратура (макулдашуу боюнча)

6.3

Экстремизмди жана терроризмди каржылоого каршы аракеттенүү боюнча алдын ала эскертүү чараларын күчөтүү

Кыргыз Республикасынын компетенттүү органдары (ИИМ, УКМК, ТИМ, Башпрокуратура, КК), башка мамлекеттер жана эл аралык уюмдар менен өз ара аракеттенип, Кыргыз Республикасынын мыйзамдарына ылайык террористтик, экстремисттик иштерге жана жапырт кыргын салуучу куралга тиешеси бар адамдардын тизмесин түзүү

Жыл сайын

ДЭУ жана ЭТУ каржылоо каналдарын жабуу максатында акча каражаттарын токтотуу

ИИМ, УКМК, ФЧМК

7. Антиэкстремисттик жана антитеррористтик практикалык иш-чараларды уюштуруу

7.1

Талдоо, божомолдоо, координациялоо жана антитеррористтик субъектилердин өз ара аракеттенүүсү, таасирдүү антитеррористтик иш-чараларды иштеп чыгуу

Террорго каршы корголгон стратегиялык объектилердин алсыз жана проблемалуу участокторун табууга багытталган талдоолорду жүргүзүү. Тиричилик жактан камсыздоо объектилеринин туруктуу иштешин камсыздоо, режимдик объектилерди кайтаруу жана коргоо, өткөрүү режимин күчөтүү жолу менен алардын аймагына чоочун адамдардын мыйзамсыз кирүүсүнүн алдын алуу боюнча толук чараларды көрүү Объектилердин коопсуздугун камсыздоо режимин Кыргыз Республикасынын Өкмөтүнүн 2015-жылдын 12-февралындагы № 56 токтому менен бекитилген Стратегиялык объектилердин иштөө режимине жана эксплуатациялоо талаптарына ылайык келтирүү Окуу жайларында жана саламаттык сактоо мекемелеринде тийиштүү күзөтүүнү уюштуруу жолу менен коопсуздук жана өткөрүү режимин күчөтүү, эвакуациялоо схемасын түзүү, коопсуздук боюнча жооптуу адамдарды аныктоо боюнча чараларды көрүү

Жыл сайын

Стратегиялык объектилерге жана мамлекеттик мекемелерге кирүүгө жана террористтик актыларды жасоого жол бербөө

УКМК, ИИМ, КР КК УГ (макулдашуу боюнча), стратегиялык объектилердин жетекчилери, БИМ, ССМ

7.2

Экстремисттик жана террористтик уюмдардын мүчөлөрүн жана мүчөлөрүнүн тарапташтарын табууну изин суутпай издөө жана профилактикалык иш-чараларды күчөтүү

Төмөнкү комплекстик, макулдашылган изин суутпай издөө жана профилактикалык иш-чараларды уюштуруу жана өткөрүү:

- тыюу салынган диний-экстремисттик, террористтик уюмдардын жана башка деструктивдүү элементтердин жаңы мүчөлөрүн жана тарапташтарын табуу, ошондой эле аларды эсепке алуу, мүчөлөрдүн маалымат базасын жаңылоо;

- деструктивдүү диний агымдардын активдүү мүчөлөрүнүн, лидерлеринин, эсепке алынган адамдардын иш-аракетин туруктуу контролдоо, алардын тыюу салынган диний-экстремисттик, террористтик уюмдардын идеологиясын жаңы мүчөлөрүнө, тарапташтарына жайылтып өздөрүнүн катарына тартуу, жергиликтүү өз алдынча башкаруу жана мамлекеттик органдардын ишине кийлигишүү фактыларын табуу жана бөгөт коюу;

- республиканын; аймагынан тышкары куралдуу чыр-чатак болгон аймакка кеткен, ошондой эле экстремисттик уюмдар менен байланышта болгон чет өлкөлүк диний окуу жайларында окуган адамдарды табуу жана алардын туугандарынын, башка байланыштарынын ишине кызыкдар болгон мамлекеттик органдар менен биргеликте бирдиктүү эсепке алуу жана контролдоо

Квартал сайын

Табылган фактылардын саны Диний-экстремисттик жана эл аралык террористтик: уюмдардын мүчөлөрүнүн келүү каналдарын жабуу

ИИМ, УКМК, МЧК

7.3

Экстремисттик, террористтик уюмдардын мүчөлөрүнүн кирүүсүнө бөгөт коюу максатында чек ара контролунун натыйжалуулугун жогорулатуу

