Кыргыз Республикасынын Министрлер Кабинетинин («Баткен облусун жеңилдетилген каржылоо - 2» долбоорун бекитүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2023-жылдын 28-августу № 508-т

Баткен облусун өнүктүрүү жана калкына мамлекеттик колдоо көрсөтүү максатында, Кыргыз Республикасынын Бюджеттик кодексинин 22-беренесине, 115-беренесинин 1-бөлүгүнө, "Баткен облусунун статусу жөнүндө" Кыргыз Республикасынын Мыйзамынын 4-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. "Баткен облусун жеңилдетилген каржылоо - 2" долбоору (мындан ары - долбоор) тиркемеге ылайык бекитилсин.

2. Долбоорду ишке ашыруу мөөнөтү 60 ай деп белгиленсин.

3. Кыргыз Республикасынын Финансы министрлиги белгиленген тартипте:

1) Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитети менен макулдашуу боюнча "РСК Банк" ачык акционердик коомунун жана "Айыл Банк" ачык акционердик коомунун пайыздык ставкаларын субсидиялоого 2023-жылга республикалык бюджеттен 35000000 (отуз беш миллион) сом бөлсүн;

2) долбоорду ишке ашырууга катышкан коммерциялык банктар менен пайыздык ставкаларды субсидиялоо жөнүндө тиешелүү макулдашууларды түзсүн;

3) "Кыргыз Республикасынын 2023-жылга жана 2024-2025-жылдардын пландык мезгилине республикалык бюджети жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун иштеп чыгууда ушул тескемеден келип чыгуучу өзгөртүүлөрдү эске алсын.

4. Ушул тескеменин 3-пунктунун 1-пунктчасында көрсөтүлгөн ачык акционердик коомдорго долбоорду ишке ашырууга катышкан субъекттерге кредит берүүдө комиссиялык жана башка жыйымдарды албоо сунушталсын.

5. Кыргыз Республикасынын Экономика жана коммерция министрлиги жана Кыргыз Республикасынын Айыл чарба министрлиги ушул тескеменин 3-пунктунун 1-пунктчасында көрсөтүлгөн ачык акционердик коомдор менен биргеликте долбоорду аяктоонун жыйынтыгы боюнча натыйжалуулугуна талдоо жүргүзсүн.

6. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин Төрагасы

А.У. Жапаров

Тиркеме

"Баткен облусун жеңилдетилген каржылоо - 2" долбоору

1. Жалпы жоболор

1. "Баткен облусун жеңилдетилген каржылоо" долбоорунун (мындан ары - долбоор) максаты Баткен облусун мындан ары өнүктүрүүнү камсыз кылуу, ишкердик субъекттерине жана жеке жактарга (мындан ары - чарба жүргүзүүчү субъекттер) жеткиликтүү жана жеңилдетилген кредиттик каражаттарды берүү жолу менен мамлекеттик колдоо көрсөтүү болуп саналат.

2. Долбоорду ишке ашыруу мөөнөтү - 60 ай.

3. Долбоордун наркы - 350000000 (үч жүз элүү миллион) сом.

4. Каржылоо булактары: Кыргыз Республикасынын республикалык бюджети жана "РСК Банк" жана "Айыл Банк" ачык акционердик коомдорунун каражаттары.

5. Каржылоо 1-тиркемеде көрсөтүлгөн тизмекке ылайык Баткен облусунун чек арага жакын жайгашкан калктуу конуштарынын субъекттерине багытталат.

6. Долбоорду ишке ашыруунун башталышы - 2023-жылдын август айы.

7. Жооптуу аткаруучулар: Кыргыз Республикасынын Финансы министрлиги, Кыргыз Республикасынын Айыл чарба министрлиги, Кыргыз Республикасынын Экономика жана коммерция министрлиги, Кыргыз Республикасынын Улуттук банкы жана долбоорду ишке ашырууга катышкан коммерциялык банктар.

8. Долбоордун сыпаттамасы. Долбоордун алкагында 2023-жылдын ичинде коммерциялык банктардын финансы каражаттары айыл чарбаны өнүктүрүү, айыл чарба продукциясын өндүрүү жана кайра иштетүү, өнөр жай, туризм, транспорт, экспортко багытталган жана импортту алмаштыруучу ишканалар, соода-логистикалык борборлор жана жашылча сактоочу жайлар, инновациялык иш (жаңы ишканаларды же иштин жаңы багыттарын түзүү), коргоочу медициналык каражаттарды жана жеке коргонуу каражаттарын өндүрүү, соода, кызмат көрсөтүү, билим берүү, маалыматтык технологиялар чөйрөсү үчүн жеңилдетилген пайыздык ставка/кошмо баа боюнча, анын ичинде банк ишинин жана каржылоонун ислам принциптерине, Кыргыз Республикасынын Улуттук банкынын талаптарына ылайык Баткен облусунун чек арага жакын жайгашкан калктуу конуштарында иш жүргүзгөн жеке адамдарга, чакан жана орто бизнестин субъекттерине берилет.

