# КР Өкмѳтγнγн 2016-жылдын 21-ноябрындагы № 496-б (Кыргыз Республикасынын Финансы министрлиги Баткен шаарынын мэриясы менен Субкредиттик макулдашууну түзүү жѳнүндө) буйругу - Толук аталышы: КР Өкмѳтγнγн 2016-жылдын 21-ноябрындагы № 496-б (Кыргыз Республикасынын Финансы министрлиги Баткен шаарынын мэриясы менен Субкредиттик макулдашууну түзүү жѳнүндө) буйругу - Актынын түрү: Распоряжение - Номери: 496-р - Кабыл алынган күнү: 21.11.2016 - Статусу: Күчүндө - Редакциянын күнү: 21.11.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 21.11.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмѳтγнγн 2016-жылдын 21-ноябрындагы № 496-б (Кыргыз Республикасынын Финансы министрлиги Баткен шаарынын мэриясы менен Субкредиттик макулдашууну түзүү жѳнүндө) буйругу (21.11.2016 редакциясы) - https://aqlex.ai/kg/doc/215441 --- КЫРГЫЗ РЕСПУБЛИКАСЫНЫН ӨКМӨТҮ БУЙРУК 2016-жылдын 21-ноябры № 496-б Кыргыз Республикасынын 2016-жылдын 8-июлдагы № 106 Мыйзамы менен ратификацияланган, 2015-жылдын 8-июнунда Бишкек шаарында кол коюлган Кыргыз Республикасы менен Европа реконструкциялоо жана ѳнүктүрүү банкынын ортосундагы "Баткен шаарындагы суу менен камсыздоо жана каналдаштыруу тутумдарын реабилитациялоо" долбоору боюнча Кредиттик макулдашууну (мындан ары - Кредиттик макулдашуу) ишке ашыруу максатында, "Кыргыз Республикасынын Өкмөтү жѳнүндө" Кыргыз Республикасынын конституциялык Мыйзамынын 10 жана 17-беренелерине ылайык: 1. Кыргыз Республикасынын Финансы министрлиги белгиленген тартипте Баткен шаарынын мэриясы менен төмөнкү шарттарда Субкредиттик макулдашууну түзсүн: - кредиттин суммасы 1,5 млн (бир миллион беш жүз миң) евро; - кредитти пайдалануу үчүн пайыздык ставка - кредиттин иш жүзүндө өздөштүрүлгөн суммасына Еврибор + жылдык 1,5 %; - кредиттик каражаттардын эсебинен сатып алынган жабдуулар жана башка мүлк түрүндөгү күрөөлүк камсыздоо; - кредиттин негизги суммасы жана пайыздар жарым жылда 1 жолу, ар бир жылдын 14-майында жана 14-ноябрында 25 бирдей бөлүк менен төлөнөт, мьнда кредитти төлөөнүн биринчи датасы - 2018-жылдын 14-майы жана кредитти төлөѳнүн акыркы датасы - 2030-жылдын 14-майы; - төлөм кечиктирилген учурда меөнөтү өткөн карыздар пайда болгон учурдан тартып ушул карызды кошо алганда толук тѳлөнүп бүткөн датага чейинки финансылык санкциялар - Еврибор + жылдык 5 %; - кредиттин өздөштүрулбөгѳн суммасы учун жылына 0,5 % өлчөмүндө комиссия, ал Кредиттик макулдашууга кол коюлган датадан тартып 60 күндөн кийин эсептелет; - эсепти ачуу үчүн бир жолку комиссия кредиттин суммасынан 1 % өлчөмүндө. 2. Ушул буйруктун аткарылышын контролдоо Кыргыз Республикасынын Өкмѳтγнγн Аппаратынын финансы жана кредит саясаты бөлүмүнө жүктөлсүн. Премьер-министр С.Ш. Жээнбеков