# КР Өкмөтγнγн 2016-жылдын 21-ноябрындагы № 497-б (Кыргыз Республикасынын Финансы министрлиги Нарын шаарынын мэриясы менен Субкредиттик макулдашууну түзүү жөнүндө) буйругу - Толук аталышы: КР Өкмөтγнγн 2016-жылдын 21-ноябрындагы № 497-б (Кыргыз Республикасынын Финансы министрлиги Нарын шаарынын мэриясы менен Субкредиттик макулдашууну түзүү жөнүндө) буйругу - Актынын түрү: Распоряжение - Номери: 497-р - Кабыл алынган күнү: 21.11.2016 - Статусу: Күчүндө - Редакциянын күнү: 21.11.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 21.11.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтγнγн 2016-жылдын 21-ноябрындагы № 497-б (Кыргыз Республикасынын Финансы министрлиги Нарын шаарынын мэриясы менен Субкредиттик макулдашууну түзүү жөнүндө) буйругу (21.11.2016 редакциясы) - https://aqlex.ai/kg/doc/215442 --- КЫРГЫЗ РЕСПУБЛИКАСЫНЫН ӨКМӨТҮ БУЙРУК 2016-жылдын 21-ноябры № 497-б Кыргыз Республикасынын 2016-жылдын ,8-июлундагы № 105 Мыйзамы менен ратификацияланган, 2015-жылдын 8-июнунда Бишкек шаарында кол коюлган Кыргыз Республикасы менен Европа реконструкциялоо жана өнүктүрүү банкынын ортосундагы "Нарын шаарындагы суу менен камсыздоо жана каналдаштыруу тутумдарын реабилитациялоо" долбоору боюнча Кредиттик макулдашууну (мындан ары - Кредиттик макулдашуу) ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык: 1. Кыргыз Республикасынын Финансы министрлиги белгиленген тартипте Нарын шаарынын мэриясы менен тѳмөнкү шарттарда Субкредиттик макулдашууну түзсүн: - кредиттин суммасы 2 млн (эки миллион) евро; - кредитти пайдалануу үчүн пайыздык ставка - кредиттин иш жүзүндө өздѳштүрүлгөн суммасына Еврибор + жылдык 1,5 %; - күрөѳлүк камсыздоо - кредиттик каражаттардын эсебинен сатып алынган жабдуулар жана башка мүлк; - кредиттин негизги суммасы жана пайыздар жарым жылда 1 жолу, ар бир жылдын 14-майында жана 14-ноябрында 25 бирдей бөлүк менен төлөнөт, мында кредитти төлөөнүн биринчи датасы - 2018-жылдын 14-майы жана кредитти тѳлѳөнүн акыркы датасы - 2030-жылдын 14-майы; - төлөм кечиктирилген учурда мөөнөтү өткѳн карыздар пайда болгон учурдан тартып ушул карызды кошо алганда толук төлөнүп бүткөн датага чейинки финансылык санкциялар - Еврибор + жылдык 5 %; - кредиттин өздөштүрүлбөгөн суммасы үчүн жылына 0,5 % өлчөмүндө комиссия, ал Кредиттик макулдашууга кол коюлган датадан тартып 60 күндөн кийин эсептелет; - эсепти ачуу үчүн бир жолку комиссия кредиттин суммасынан 1 % өлчөмүндө. 2. Ушул буйруктун аткарылышын контролдоо Кыргыз Республикасынын Өкмөтγнγн Аппаратынын финансы жана кредит саясаты бөлүмүнө жүктѳлсүн. Премьер-министр С.Ш. Жээнбеков