Бардык өткөрүү пункттарында кирүү, чыгуу каналдарын сапаттуу контролдоо максатында ТМБЭС системасын киргизүүнүн жол-жобосун тездетүү

Дайыма

Экстремисттик уюмдардын, контрабандалык экстремисттик адабияттын кирүүсүнө бөгөт коюу;

- эл аралык террористтик жана диний- экстремисттик, уюмдардын мүчөлөрүн, алардын жардамчыларын табуу;

Кыргыз Республикасынын аймагына чет өлкөлүк эмиссарлардын жана эл аралык террористтик уюмдардын жана диний экстремисттик уюмдардын согушчандарынын кирип келүүсүнө жана эркин жүрүүсүнө жол бербөө

МЧК аймактык органдар менен биргеликте, ИИМ жана УКМК

7.4

Экстремизмди жана. терроризмди камсыздоочу каржылоо ишинин булактарын, каналдарын табуу, бөгөт коюунун натыйжалуулугун жогорулатуу

Укук коргоо органдары берген терроризмди жана экстремизмди каржылоого катыштыгы болушу мүмкүн болгон адамдардын тизмесине туруктуу түрдө финансылык мониторинг жүргүзүү Эл аралык терроризм жана диний-экстремисттик уюмдар менен байланышы мүмкүн болгон адамдар менен уюмдардын банктык эсептеринин мониторинги боюнча комплекстүү чараларды иштеп чыгуу жана аныктоо

2017-жылдын декабрь айына чейин

ДЭУ жана ЭТУ каржылоо каналдарын жабуу

ФЧМК, ИИМ, УКМК

7.5

Курал-жаракка, ок-дарыга жана жарылгыч заттарга көзөмөлдү күчөтүү үчүн террорго каршы практикалык иш-чараларды уюштуруу

Криминалдык түзүлүштөрдүн террористтик уюмдар менен биригип кетүүсүнө жол бербөө, ошондой эле аталган уюмдардын курал-жарак жана башка тыюу салынган буюмдарды сатып алууга аракет жасоосуна бөгөт коюу максатында ок атуучу курал, ок-дары жана жарылгыч заттарды мыйзамсыз жүгүртүү менен күрөшүү ишин күчөтүү Ок атуучу куралдарды, ок-дарыны, ууландыруучу жана уу заттарды белгиленген талаптарга ылайык сактоону, эсепке алууну, кайтарууну контролдоону күчөтүү Жалпы билим берүү мекемелериндеги үйрөнүүгө арналган куралдарды инвентаризациялоо

Дайыма

Криминалдык түзүлүштөр аркылуу курал-жарак, ок-дары, жарылгыч заттар менен жардыруучу түзүлүштөрдү сатып алуусуна жана алардын террористтик ишке тартылуусуна жол бербөө

ИИМ, УКМК, КР КК ГШ (макулдашуу боюнча), МЧК жана башка аскердик түзүлүштөр

7.6

Диний экстремисттик жана террористтик идеологиянын укук коргоо жана атайын мамлекеттик органдарга, ошондой эле Куралдуу Күчтөрдө, башка аскерлерде жана аскердик түзүлүштөрдө кызмат өтөгөн аскер кызматчыларынын арасына жайылуусунун алдын алуу

Изилдөөгө жана кызматка алууга тандоо, аскердик Кызматка чакыруу үчүн талапкердин жакын туугандарын, чөйрөсүн кылдат текшерүү, ага ылайык укук коргоо органдарынын кызматкерлеринин жана Кыргыз Республикасынын Куралдуу Күчтөрүнүн аскер кызматчыларынын арасында радикалдашууну жоюу максатында терроризм жана экстремизм коркунучун эске алып жана Кыргыз Республикасынын Куралдуу Күчтөрүнүн жалпы аскердик уставдарына өзгөртүүлөрдү, толуктоолорду киргизүү маселесин кароо

Дайыма

ЭТУ жана ДЭУ мүчөлөрүнүн, бузуку идеологиясынын Кыргыз Республикасынын Куралдуу Күчтөрүнө жана Кыргыз Республикасынын укук коргоо органдарына кирүүсүнө жол бербөө

Министрликтер жана ведомстволор (тиешелүү)

8. Террористтик жана экстремисттик ишке каршы аракеттенүүнүн мыйзам чыгаруу механизмдерин жакшыртуу

8.1

Коопсуздук кеңешинин тийиштүү резолюцияларынын жоболорун жана терроризм менен күрөшүү боюнча эл аралык документтерди Кыргыз Республикасынын мыйзамдарына кошуу