9. Кыргыз Республикасынын Министрлер Кабинети чарба жүргүзүүчү субъекттердин каржылоо боюнча пайыздык төлөмдөр/кошмо баа боюнча чыгашаларын, ошондой эле коммерциялык банктардын кредиттерди жайгаштыруу жана каржылоо боюнча чыгашаларын республикалык бюджеттин каражаттарынан, анын ичинде жеңилдетилген пайыздык ставкалар боюнча ислам принциптерине ылайык субсидиялайт.

10. Кредиттерди берүү жана каржылоо тартиби, анын ичинде ислам принциптерине ылайык, Кыргыз Республикасынын Улуттук банкынын ченемдик укуктук актыларына ылайык аныкталат.

11. Коммерциялык банктар ушул долбоордун алкагында чарба жүргүзүүчү субъекттерди "Кепилдик фонд" ачык акционердик коомунун кепилдиги менен кредиттөөгө/каржылоого укуктуу.

12. Берилген кредиттерди жана каржылоону, анын ичинде ислам принциптерине ылайык, кайтарып берүү боюнча бардык тобокелдиктерди коммерциялык банктар тартат.

13. Зайымчыларды кредиттөө же каржылоо, анын ичинде ислам принциптерине ылайык, 2-тиркемеге ылайык негизги жалпы шарттарда ишке ашырылат.

14. Коммерциялык банктар өз чыгымдарынын эсебинен негизги сумманы төлөө боюнча долбоордо каралгандан узагыраак жеңилдетилген мезгилди белгилөөгө укуктуу.

15. Потенциалдуу зайымчыларда күрөөлүк камсыздоо жетишсиз болгон учурда "Кепилдик фонд" ачык акционердик коомуна (мындан ары - "Кепилдик фонд" ААК) 50%га чейинки максималдуу өлчөмдөгү кепилдик алуу жөнүндө арыз менен кайрылууга укуктуу.

2. Категориялар боюнча шарттар

16. "Айыл чарба" категориясындагы чарба жүргүзүүчү субъекттер үчүн шарттар:

1) бул категорияга төмөнкү иштерди жүргүзгөн чарба жүргүзүүчү субъекттер кирет:

- бодо мал өстүрүү;

- кой, эчки, жылкы, коён өстүрүү;

- канаттууларды (тоок, өрдөк, каз, төө куш, бөдөнө жана башка айыл чарба канаттууларын) өстүрүү;

- бал аарыларын кармоо, анын ичинде аары балын жана бал момун өндүрүү;

- балык өстүрүү жана балык питомниктеринин жана балык чарбаларынын иши;

- тоютту камдоо, кайра иштетүү жана даярдоо;

2) кредиттердин максаттары мал чарбасын түзүүгө, өнүктүрүүгө, кеңейтүүгө, жүргүзүүгө, анын ичинде айыл чарба малы жана канаттуулары, тоютту сатып алуу жана камдоо үчүн шарттарды жана базаны жакшыртуу менен байланыштуу болууга тийиш;

3) бул категориядагы чарба жүргүзүүчү субъекттерде айыл чарба жаныбарларын (өзүнүн да, пайдаланууга же ижарага берилгендерди да) багуу жана өстүрүү үчүн бардык зарыл шарттар болушу керек.

17. "Айыл чарба продукциясын өндүрүү жана кайра иштетүү, соода-логистикалык борборлор жана жашылча сактоочу жайлар" категориясындагы чарба жүргүзүүчү субъекттер үчүн шарттар:

1) бул категорияга төмөнкү иштерди жүргүзгөн чарба жүргүзүүчү субъекттер кирет:

- өсүмдүк өстүрүү (жемиштерди, дан өсүмдүктөрүн, жашылчаларды өстүрүү);

- айыл чарба продукциясын (дан, буурчак, эт, балык, сүт, тери, жүн) кайра иштетүү;

- балыкты кайра иштетүү жана консервациялоо;

- жемиштерди, жашылчаларды жана мөмөлөрдү кайра иштетүү жана консервациялоо;

- өсүмдүк майларын жана жаныбарлардын майларын өндүрүү;

