# КР Өкмөтүнүн 2015-жылдын 12-августу, № 389-б (Кыргыз Республикасынын Мамлекеттик чек ара кызматынын аскер кызматчыларынын социалдык жана тиричилик шарттарын жакшыртуу жөнүндө) буйругу

- Толук аталышы: КР Өкмөтүнүн 2015-жылдын 12-августу, № 389-б (Кыргыз Республикасынын Мамлекеттик чек ара кызматынын аскер кызматчыларынын социалдык жана тиричилик шарттарын жакшыртуу жөнүндө) буйругу
- Актынын түрү: Распоряжение
- Номери: 389-р
- Кабыл алынган күнү: 12.08.2015
- Статусу: Күчүндө
- Редакциянын күнү: 12.08.2015
- Тексттин тили: кыргыз тили
- aqlex'теги барагы: <https://aqlex.ai/kg/doc/214685>
- Расмий булак: <https://cbd.minjust.gov.kg/57-14596/edition/693491/ru>
- Башка тилдеги тексти (Markdown): <https://aqlex.ai/doc/214685.md>

> Текст расмий булактын маалыматы боюнча 12.08.2015 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2015-жылдын 12-августу, № 389-б (Кыргыз Республикасынын Мамлекеттик чек ара кызматынын аскер кызматчыларынын социалдык жана тиричилик шарттарын жакшыртуу жөнүндө) буйругу (12.08.2015 редакциясы) - https://aqlex.ai/kg/doc/214685

---

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2015-жылдын 12-августу, № 389-б Кыргыз Республикасынын Мамлекеттик чек ара кызматынын аскер кызматчыларынын социалдык жана тиричилик шарттарын жакшыртуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17- беренелерине ылайык:

1. Кыргыз Республикасынын Мамлекеттик чек ара кызматынын аскер кызматчылары үчүн республикалык бюджеттин каражатынын эсебинен Баткен облусунун Исфана шаарында 24 батирлүү турак үйдү долбоорлоо жана куруу боюнча заказчы болуп Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин алдындагы Турак жай-жарандык курулуш департаменти аныкталсын.

2. Кыргыз Республикасынын Финансы министрлиги белгиленген тартипте:

- ушул буйруктун 1-пунктунда аталган турак үйдү курууну 2015-жылга "Капиталдык салымдар" беренеси боюнча республикалык бюджеттен каржылануучу объекттер жана курулуштардын тизмегине киргизсин;

- "Кыргыз Республикасынын 2015-жылга республикалык бюджети жана 2016-2017-жылдарга болжолу жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу мыйзамдын долбоорун даярдоодо ушул буйруктун 1-пунктунда аталган турак үйдү курууга каражат карасын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.

Премьер-министр

Т.А. Сариев