Кыргыз Республикасынын мыйзамдарына оңдоолорду жана толуктоолорду иштеп чыгуу, бекитүү үчүн төмөнкүдөй эл аралык документтерди аткаруу зарыл:

- Кеме жүргүзүү коопсуздугуна каршы мыйзамсыз актылар менен күрөшүү жөнүндө 1988-жылдагы конвенция жана анын протоколу,

- Континенталдык шельфте жайгашкан стационардык платформалардын коопсуздугуна каршы багытталган мыйзамсыз актылар менен күрөшүү жөнүндө 1988-жылдагы протокол жана анын 2005-жылдагы протоколу,

- Эл аралык жарандык авиацияга карата мыйзамсыз актылар менен күрөшүү тууралуу 2010-жылдагы конвенция, Аба кемелерин мыйзамсыз барымтага алуу менен күрөшүү тууралуу 1971-жылдагы (Гаага) конвенциянын протоколу жана Аба кемелеринин бортунда жасалуучу кылмыштар жана башка айрым актылар тууралуу конвенцияны өзгөртүүчү 2014-жылдагы протокол

Дайыма

Коопсуздук кеңешинин тийиштүү резолюцияларынын жоболоруна жана терроризм менен күрөшүү боюнча эл аралык документтерди Кыргыз Республикасынын мыйзамдарына кошуу жана Кыргыз Республикасынын аткаруусу

УКМК, Миграция кызматы, ИИМ, ТИМ, ТЖМ

8.2

Диний экстремизмге жана терроризмге каршы аракеттенүү боюнча мыйзам чыгаруу базасын жакшыртуу

Террористтик жана экстремисттик ишке каршы аракеттенүү чараларын мындан ары жакшыртуу боюнча сунуштарды иштеп чыгуу максатында террористтик жана диний экстремисттик иш менен күрөшүү жаатындагы мыйзамдарга, атап айтканда "Экстремисттик аракеттерге каршылык көрсөтүү жөнүндө", "Кыргыз Республикасындагы дин тутуу эркиндиги жана диний уюмдары жөнүндө", "Изин суутпай издөө иши жөнүндө", Кыргыз Республикасынын мыйзамдарына, Жазык-процесстик кодексин, Кылмыш-жаза кодексине, "Жергиликтүү өз алдынча башкаруу жана жергиликтүү мамлекеттик администрация жөнүндө", "Билим берүү жөнүндө" мыйзамдарына ж.б. талдоо жүргүзүү БИМ, ДИМК кызыкдар мамлекеттик түзүмдөр менен бирге "Диний билим берүү жана Кыргыз Республикасынын диний билим берүүчү мекемелери жөнүндө" мыйзам долбоорун белгиленген тартипте иштеп чыгуу жана киргизүү Террористтик жана экстремисттик иш үчүн, экстремизм жана терроризм үчүн соттолгон адамдарга мунапыс берүүдө жана аларды кармоо режиминде жазык жоопкерчилигин күчөтүү максатында Кыргыз Республикасынын мыйзамдарына өзгөртүүлөрдү жана толуктоолорду киргизүүнү кароочу ченемдик укуктук актынын долбоорун иштеп чыгуу

2017-жылдын II жарым жылдыгы

Терроризм жана диний экстремизмге каршы аракеттенүү жаатындагы ченемдик жана укуктук базадагы кемчиликтерди жоюу

УКМК, ФЧМК, ИИМ, МБК, ЭККМК, ЖАМК, БИМ, ДИМК (макулдашуу боюнча), Башпрокуратура (макулдашуу боюнча)

9. Программаны аткаруу боюнча өз ара аракеттенүүнү жана контролдоону уюштуруу

9.1

Программаны аткаруу боюнча ыйгарым укуктуу органдардын өз ара аракеттенүүсүнүн натыйжалуулугун жогорулатуу

Программаны ишке ашыруу маселелери боюнча кеңейтилген коллегия жыйындарын өткөрүү Өз ара аракеттенүү, мониторинг жана жергиликтүү деңгээлде ыкчам аракеттенүү механизми катары экстремизм жана терроризм маселелерин кароо үчүн жергиликтүү өз алдынча башкаруу органдарынын алдында коомдук комитеттерди түзүү, аталган комитеттерди этностор аралык кеңештер, диний ишмерлер жана жергиликтүү өз алдынча башкаруу органдары менен биргеликте укук коргоо органдары түзөт Экстремизмди жана терроризмди пропагандалоо көрүнүштөрүнө бөгөт коюуга багытталган укук коргоо органдарынын иш-аракеттерин координациялоону күчөтүү