- айыл чарба жаныбарлары үчүн тоют өндүрүү;

- минералдык сууларды өндүрүүнү кошпогондо, айыл чарба продукциясынан тамак-аш продукттарын өндүрүү (анын ичинде айыл чарба продукциясынын кайра пайдаланылуучу сырёсунан);

- айыл чарба продукциясын таңгактоо, топтоо жана сактоо, анын ичинде жашылчаларды сактоочу жай;

- малды жана канаттууларды союу үчүн цехтер;

- кийизди жана кийиз буюмдарын өндүрүү;

- айыл чарба продукциясын сатып алууну, сактоону, ташууну жана сатууну уюштуруу үчүн соода-логистикалык борборлорду куруу;

2) бул долбоордун алкагында өндүрүштүк циклдин бардык этаптары, анын ичинде негизги жана жүгүртүү каражаттарын сатып алуу каржыланышы мүмкүн, ошондой эле эмгек акы төлөө фонддорун каржылоо;

3) чарба жүргүзүүчү субъекттер (тамак-аш жана кайра иштетүүчү өнөр жай ишканалары) кредиттин көрсөтүлгөн багытына ылайык, мисалы, завод үчүн имараттар, жаныбарлар үчүн курулмалар, мал союучу цехтер, балык чарбалары үчүн көлмөлөр, тоңдуруу үчүн жайлар курулган учурда тиешелүү сметаны берүүгө тийиш;

4) бул категориядагы артыкчылыктар болуп төмөнкү чарба жүргүзүүчү субъекттер саналат:

- айыл чарба жана тамак-аш продукциясын өндүрүүчүлөр;

- айыл чарба продукциясын (сырьёну) жеткирүү боюнча долбоорго катышкан жергиликтүү өндүрүүчүлөр менен келишимдерди жана/же контракттарды түзгөндөр.

18. "Өнөр жай, транспорт, экспортко багытталган жана импортту алмаштыруучу ишканалар, инновациялык иш (жаңы ишканаларды же иштин жаңы багыттарын түзүү)" категориясындагы чарба жүргүзүүчү субъекттер үчүн шарттар:

1) бул категорияга төмөнкү иштерди жүргүзгөн чарба жүргүзүүчү субъекттер кирет:

- негизги каражаттарды сатып алуу, жаңылоо, кеңейтүү жана модернизациялоо;

- сырьёлорду, комплекттөөчүлөрдү, запастык бөлүктөрдү сатып алуу;

- санариптештирүүнүн компоненттерин (электрондук эсеп-фактураларды, программалык ККМдерди, товарларды маркалоону) колдонгон ишкердик субъекттеринин негизги каражаттарды сатып алуусу, жаңылоосу, кеңейтүүсү жана модернизациялоосу, товарларды, сырьёлорду, комплекттөөчүлөрдү, запастык бөлүктөрдү сатып алуусу;

- өнөр жай, иштетүүчү жана кайра иштетүүчү ишканалардын кредиттерин кайра каржылоо;

2) санариптик технологияларды ишке киргизүүнү жүзөгө ашырган субъекттерге долбоордун техникалык-экономикалык негиздемеси менен бизнес-планды берүү сунушталат.

19. "Туризм" категориясындагы чарба жүргүзүүчү субъекттер үчүн шарттар:

бул категорияга төмөнкү иштерди жүргүзгөн чарба жүргүзүүчү субъекттер кирет:

- туризм инфраструктурасын жакшыртуу (жолдор, мейманканалар, мотелдер, кафелер жана ресторандар ж.б.);

- ички туризмди өнүктүрүү;

- туризм чөйрөсүндө промоутинг.

20. "Транспорт, соода, кызмат көрсөтүү чөйрөсү, билим берүү чөйрөсү" категориясындагы чарба жүргүзүүчү субъекттер үчүн шарттар:

бул категорияга төмөнкү иштерди жүргүзгөн чарба жүргүзүүчү субъекттер кирет:

1) төмөнкүлөрдү көрсөтүү менен:

- калкты тейлөө чөйрөсүндөгү кызматтарды;

- автотранспорт каражаттарын тейлөө чөйрөсүндөгү кызматтарды;

- билим берүү чөйрөсүндөгү кызматтарды (балдар жана чоңдор үчүн);

- ветеринардык кызматтарды;

- айыл чарба тармагында консалтинг кызматтарын;

- транспорттук кызматтарды;

2) соода.

