# КР Өкмөтүнүн 2015-жылдын 2-июнундагы № 233-б (Кыргыз Республикасынын Жогорку Кеңешинин депутаттарын шайлоого даярдык көрүүсү жана өткөрүүсү боюнча чаралар жѳнγндѳ) буйругу

- Толук аталышы: КР Өкмөтүнүн 2015-жылдын 2-июнундагы № 233-б (Кыргыз Республикасынын Жогорку Кеңешинин депутаттарын шайлоого даярдык көрүүсү жана өткөрүүсү боюнча чаралар жѳнγндѳ) буйругу
- Актынын түрү: Распоряжение
- Номери: 233-р
- Кабыл алынган күнү: 02.06.2015
- Статусу: Күчүндө
- Редакциянын күнү: 02.06.2015
- Тексттин тили: кыргыз тили
- aqlex'теги барагы: <https://aqlex.ai/kg/doc/214542>
- Расмий булак: <https://cbd.minjust.gov.kg/57-14458/edition/698458/ru>
- Башка тилдеги тексти (Markdown): <https://aqlex.ai/doc/214542.md>

> Текст расмий булактын маалыматы боюнча 02.06.2015 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2015-жылдын 2-июнундагы № 233-б (Кыргыз Республикасынын Жогорку Кеңешинин депутаттарын шайлоого даярдык көрүүсү жана өткөрүүсү боюнча чаралар жѳнγндѳ) буйругу (02.06.2015 редакциясы) - https://aqlex.ai/kg/doc/214542

---

КЫРГЫЗ РЕСПУБЛИКАСЫНЫН ѲКМѲТY БУЙРУК 2015-жылдын 2-июну № 233-б Кыргыз Республикасынын Жогорку Кеңешинин депутаттарын шайлоого даярдык көрүү жана өткөрүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Шайлоо жана референдум өткөрүү боюнча борбордук комиссиясына Кыргыз Республикасынын Жогорку Кеңешинин депутаттарын шайлоого даярдык көрүү жана өткөрүү үчүн зарыл болгон жабдууларды, товарларды, иштерди жана кызмат көрсөтүүлөрдү "Мамлекеттик сатып алуулар жөнүндө" Кыргыз Республикасынын Мыйзамынын 21-беренесине ылайык сатып алуу үчүн уруксат берилсин.

2. Кыргыз Республикасынын Финансы министрлиги Кыргыз Республикасынын Шайлоо жана референдум өткөрүү боюнча борбордук комиссиясынын табыштамаларына ылайык республикалык бюджеттен кошумча каржылоону камсыздасын.

3. Кыргыз Республикасынын Шайлоо жана референдум өткөрүү боюнча борбордук комиссиясына жүргүзүлгөн сатып алуулардын жыйынтыгы боюнча Кыргыз Республикасынын Финансы министрлигине маалымат берүү сунушталсын.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнө, финансы жана кредиттик саясат бөлүмүнө жүктөлсүн.

Премьер-министр

Т.А. Сариев