# КР Өкмөтүнүн 2014-жылдын 22-июлундагы № 287-б (Мамлекеттик кызмат көрсөтүүлөрдүн администрациялык регламенттерин иштеп чыгуунун жана бекитүүнүн тартиби жөнүндө жобо жана мамлекеттик кызмат көрсөтүүлөрдүн типтүү администрациялык регламентин бекитүү тууралуу) буйругу - Толук аталышы: КР Өкмөтүнүн 2014-жылдын 22-июлундагы № 287-б (Мамлекеттик кызмат көрсөтүүлөрдүн администрациялык регламенттерин иштеп чыгуунун жана бекитүүнүн тартиби жөнүндө жобо жана мамлекеттик кызмат көрсөтүүлөрдүн типтүү администрациялык регламентин бекитүү тууралуу) буйругу - Актынын түрү: Распоряжение - Номери: 287-р - Кабыл алынган күнү: 22.07.2014 - Статусу: Күчүн жоготкон - Редакциянын күнү: 16.01.2018 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 16.01.2018 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2014-жылдын 22-июлундагы № 287-б (Мамлекеттик кызмат көрсөтүүлөрдүн администрациялык регламенттерин иштеп чыгуунун жана бекитүүнүн тартиби жөнүндө жобо жана мамлекеттик кызмат көрсөтүүлөрдүн типтүү администрациялык регламентин бекитүү тууралуу) буйругу (16.01.2018 редакциясы) - https://aqlex.ai/kg/doc/212206 --- КР Өкмөтүнүн 2018-жылдын 16-январындагы № 26 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮ БУЙРУК 2014-жылдын 22-июлу № 287-б (КР Өкмөтүнүн 2015-жылдын 30-июлундагы № 360-б буйругунун редакциясына ылайык) Кыргыз Республикасында мамлекеттик жана муниципалдык кызмат көрсөтүү процессинде ишке ашырылуучу администрациялык-башкаруу жана башка иш-аракеттерди тартипке салуу, ылайыкташтыруу, алардын сапатын жогорулатуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык: 1 .Тиркелгендер бекитилсин: - Мамлекеттик жана муниципалдык кызмат көрсөтүүлөрдүн типтүү администрациялык регламенти; - Мамлекеттик жана муниципалдык кызмат көрсөтүүлөрдүн администрациялык регламенттерин иштеп чыгуунун жана бекитүүнүн тартиби жөнүндө жобо. (КР Өкмөтүнүн 2015-жылдын 30-июлундагы № 360-б буйругунун редакциясына ылайык) 2. Мамлекеттик жана муниципалдык кызматтарды көрсөтүүчү мамлекеттик органдар, жергиликтүү өз алдынча башкаруу органдары: - (экинчи абзац КР Өкмөтүнүн 2015-жылдын 30-июлундагы № 360-б буйругуна ылайык күчүн жоготту); - (үчүнчү абзац КР Өкмөтүнүн 2015-жылдын 30-июлундагы № 360-б буйругуна ылайык күчүн жоготту); - мамлекеттик жана муниципалдык кызмат көрсөтүүлөрдүн администрациялык регламентин иштеп чыгууда мамлекеттик кызмат көрсөтүү процессинде аткарылуучу ашыкча жол-жоболорду (иш-аракеттерди) оптималдаштыруу жана жоюу жөнүндө маселени карап чыксын; - мамлекеттик кызмат көрсөтүүлөрдүн администрациялык регламенттеринин иштелип чыккан долбоорлору жөнүндө ай сайын Кыргыз Республикасынын Экономика министрлигине отчет берсин; - ай сайын муниципалдык кызматтардын административдик регламенттеринин иштелип чыккан долбоорлору жөнүндө Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигине отчет берип турсун; - мамлекеттик жана муниципалдык кызмат көрсөтүүлөрдүн администрациялык регламенттерин ишке киргизүүнү Кыргыз Республикасынын Өкмөтүнүн бекитип берүүсүнө жараша камсыздасын; - мамлекеттик жана муниципалдык кызмат көрсөтүүлөрдүн керектөөчүлөрүн маалымдоону жана мамлекеттик кызмат көрсөтүүлөрдүн администрациялык регламентинин мазмунуна карата, анын ичинде веб-сайтта жайгаштыруу аркылуу жеткиликтүүлүгүн камсыздасын. (КР Өкмөтүнүн 2015-жылдын 30-июлундагы № 360-б буйругунун редакциясына ылайык) 3. Кыргыз Республикасынын Экономика министрлиги, Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги: - мамлекеттик жана муниципалдык кызмат көрсөтүүлөрдүн администрациялык регламентин иштеп чыгууда мамлекеттик органдарга жергиликтүү өз алдынча башкаруу органдарына консультациялык жардам көрсөтсүн; - администрациялык регламенттердин долбоорлорун Кыргыз Республикасынын Өкмөтүнүн 2011-жылдын 31-майындагы № 191-б буйругу менен түзүлгөн Мамлекеттик жана муниципалдык кызмат көрсөтүүлөр системасын оптималдаштыруу боюнча ведомстволор аралык комиссиянын кароосуна белгиленген тартипте киргизүүнү уюштурсун. (КР Өкмөтүнүн 2015-жылдын 30-июлундагы № 360-б буйругунун редакциясына ылайык) 4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын мамлекеттик башкаруу жана кадрдык иштер бөлүмүнө жүктөлсүн. Премьер-министр Т.А. Сариев