21. "Маалыматтык технологиялар, коргоочу медициналык каражаттарды жана жеке коргонуу каражаттарын өндүрүү" категориясындагы чарба жүргүзүүчү субъекттер үчүн шарттар:

бул категорияга төмөнкү иштерди жүргүзгөн чарба жүргүзүүчү субъекттер кирет:

- медициналык коргонуу каражаттарын жана жеке коргонуу каражаттарын өндүрүү;

- компьютердик техниканы жана башка жогорку технологияларды, коммуникациянын жаңы каражаттарын өнүктүрүү;

- программалык камсыздоону, анын ичинде маалымат базаларын жана колдонмо программалык камсыздоону иштеп чыгуу, ишке киргизүү, сатып алуу, жакшыртуу;

- айыл чарбасын өнүктүрүү үчүн инновациялык технологияларды ишке киргизүү.

3. Долбоорду ишке ашыруунун сыпаттамасы

22. Долбоорго катышкан коммерциялык банктар ушул тескеме күчүнө киргенден кийин 10 күндүн ичинде Кыргыз Республикасынын Финансы министрлигине долбоорду ишке ашырууга катышууга өтүнмөнү долбоордун тиркемесине ылайык кредиттөө көлөмүн милдеттүү түрдө көрсөтүү менен берүүгө милдеттүү, мында субсидиялоонун ставкасы жылдык 11, 10 пайыздан ашпоого тийиш.

23. Кыргыз Республикасынын Баткен облусунун калкына долбоорду ишке ашыруу жөнүндө талаптагыдай маалымдоо максатында аны ишке ашырууга катышкан коммерциялык банктар жалпыга маалымдоо каражаттарында, коммерциялык банктардын маалыматтык стенддеринде жана расмий сайттарында кредит берүүнүн шарттары жөнүндө маалыматтарды, ошондой эле ушул долбоор боюнча кредит алууга өтүнмөлөрдү кабыл алуу башталган мезгил/убакыт тууралуу маалыматты жарыялашы керек.

24. Долбоор боюнча каржылоо ушул долбоордун 5-пунктуна ылайык Баткен облусунун чек арага жакын жайгашкан айылдарынын тургундары үчүн (каттоо, иш жүзүндө жашаган жери, иш жүзүндө чарба жүргүзүү ж.б. боюнча) берилет.

25. Долбоордун алкагында субсидияларды алуу үчүн коммерциялык банктар ай сайын, ар бир айдын 10уна чейин өткөн ай үчүн кредиттөөнүн иш жүзүндөгү суммасын көрсөтүү менен Кыргыз Республикасынын Финансы министрлигине субсидияларга өтүнмө берет.

26. Кыргыз Республикасынын Финансы министрлиги эсептик коэффициенттерге ылайык субсидиялардын суммасын эсептейт жана коммерциялык банктарга субсидиялардын траншын которуу үчүн тиешелүү айга финансылык планды даярдайт.

27. Субсидиялардын транштары Кыргыз Республикасынын Финансы министрлиги тарабынан коммерциялык банктардын алыш-бериш эсептерине республикалык бюджеттин каражаттарынан которулат.

28. Коммерциялык банктардын ишин Кыргыз Республикасынын банк мыйзамдарына ылайык Кыргыз Республикасынын Улуттук банкы көзөмөлдөйт.

29. Долбоорду ишке ашырууга катышкан коммерциялык банктар жума сайын Кыргыз Республикасынын Финансы министрлигине берилген кредиттер жөнүндө маалыматтарды берип турат.

4. Субсидияларды эсептөө

30. Субсидиялоонун ставкасы биринчи 3 жылда жылдык 11, 10 пайызды, андан кийинки 2 жылда - жылдык 8, 10 пайызды түзөт. Пайыздык ставкалар боюнча субсидияларды берүүдө коммерциялык банктардын чыгымдарын жабуу үчүн Кыргыз Республикасынын Министрлер Кабинети тарабынан Кыргыз Республикасынын Улуттук банкынын 2023-жылдын 6 айы үчүн маалыматтарына ылайык коммерциялык банктардын кредит берүүсүнүн ар айлык көлөмүнөн субсидиялоонун төмөнкүдөй эсептик коэффициенттери кабыл алынат:

1) субсидиялоонун ставкасы 36 айга жылдык 11, 10 пайызды түзөт, кийинки 24 ай үчүн жылдык 8, 10 пайыз өзгөрүүсүз калат;

