# КР Өкмөтүнүн 2014 жылдын 4-сентябрындагы № 378-б (Ведомстволор аралык комиссия түзүү тууралуу) буйругу - Толук аталышы: КР Өкмөтүнүн 2014 жылдын 4-сентябрындагы № 378-б (Ведомстволор аралык комиссия түзүү тууралуу) буйругу - Актынын түрү: Распоряжение - Номери: 378-р - Кабыл алынган күнү: 04.09.2014 - Статусу: Күчүн жоготкон - Редакциянын күнү: 25.12.2018 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 25.12.2018 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2014 жылдын 4-сентябрындагы № 378-б (Ведомстволор аралык комиссия түзүү тууралуу) буйругу (25.12.2018 редакциясы) - https://aqlex.ai/kg/doc/212580 --- КР Өкмөтүнүн 2018-жылдын 25-декабрындагы № 619 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮ БУЙРУК 2014-жылдын 4-сентябры № 378-б (КР Өкмөтүнүн 2015-жылдын 23-мартындагы № 116-б, 2016-жылдын 18-мартындагы № 114-б, 2017-жылдын 8-июнундагы № 219-б буйруктарынын редакцияларына ылайык) Кыргыз Республикасынын Жогорку сотунун Конституциялык палатасынын 2014-жылдын 11-июлундагы чечимин (мындан ары - чечим) ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алып: 1. Кыргыз Республикасынын Жогорку сотунун Конституциялык палатасынын 2014-жылдын 11-июлундагы чечимин ишке ашыруу боюнча ведомстволор аралык комиссия (мындан ары - ведомстволор аралык комиссия) тиркемеге ылайык курамда түзүлсүн. 2. Ведомстволор аралык комиссия чечимди ишке ашыруу үчүн министрликтердин, мамлекеттик комитеттердин жана административдик ведомстволордун адистерин ишке тартууга укуктуу экендиги белгиленсин. (КР Өкмөтүнүн 2016-жылдын 18-мартындагы № 114-б буйругунун редакциясына ылайык) 3. Ведомстволор аралык комиссиянын ишин уюштуруучулук, методикалык жана башка камсыздоо Кыргыз Республикасынын Өкмөтүнө караштуу Мамлекеттик мүлктү башкаруу боюнча фондго жүктөлсүн. 4. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд бир жумалык мөөнөттө Ведомстволор аралык комиссиянын иш регламентинин долбоорун иштеп чыксын жана ведомстволор аралык комиссиянын бекитүүсүнө киргизсин. 5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө, коргоо, укуктук тартип жана өзгөчө кырдаалдар бөлүмүнө, экспертиза жана укуктук камсыздоо бөлүмүнө жана Кыргыз Республикасынын Өкмөтүнүн Соттук өкүлчүлүк борборуна жүктөлсүн. (КР Өкмөтүнүн 2016-жылдын 18-мартындагы № 114-б, 2017-жылдын 8-июнундагы № 219-б буйругунун редакциясына ылайык) Премьер-министр Т.А. Сариев Кыргыз Республикасынын Өкмөтүнүн 2014-жылдын 4-сентябрындагы № 378-б буйругуна тиркеме Кыргыз Республикасынын Жогорку сотунун Конституциялык палатасынын 2014-жылдын 11-июлундагы чечимин ишке ашыруу боюнча ведомстволор аралык комиссиянын КУРАМЫ (КР Өкмөтүнүн 2015-жылдын 23-мартындагы № 116-б, 2016-жылдын 18-мартындагы № 114-б, 2017-жылдын 8-июнундагы № 219-б буйруктарынын редакцияларына ылайык) Коргоо, коомдук коопсуздук жана укуктук тартип, кылмыштуулукка жана коррупцияга каршы күрөшүү маселелерин координациялоочу Кыргыз Республикасынын вице-премьер-министри, ведомстволор аралык комиссиянын төрагасы". Кыргыз Республикасынын Юстиция министри Кыргыз Республикасынын Финансы министри Кыргыз Республикасынын Экономика министри Кыргыз Республикасынын Ички иштер министри Кыргыз Республикасынын Өкмөтүнө караштуу Мамлекеттик каттоо кызматынын төрагасы Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматтын төрагасы Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун төрагасы Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун статс-катчысы Кыргыз Республикасынын Өкмөтүнүн Соттук өкүлчүлүк борборунун директору