Дайыма

Жүргүзүлүүчү эскертүү-профилактикалык иштин натыйжалуулугу (мониторингдин жыйынтыгы боюнча)

КРӨнүн облустардагы өкүлдөрү, жергиликтүү мамлекеттик администрациялар, министрликтер, ведомстволор, макулдашуу боюнча: Бишкек жана Ош шаарларынын мэриялары, ЖӨБО жана ДИМК

9.2

Программанын натыйжалуу аткарылышын контролдоо

Иш-чаралар планынын негизинде ушул Программаны ишке ашырууну баалоо жана мониторинг жүргүзүү системасын иштеп чыгуу. Аткаруу бийлигинин аймактык органдарынын алдында 2017-2022-жылдарга Кыргыз Республикасынын Өкмөтүнүн экстремизмге жана терроризмге каршы аракеттенүү боюнча программасын ишке ашыруу боюнча иш-чаралар планына мониторинг жүргүзүү үчүн ар дайым иштеген ведомстволор аралык жумушчу топторду түзүү. Белгиленген мөөнөттө тийиштүү иш-чараларды пландоо жана ишке ашыруу, ишке тартылган мамлекеттик түзүмдөрдүн бөлүмдөрүнүн өз ара аракеттенүүсүн уюштуруу. Мамлекеттик органдардын жетекчилеринин Программанын өздөрүнө тиешелүү бөлүгүнүн аткарылышын контролдоосу

Дайыма

Программаны натыйжалуу, өз убагында аткаруу

УКМК, ИИМ, министрликтер, ведомстволор, КРӨнүн облустардагы өкүлдөрү, жергиликтүү мамлекеттик администрациялар, макулдашуу боюнча: ЖӨБО, Бишкек жана Ош шаарларынын мэриялары, ДИМК

Кыскартуулардын тизмеси: ИИМ - Кыргыз Республикасынын Ички иштер министрлиги ТИМ - Кыргыз Республикасынын Тышкы иштер министрлиги ФМ - Кыргыз Республикасынын Финансы министрлиги БИМ - Кыргыз Республикасынын Билим берүү жана илим министрлиги МЧК - Кыргыз Республикасынын Мамлекеттик чек ара кызматы УКМК - Кыргыз Республикасынын Укуктук коргоо мамлекеттик кызматы КМК - Кыргыз Республикасынын Коргоо иштери боюнча мамлекеттик комитети ЖАМК - Кыргыз Республикасынын Жаза аткаруу мамлекеттик кызматы ФЧМК - Кыргыз Республикасынын Финансылык чалгындоо мамлекеттик кызматы ЭККМК - Кыргыз Республикасынын Өкмөтүнө караштуу экономикалык кылмыштуулукка каршы күрөшү боюнча мамлекеттик кызматы Миграция кызматы - Кыргыз Республикасынын Мамлекеттик миграция кызматы МСЭК - Кыргыз Республикасынын Өкмөтүнө караштуу Мамлекеттик соттук-эксперттик кызматы ЖӨБ жана этностор агенттиги - Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги КРӨнүн облустардагы өкүлдөрү - Кыргыз Республикасынын Өкмөтүнүн Облустардагы ыйгарым укуктуу өкүлдөрү КР КК ГШ - Кыргыз Республикасынын Куралдуу Күчтөрүнүн Генералдык штабы ДИМК - Кыргыз Республикасынын Президентине караштуу дин иштери боюнча мамлекеттик комиссиясы Башпрокуратура - Кыргыз Республиканын Башкы Прокуратурасы МКК - Кыргыз Республиканын Мамлекеттик кадр кызматы Жогорку сот - Кыргыз Республиканын Жогорку соту КР КК УГ - Кыргыз Республиканын Куралдуу Күчтөрүнүн Улуттук гвардиясы УСИИ - Кыргыз Республиканын Стратегиялык изилдөө мамлекеттик институту УИА - Кыргыз Республикасынын Улуттук илимдер академиясы ЖМБ - Жергиликтүү мамлекеттик башкаруу ЖӨБ - Жергиликтүү өз алдынча башкаруу КМДБ - Кыргызстан мусулмандарынын диний башкармалыгы ДЭУ - диний экстремисттик уюмдар ЭТУ - эл аралык террористтик уюмдар ММК - массалык маалымат каражаты