2) 60 айлык мөөнөткө берилүүчү кредиттер үчүн субсидиялоонун эсептик коэффициенти 29,59 түзөт. Анын ичинен субсидиялардын бир бөлүгү 2023-жылы 10,00 эсептик коэффициент боюнча; бир бөлүгү - 2024-жылы 9,58 эсептик коэффициент боюнча; бир бөлүгү - 2025-жылы 6,27 эсептик коэффициент боюнча; бир бөлүгү - 2026-жылы 2,77 эсептик коэффициент боюнча; бир бөлүгү - 2027-жылы 0,97 эсептик коэффициент боюнча которулат;

3) 48 айлык мөөнөткө берилүүчү кредиттер үчүн субсидиялоонун эсептик коэффициенти 24,97 түзөт. Анын ичинен субсидиялардын бир бөлүгү 2023-жылы 9,95 эсептик коэффициент боюнча; бир бөлүгү - 2024-жылы 8,88 эсептик коэффициент боюнча; бир бөлүгү - 2025-жылы 4,89 эсептик коэффициент боюнча; бир бөлүгү - 2026-жылы 1,25 эсептик коэффициент боюнча которулат;

4) 36 айлык мөөнөткө берилүүчү кредиттер үчүн субсидиялоонун эсептик коэффициенти 19,90 түзөт. Алардын ичинен субсидиялардын бир бөлүгү 2023-жылы 9,87 эсептик коэффициент боюнча; бир бөлүгү - 2024-жылы 7,62 эсептик коэффициент боюнча; бир бөлүгү - 2025-жылы 2,41 эсептик коэффициент боюнча которулат;

5) 18 айлык мөөнөткө берилүүчү кредиттер үчүн субсидиялоонун эсептик коэффициенти 11,56 түзөт. Анын ичинен субсидиялардын бир бөлүгү 2023-жылы 9,40 эсептик коэффициент боюнча; бир бөлүгү - 2024-жылы 2,16 эсептик коэффициент боюнча которулат;

6) субсидиялоонун ар жылдык суммасы Кыргыз Республикасынын Финансы министрлиги тарабынан эсептелет. Субсидиялоо коэффициенти кредит берүү мөөнөтүнө жараша өзгөрүшү мүмкүн, бирок субсидиялоонун ставкасы биринчи 3 жылда жылдык 11, 10 пайыздан, андан кийинки 2 жылда - жылдык 8, 10 пайыздан ашпайт.

5. Субсидияларды которуу

31. Субсидиялардын суммасы коммерциялык банктарга Кыргыз Республикасынын Финансы министрлиги тарабынан республикалык бюджеттин каражаттарынан беш транш менен которулат, анын ичинде:

1) биринчи транш - коммерциялык банктар тарабынан өткөн квартал үчүн иш жүзүндө берилген кредиттик каражаттардын суммасына, субсидиялар ар бир кварталдын аягында которулат;

2) экинчи транш - биринчи транш берилген учурдан тартып 365 күн өткөндөн кийин;

3) үчүнчү транш - экинчи транш берилген учурдан тартып 365 күн өткөндөн кийин;

4) төртүнчү транш - үчүнчү транш берилген учурдан тартып 365 күн өткөндөн кийин;

5) бешинчи транш - төртүнчү транш берилген учурдан тартып 365 күн өткөндөн кийин.

32. Долбоорду ишке ашырууга катышуучу коммерциялык банктар биринчи транш алынган күндөн тартып бир жыл өткөндөн кийин, ошондой эле калган транштар алынган күндөн тартып бир жыл өткөндөн кийин Кыргыз Республикасынын Финансы министрлигине суммасын, датасын жана мөөнөтүнөн мурда төлөгөн зайымчылардын санын көрсөтүү менен мөөнөтүнөн мурда төлөөлөр жөнүндө толук маалыматты берүүгө милдеттүү. Субсидиялардын экинчи жана андан кийинки транштарын алуу үчүн коммерциялык банктар мөөнөтүнөн мурда төлөнгөн кредиттерди кошпостон өтүнмөлөрдү берүүгө милдеттүү. Коммерциялык банктар берилген жана мөөнөтүнөн мурда төлөнгөн кредиттер боюнча берилген маалыматтын аныктыгы үчүн жоопкерчилик тартат.

6. Тобокелдиктер жана коркунучтар

33. Долбоорду ишке ашырууда жеңилдетилген кредиттерди алуучулар тарабынан каражаттарды максатсыз пайдалануу тобокелдиги бар.

34. Аталган тобокелдикти минималдаштыруу коммерциялык банктар тарабынан белгиленген тартипте жүзөгө ашырылат.

