# КР Өкмөтүнүн 2013-жылдын 30-мартындагы № 105-б (Координациялык кеңеш түзүү боюнча) буйругу - Толук аталышы: КР Өкмөтүнүн 2013-жылдын 30-мартындагы № 105-б (Координациялык кеңеш түзүү боюнча) буйругу - Актынын түрү: Распоряжение - Номери: 105-р - Кабыл алынган күнү: 30.03.2013 - Статусу: Күчүндө - Редакциянын күнү: 30.03.2013 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 30.03.2013 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2013-жылдын 30-мартындагы № 105-б (Координациялык кеңеш түзүү боюнча) буйругу (30.03.2013 редакциясы) - https://aqlex.ai/kg/doc/209837 --- КЫРГЫЗ РЕСПУБЛИКАСЫНЫН ӨКМӨТҮ БУЙРУК 2013-жылдын 30-марты № 105-б Кыргыз Республикасынын Өкмөтүнүн 2013-жылдын 15-январындагы № 19 "Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциясын жоюу жөнүндө" токтомуна ылайык, Азия Өнүктүрүү Банкы каржылаган "Калыбына келтирүү жана реконструкция үчүн өзгөчө жардам" жана "Ысык-Көл облусун туруктуу өнүктүрүү" долбоорлорун өткөрүп берүү боюнча иштерди координациялоо максатында: 1. Төмөнкү курамдагы Координациялык кеңеш түзүлсүн: - Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин директору, Координациялык кеңештин төрагасы; - Кыргыз Республикасынын финансы министринин орун басары; - Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин директору; - Кыргыз Республикасынын Өкмөтүнүн Аппаратынын региондук өнүктүрүү, транспорт, курулуш жана коммуникациялар бөлүмүнүн башчысынын орун басары; - Азия Өнүктүрүү Банкынын өкүлү (макулдашуу боюнча); - Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү; - "Ысык-Көл облусун туруктуу өнүктүрүү" долбоорун башкаруу офисинин директору (макулдашуу боюнча). 2. Координациялык кеңеш бир айлык мөөнөттө төмөнкүлөрдү камсыз кылсын: - долбоорлорду башкаруу боюнча бириктирилген бөлүмдүн түзүмүн түзүүнү; - долбоорлордун документтерин, архивдик материалдарын жана материалдык-товардык баалуулуктарын өткөрүп берүүнү; - долбоорлорду үзгүлтүксүз ишке ашырууну. 3. Бул буйруктун аткарылгандыгын контролдоо Кыргыз Республикасынын Өкмөтүнүн Аппаратынын региондук өнүктүрүү, транспорт, курулуш жана коммуникация бөлүмүнө жүктөлсүн. Премьер-министри Ж.Сатыбалдиев