35. Кредиттик каражаттарды максатсыз пайдалануу фактысы аныкталган учурда коммерциялык банктар тиешелүү актыны түзүүгө, зайымчыдан пайдаланылбаган кредиттик каражаттардын калдыгын мөөнөтүнөн мурда төлөөнү талап кылууга же кредит алынган күндөн тартып жылдык 18 пайыз өлчөмүндө пайыздык ставкаларды белгилөөгө тийиш. Бул учурда коммерциялык банктар мөөнөтүнөн мурда төлөгөн учурларды кошпогондо, субсидиялардын алынган каражаттарын Кыргыз Республикасынын Финансы министрлигине кайтарууга милдеттенет.

36. Коммерциялык банктардын субсидияларды негизсиз алуу тобокелдигин азайтуу максатында:

1) Кыргыз Республикасынын Улуттук банкы белгиленген тартипте мыйзамдардын талаптарын сактоосуна карата коммерциялык банктардын ишин көзөмөлдөйт;

2) Кыргыз Республикасынын Финансы министрлиги Кыргыз Республикасынын Эсептөө палатасы жана Кыргыз Республикасынын Айыл чарба министрлиги менен биргеликте кредиттердин жана каржылоонун, анын ичинде ислам принциптерине ылайык максаттуу пайдалануусуна мониторинг жүргүзөт;

3) коммерциялык банктардын субсидияланган кредиттик каражаттарды атайын максатсыз пайдалануу фактысы аныкталган учурда Кыргыз Республикасынын Финансы министрлиги бир тараптуу тартипте андан ары субсидиялоону токтотуп турууга жана субсидиянын траншына жылдык 18% өлчөмүндө пайыздык ставка боюнча айыпты (которгон күндөн тартып) эсептөө жолу менен финансылык санкцияларды колдонууга укуктуу. Эсептелген айыптын жана субсидиялардын которулган транштарынын суммалары субсидияларды максатсыз пайдалануу фактысы аныкталган күндөн тартып 30 календардык күндүн ичинде Кыргыз Республикасынын Финансы министрлигине кайтарылууга тийиш.

37. Табигый кырсыктар (өрт, суу ташкыны, жер титирөө же башка жаратылыш же техногендик кырсыктар), согуш, ар кандай түрдөгү согуштук аракеттер, чек арадагы чыр-чатактуу кырдаалдар, эпидемиялар, өзгөчө абалды киргизүү, массалык баш аламандыктар сыяктуу форс-мажордук жагдайлар, ошондой эле башка жагдайлар келип чыккан учурда коммерциялык банктар Кыргыз Республикасынын банк мыйзамдарында белгиленген тартипте аларды минималдаштыруу боюнча чараларды өз алдынча көрөт.

7. Кредиттик каражаттарды максаттуу пайдаланууга мониторинг жүргүзүү

38. Кредиттик каражаттардын максаттуу пайдалануусуна коммерциялык банктар тарабынан мониторинг төмөнкүдөй түрдө жүргүзүлөт:

1) кредит алынган учурдан тартып 2 айдын ичинде зайымчылар кредит боюнча жүргүзүлгөн чыгымдарды документтик түрдө ырастоону (контракттар/келишимдер, эсеп-фактуралар жана/же коштомо кагаздар, төлөнгөндүгү тууралуу төлөм документтери ж.б.) тиркөө менен кредиттик каражаттарды максаттуу пайдалануу жөнүндө отчетторду берүүгө тийиш;

2) зайымчыдан кредиттик каражаттарды максаттуу пайдалануу жөнүндө отчет алынгандан кийинки 1 айдын ичинде коммерциялык банктардын ыйгарым укуктуу кызматкерлери текшерүүнүн жыйынтыктары жөнүндө отчетту тариздөө менен жерине барып мониторинг жүргүзөт;

3) долбоорду ишке ашырууга катышуучу коммерциялык банктар кардарлардан кредиттик каражаттарды алууга өтүнмөлөрдү кабыл алууну электрондук кезек системасына киргизүүгө милдеттүү.

39. Зайымчылар кредиттерди максаттуу пайдаланууну ырастаган башка документтерди да берүүгө милдеттүү.

8. Долбоордун натыйжалуулугун баалоо

40. Кредиттик каражаттарды пайдалануунун натыйжалуулугун баалоо максатында коммерциялык банктар жана Кыргыз Республикасынын Президентинин Кыргыз Республикасынын Баткен облусундагы ыйгарым укуктуу өкүлү долбоорду ишке ашыруунун жыйынтыгы боюнча календардык жылдын аягына карата Кыргыз Республикасынын Экономика жана коммерция министрлигине жана Кыргыз Республикасынын Айыл чарба министрлигине төмөнкү негизги көрсөткүчтөр боюнча зайымчылардын кредитти максаттуу пайдалануусу жөнүндө жалпыланган маалымат берет (кредит берилгенге чейин жана андан кийин):

1) ушул долбоордун 2-главасында көрсөтүлгөн чек арадагы калктуу конуштар жана категориялар боюнча берилген кредиттик каражаттардын көлөмү;

2) долбоорду ишке ашыруунун натыйжасында түзүлгөн жумуш орундарынын саны;

3) долбоорду ишке ашыруунун натыйжасында түзүлгөн өндүрүштөрдүн, анын ичинде айыл чарба кооперативдеринин жана иштетүүчү (кайра иштетүүчү) ишканалардын саны;

4) долбоорду ишке ашыруунун натыйжасында иштеп жаткан ишканалардын саны жана алардын өндүрүшүнүн көлөмү;

5) мурда токтоп турган, реанимацияланган ишканалардын саны жана алардын өндүрүшүнүн көлөмү;

6) өндүрүштүн жана сатуунун жалпы көлөмү;

7) экспорттун жалпы көлөмү;

8) долбоорлорду ишке ашыруунун натыйжасында сатып алынган жабдуулардын саны, түрү жана аларды сатып алуу үчүн пайдаланылган финансылык каражаттардын суммасы.

Begin_nocompare

"Баткен облусун жеңилдетилген каржылоо - 2" долбооруна 1-тиркеме

Баткен облусунда жеңилдетилген каржылоого тийиш болгон калктуу конуштардын ТИЗМЕСИ

№

Аталышы

Калктуу конуш

Баткен облусу боюнча баардыгы 151

Баткен району (48)

1

Баткен ш.

Баткен ш.

2

Дара

Чек

Жаңы-Жер

Тунук-Суу

Кан

Сары-Талаа

Жаңырык

Табылга

Коргон-Таш

Кайыңды

3

Кыштут

Таян

Газ

Согмент

Кыштут

Чарбак

Сай

4

Ак-Сай

Аксай

Көк-Таш

Таштумшук

Үч-Дөбө

Капчыгай

Миң-Булак

5

Ак-Татыр

Ак-Татыр

Рават

Ортобоз

6

Кара-Бак

Кара-Бак

Чет-Кызыл

Дөбө

Кызыл-Бел

Бай Кара-Бак

Достук

Зардалы

7

Карабулак

Бужум

Кара-Булак

8

Суу-Башы

Боз-Адыр

Кара-Токой

Апкан

Бөжөй

Айгүл-Таш

9

Самаркандек

Самаркандек

Жаңы-Бак

Паскы-Арык

Миң-Өрүк

10

Төрт-Гүл

Чоң-Талаа

Чоң-Гара

Зар-Таш

Ак-Турпак

Ак-Өтөк

Лейлек району (54)

11

Сүлүктү

Сүлүктү ш.

Кош-Булак

Кольцо

Боконбаев

Кенчи

12

Раззаков ш. мэриясы

Мырза-Патча

Самат

Чимген

Тайлан

Ак-Булак

Голбо

Раззаков ш.

13

Кулунду

Интернационал

Кулунду

Раззаков ат.

Акарык

Булак-Башы

Максат

14

Бешкент

Андархам

Бешкент

Лайлы

Кайрагач

Эски-Оочу

15

Маргун

Дархум

Даргаз

Маргун

Чурбек

16

Жаңы-Жер

Борбордук

Арка

Жаштык

Достук

17

Сумбула

Андарак

Сумбула

Сары-Дебө

Көк-Таш

18

Ак-Суу

Жаркыштак

Чоюнчу

Ак-Суу

Каракамар

Жезкен

19

Тогуз-Булак

Кара-Булак

Айбийке

Тогуз-Булак

Миңжыгач

Ай-Көл

Гордой

20

Лейлек

Чуянчы

Коргон

Кара-Суу

Лейлек

Ак-Терек

21

Катран

Баул

Өзгөрүш

Катраң

Кадамжай району (49)

22

Кызыл-Кыя

Кызыл-Кыя ш.

23

Айдаркен

Айдаркен ш.

24

Орозбеков

Орозбеков а.

25

А. Масалиев

Лесхоз

Какыр

26

Ак-Турпак

Өтүкчү

Кызыл-Коргон

Ак-Турпак

Калача

Чоң-Кара

27

Алга

Алга

Чукур-Кыштак

Адыр

Жаны-Чек а.

28

Кыргыз-Кыштак

Кыргыз-Кыштак

Кайтпас

Бүргүндү ОПХ а., ПМК

29

Халмион

Ынтымак

Көк-Тал

Чекелик

Жошук

Жаңы-Айыл

Ирилеш

Гүлдүрмө

Ноогардан

Халмион

Таш-Дөбө а.

30

Бирлик

Чечме

Сырт

Ынтымак

31

Көтөрмө

Ак-Кыя

Кара-Шоро

32

Марказ

Марказ а.

Пылдырак а.

Маяк а.

Достук а.

Арпа-Сай а.

33

Пүлгөн

Пүлгөн а.

34

Кара-Дөбө

35

Үч-Коргон

Токой а.

Жаңы-Жер а.

Жетиген а.

Бүргөндү ПМК а.

Ак-Өргө

Жеңиш

Баймаала

Курулуш

"Баткен облусун жеңилдетилген каржылоо - 2" долбооруна 2-тиркеме

Жеңилдетилген кредит берүүнүн максаттуу БАГЫТТАРЫ

№

Максаттуу тармак

Акыркы пайыздык ставка

Кредиттин мөөнөтү

Жеңилдетилген мезгил

Берилүүчү кредиттин өлчөмү

1

Айыл чарба

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берүү учурунда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүңдө "Кепилдик фонд" ААКтын кепилдиктерин пайдалануу мүмкүнчүлүгү менен

2

Айыл чарба продукциясын өндүрүү жана кайра иштетүү

Биринчи 3 жыл - 0%; андан кийинки 2 жылда - жылдык 3%

5 жылга чейин

1. Пайыздык төлөмдөрдүн бардык суммасын субсидиялоо - 3 жыл, пайыздык төлөмдөрдү жарым-жартылай субсидиялоо - 2 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

3

Өнөр жай

Биринчи 3 жыл - 0%; андан кийинки 2 жылда - жылдык 3%

5 жылга чейин

1. Пайыздык төлөмдөрдүн бардык суммасын субсидиялоо - 3 жыл, пайыздык төлөмдөрдү жарым-жартылай субсидиялоо - 2 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

4

Туризм

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

5

Транспорт

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

6

Экспортко багытталган жана импортту алмаштыруучу ишканалар

Биринчи 3 жыл - 0%; андан кийинки 2 жылда - жылдык 3%

5 жылга чейин

1. Пайыздык төлөмдөрдүн бардык суммасын субсидиялоо - 3 жыл, пайыздык төлөмдөрдү жарым-жартылай субсидиялоо - 2 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

7

Соода-логистикалык борборлор жана жашылча сактоочу жайлар

Биринчи 3 жыл - 0%; андан кийинки 2 жылда - жылдык 3%

5 жылга чейин

1. Пайыздык төлөмдөрдүн бардык суммасын субсидиялоо - 3 жыл, пайыздык төлөмдөрдү жарым-жартылай субсидиялоо - 2 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

8

Инновациялык иш (жаңы ишканаларды же иштин жаңы багыттарын түзүү)

Биринчи 3 жыл - 0%; андан кийинки 2 жылда - жылдык 3%

5 жылга чейин

1. Пайыздык төлөмдөрдүн бардык суммаларын субсидиялоо - 3 жыл, пайыздык төлөмдөрдү жарым-жартылай субсидиялоо - 2 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

9

Коргоочу медициналык каражаттарды жана жеке коргонуу каражаттарын өндүрүү

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

10

Соода

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

11

Кызмат көрсөтүү чөйрөсү

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

12

Билим берүү чөйрөсү

0%

3 жылга чейин

1. Пайыздык төлөмдөрдү субсидиялоо - 3 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен

13

Маалыматтык технологиялар

Биринчи 3 жыл - 0%; андан кийинки 2 жылда - жылдык 3%

5 жылга чейин

1. Пайыздык төлөмдөрдү субсидиялоо - 3 жыл, пайыздык төлөмдөрдү жарым-жартылай субсидиялоо - 2 жыл.

2. Кредит берилген учурда жеңилдетилген мөөнөт бербестен бирдей үлүштө төлөө.

3. Кредит берүүдө 12 айга чейин негизги сумманы төлөө боюнча жеңилдетилген мезгил

1. 300000 сомго чейин күрөөсүз камсыздоо.

2. 300000 сомдон ашык 1000000 сомго чейин камсыздоо менен (кыймылдуу жана кыймылсыз мүлк түрүндө), 50% өлчөмүндө "Кепилдик фонд" ААКтын кепилдиктерин пайдалануу мүмкүнчүлүгү менен